حب ووداد .......... وهم وقرف

[صالح ال كحله]

اتمنى ان تنال اعجابكم .... وتبقى وجهة نـــظر خاصه متواضعه

الحب حوض(ن) وارده ستين صنف من العباد
احد(ن) غرف بالملعقه واحد(ن) بسطل الماء غرف

واحد(ن) دخل في معمعه واحد(ن) شرب كاس البعاد
واحد(ن) من اخلاصه على خده من ادموعه ذرف

اقولها وانا كـلامي...... لا نطقــــته ما يـــــــعاد
جربت... انا والتجربه برهان.... للي ما عـــــرف

واثق بنفس الوقت عارف ماخذ(ن) درس(ن) وكاد
علمني اشلون الغلا ... كالسيل لا منــه انجـــرف

ماكل من شفته يثير.. ولو...كسى عينه سواد
وما كل من شفته .. يدش القلب لو بالرمش رف

وانا عيوني ما يكحلها سوى .. اللي في المراد
فيها تـرف لا... والذي نعبده هي (ام التـــــــرف)

يا لايمي في حبها ..خلك بعـــيد وفي حيــــــــاد
شرف الى جتني وقالت وش علومك لي شرف

هذيك لا مرت على بعض البشر صارو جماد
والبعض انا باستغفرك يارب خطر(ن) ينحرف

العين فيها الرمش طاغي.. والحلا غطى وزاد
وعقل.. وثقل .. منه كفو يقدر يدوس الها طرف

لله حكمه ..حط للوجه الحسن.. حـــــب ..ووداد
ولله حكمه.. في وجيه(ن)..... كلها هم.. وقرف

تقبلوا تحياتي

[فيصل بن حجرف]

مرحبا مليون بالشاعر القدير صالح آل كحله
وصح لسانك على هذه القصيدة الرائعه

مبطين منك ومن مشاركاتك الجميله في هذا القسم

[ناصر بن فالح]

صح لسااانك مليووووووون ياصالح ولاهنت

وافيه طال عمرك

[محمد المحلكم]

قصيده جزله وصح لسانك

[صالح ال كحله]

الاخ القدير فيصل ابن حجرف

صح ابدنك

والتمس العذر من شخصك الكريم
فعلااا غبت وانقطعت بسبب ظروف العمل والاشغال

لاهنت مرورك من هنااا اسعد اخوك


تقبل تحياتي

[صالح ال كحله]

ارسطووو

صح ابدنك

ولاهنت على المرور يالقرم

تقبل تحياتي

[فلاح بن ملبز]

ارحب يا صالح آل كحله

وصح لسانك على ذا القصيدة الطيبة

ولاهنت يا السنافي

[الملك]

صح لسانك واصل فديتك بأنتظار جديدك

[الزايدي]

صح لسانك ياصالح


قصيده رائعه من شاعر مبدع وقادم بقوه

تحيتي لك

أخوك/ الزايدي

[شيخ المراجل]

الشاعر... صالح ال كحله...

صح الله لسانك على القصيده الجزلة واتمنى لك التوفيق.