وادعــت نـاجـح مــن مـطـار الـقـريـات === يـــوم اركـبـونـا الـطـايـره واشلـعـتـنـا
لـفّـت ودارت وامـرجـت بـيـن لحـظـات === لـــولا الـكـراسـي والـمـحـازم رمـتـنـا
طــاروا بـنـا حـمـر العـلابـي خـواجـات === صـغــر الـعـيـون وجـيـهـهـم هـولـتـنـا
تكـفـى تـشـهـد يـافـهـد واقـــر آيـــات === الـمــوت جـانــا والــظــروف اجـبـرتـنـا
جانا المضيّف قـال وش فـي خدامـات === قــلــت نـزلـونــا بـطــونّــا مـوجـعـتـنـا
من قبل اشوف الغيـم دون السمـوات === واليـوم اشـوفـه يــا فـهـد مــن تحتـنـا
عـز الله انـي مـا حسبـت الحسـابـات === والآ تـــــرى ســيــارتــي مـوصـلـتـنــا
يازين ممشى الارض لو هي مسافات === لــنّــا بـشـعـيـب مـجـهـزيـن قـهـوتـنـا
وش جـابـنـي للـطـايـره والـمـطـارات === والله مــعـــود ركـوبــهــا إن نـزلـتــنــا
لــو تنفـجـر قـامـت تـذيــع المـحـطـات = == رح عــــاد دوّر قـشـنــا مــــع جـثـثـنـا
ثم رد عليه الوايلي بهذه القصيده :
يـامــودعٍ نـاجــح بـمـطـار الـقـريـات === قصـتـك لــو تضـحـك تــرى حيرتـنـا
يـالـيـت مـاقـالـوا تـرانــا شــــرارات === ليـت الـخـوي قــال لخـويـه سكتـنـا
هـذي قبلـيـه تنـعـرف بالشجـاعـات === كــلاً تـقــول مـــن القـبـايـل غـزتـنـا
بالطايره لو مت من عرض من مـات === ولا قــلــت ان الـطـايــره خـوفـتـنــا
بالطـايـره خـايـف وبالـقـلـب دقـــات === قـلـت العـيـون الـلـي تبـيـنـا بكـتـنـا
لا تفتخـر بالـخـوف وتسـجـل ابـيـات === لـو انــت مــا سجلتـهـا مــا شمتـنـا
الناس يا ابـن النـاس ترقـى درجـات === هــــذي رجــــال بـوقـتـنـا علـمـتـنـا
شف الشجاع اللي يرقى بالطويلات === فـوق القمـر يحمـل عـلـم مملكتـنـا
سلطـان بـن سلمـان زبـن الوميـات === الــلــي فـعـولــه بــــدوٍ شـرفـتـنــا
هــذا كـــلام الـوايـلـي بـالإشــارات === يـــوم الشـمـالـي قـصـتـه زعلـتـنـا
والختـم صلـوا باسـم رب السمـوات === علـى الرسـول المصطفـى خاتمتنـا
ثم رد عليه أبن مطرود الشراري بالتالي :
هـذا حديـدٍ مـا يعـرف الشجاعـات === ولـهـو آدمــي وتخـوّفـه مرجلتـنـا
عنتر بلـش بالثـور صابـه مخافـات === لا سالمين مـن بلشتـه وابلشتنـا
يالوايلي لا تشك مـا بنـا مشكـات === الآوادم كـــلـــهــــا عــارفــتـــنـــا
حنا نحب الضحك بالشعـر وابيـات === لو قلت خـوف النـاس مـا صدقتنـا
كل ما سمعته بالقصيـده دعايـات === لا يصـيـر شــك الطـايـره خوفتـنـا
المرجلـه معنـا عليـهـا شـهـادات === إن مــا شرينـاهـا تـراهـا شـرتـنـا
لو ندعي بالخـوف مـزح وخرافـات === والحـرب خبـه للجيـوش اجهلتـنـا
إلى انسحب يرجع بقوه وهجمات === ليـن العـدو ينحـاش مـن منطقتنـا
وان كان سلطان ارتفـع للمجـرات === قبـلـه امريـكـا وروسـيـا سابقتـنـا
خل المحاور بينـي وبينـك بالـذات === لا تـدخـل الأمــار فــي سالفـتـنـا
هذه القصيده :ردا للشاعر: عويض بن عائض بن عوض العرعري الرشيدي ( أبو شــــــــــــــرف)
حي الجواب وحي كل الشــــرارات = = معربين جدود في ممـــلكتنا
من كل قلبي للشراري تـــــحيات = = اللي نظم جزل القوافي وجــــــــتنا
عبر الهواتف وأعجبـــت كل فئــات == المجتمع كله يقول أعجـــتتبتنا
قصيدته بالطائره والخوجـــــات = = اللي صفتهم غيرماهي صــــفــتنا
يقول كنه صار بالأرض هزات = = يوم الخواجه تــــــلها روعــــــتنا
لحظة وداع الأرض شاف المـــتهات = = فوق الغيوم الطــــــائردوخـــــتنا
لحظة سكون وصمت مابه حركات == على الكراسي رابطين أحزمتنا
وسيطرعليه الخوف مامن سلامات = = ويقول عن إركوبها تـــــــــوبتنا
قصه حقيقيه ولاهي خــــتيالات == وما قال كله صدق في مصــــــــلحتنا
والخوف ماهو من صفات الشرارت == إلا من الله تكــــــــــــــــــــده معرفتنا
أكيد يمزح يوم شاف المضـــــيفات == يقول شفت الموت في طــــــــائرتنا
والحكي ما ينفع بشيء إليا فات == وبعض الموا قف خارجه عن لغتنا
والخوف وارد والمشاكل كثيرات = = وقصيدته بالطــــــــــــــــائره ذكرتنا
بالخوف عند إقلاعها صدق بلذات = = والله مالومه معــــــــــــــجزه عجزتنا
سريعه تطوي بعيد المسافات == ولويختلف مســــــــارها زعــــزعتنا
بين السماء والأرض مالهامحطات == صنع الخواجه كلنا خــــــــــــوفتنا
الصدق واضح ما عليه اعتراضات == وقصيدته بالطائره شـــــــــــــــجعتنا
على أختيار الرد في جملة أبيات = = ومنه السموحه كان ماجـــــــــــــملتنا
والموت لاجانا يجينا مفاجـــــــآت = = بالطائره وإلا على الأرض مـــــــــتنا
وسلامتكم
10-11-2006, 02:39 PM
العرض المتطور
