مقتطفات من شعر سعد علوش اعجبتـني !!..

[فارس ال شامر]

اعذروني يالربع خذيت لي غيبه ولكن الغايب عذره معه بس رجعت لكم ببعض الابداعات من شعر سعد علوش المبدع دائما فخلونا مع الماده :
يقول :

تضيق بي الدنيا بكبرها من معابيس الوجيه = وهذاك ليا منه تبسم شفت للدنيا طرف
مني ولي احببته اهو حبني منه واليه = من غير لا انا اعترف ومن غير لا هو يعترف
ليه اتحاكا وكل ابوي يعرف غاية كل ابيه = ليا فرح افرح ودمعه لي ذرف دمعي ذرف
اغليه يعني اعشقه اعشقه يعني اموت فيه = يعني انا ميت مع عشقه ومرتبة الشرف
ميت ويعشق والسبب ما فيه داع اني احكيه = الغيد في الدنيا هواه وهو لحاله محترف
الشامخ اللي لا اقبل وحضن يديني في يديه = تراعدت فرايصه بالغنج وتساقط ترف
امشي معه من غير لا اين ولا كيف وليه = من حيث ما يجرفني اغمض عيوني وانجرف
ان قال لا اقول لا ان قال ايه اقول ايه = ما اعرف ما اسمع ما ارى ما ارى ما اسمع ما اعرف
اللي اعرفه اني ابيه يتجمل بي وابيه = وكان العدل في صدته سجلني اكبر منحرف
يغفر لي الله والله يبيحه ويرحم والديه = علمني ان البعد نكسة حال والصدة درف

....

يقول :

الطايش اللي محتمينه ما ولوه = كل العيون اللي تحبه باعته
اغلى شهوده ساع ما ابيع جحدوه = واوفوا شموعه يوم قفا ماعته
يا اهل السخافه واللقافه جنبوه = خلوه يخطي دامني شماعته
خلوه يجمد ويتبعثر كلبوه = ما دامني في حكمه وفي طاعته
لانه خليط من التغاضي والنبوه = ومواقفه تبنى على قناعته
قاسي ولو تضايقه ما قال اووه = وقساوته اخر دلع مياعته
مدلع خلقه وناسه دلعوه = والنفس ما تشبع به اليا جاعته
يغيب ويدري ان المعاليق فقدوه = ويرجع بصوت جعلني ما ناعته
لا بث رقمه شاشة الجوال اتووه = واقول يا ربي تبارك ساعته
جوالي ليا منه دق وقال الووه = تذوب اذانيي على سماعته
لبيه يا كلماته ولا فظ فووه = امووت في ضحكته واستمتاعته
لا تنشدوني ليه احبه انشدوه = حبه محببني سبب وداعته
من كثر ما احبه احب امه وابوه = بالمختصر احبهم جماعته

...

يقول :

اخذيني ليا عجبتك بس رديني = وان ما عجبتك خلاص اخذيني ما بيني
ما دامني شفت فيك الطهر والعفه = باعيف نفسي ليا منك كرهتيني
اخذيني لو اعتبر من ضمن اشيائك = وانا باحبك ولا لازم تحبيني
لا ابي علاقه ولا ابي نظره وبسمه = احساسي اني بقربك بس يكفيني
لو اني انضفت لاشيائك غصب عنك = طلي علي يا غناتي لا تخليني
تراي لا جا المصامد ماني بهين = تقول كن العرب لعبه بيديني
شخصيتي من غرابتها وطيبتها = كن الزمن ف يتحدي بينه وبيني
اخذيني الشاعر اللي ما صدق حظه = لا قلت يا حظ وينك قال يا ويني
اخذيني المبدع المتفلسف التحفه = مومن وتضحك على العالم شياطيني
شهرة شكسبير وافلاطون ونيوتن = لا قلت لي بيت شعر تطيح من عيني
واخذيني العنصر اللي صدق متعنصر = من دون ربعي لو اقطع شراييني
واخذيني اللي ليا منه طلب يعطى = وتكفين لا من طلبتك لا ترديني
تكفين يا غايتي يا بهجة الدنيا = ابحرق قلوب ناس ما تدانيني
اخذيني بكل شوق وقولي احبه = وان شككوا فيك ولا في ضميني
قولي بدر والله انه غالي جدا = ويا جعل فدوه شبابي واخر سنيني
وانا باصدق كلامك واعتنز بالله = وباقول للناس ما يعنيك يعنيني
وانا علي نذر ما ارخص جيتك = وانتي نذر على رقبتك انك ما تخليني

...
وسلامتكم هذا ما قدرت صوابعي الحلوين تكتبوـآ ـإلكــون هلـأ . بس ترى هي القصيده ماهي بالكاف هي بالسين بس انا حطيتها كذا يعني احسن . وبعدين فيه حاجه غيرتها انا اللي هي بدر هي اصلا سعد بس انا قلبتها على اسمي والقصيده الاخيره إهدـآء ـآلـى A . اعذروني طولت عليكم ارجوا ان تعجبــكم .
تقبلوـآ تحيـآت ـآخــوكــم /.,. فـآرس ـآل شـآمــر .,.

[عيد بن شدقان]

فارس ال شامر


اولاا نرحب بك معناا من جديد في منتدا العجمان

وحياك الله



وصح السانك والسان الشاعر/سعد علوش


ولاهنت


على الاختيارات الجزله


الله يعطيك الف عافيه

[فارس ال شامر]

ابك البقا يا عيــد ووالله انها احلى مشاركه يوم انك اول زوارها . وصح بدنــكـ
ولا هنــت علـآ مروركـ ـآلعــسل يـآ عســلـ ... !

تقبــل تحيـآتيـ / .,.فـآرس ـآل شـآمر.,.

[فلاح بن ملبز]

فارس ال شمر

صح لسان شاعرها وناقلها

يعطيك العافية على المتقطفات الرائعه لشاعر / سعد بن علوش

وبيض الله وجهك

ولاهنت

[فارس ال شامر]

صح بــدنــك ـآخــوي فلآح ولا هنـــت علـآ مروركـ العــطر

تقبــل تحيـآت ـآخــوكـ / .,.فـآرس ـآل شـآمر.,.

[فارس ال شامر]

ـآحــم ـآحــم ... ـآبي مــوضوعــي يعــود فــوق ..

[زمانك]

صح الله السان الشاعر سعد علوش


وانا اشكر استاذي فارس على نقل القصيده


تقبل تحياتي ,,,,,,,,,,,,,,,,,

[بــ راكان ــنت]

صح لسانك ولسان سعد
ولاهنت على الاختيارات الجميله..

Dr.Corvette