السلام عليكم..
هاذي أول قصيدة لي في منتدانا وأتمنى أنها تعجبكم..
والقصيدة كلام بيني وبين قلم كنت ماسكه أبي أكتب فيه وبصراحه تعبني بعناده..
وخلكم مع القصيدة
لوجمعت أشعار قلبي والعقل ماظـن تكفـي
من جمالن شافته عيني وهو قمـة جمالـك
العيون اتشوف ثم ترسل على مسكه بكفـي
وسطها صار القلم ثم صاح ويلي من خيالك
قال وضح وش تبي قلت الحكي ماظن يكفـي
لين تدخل في ضلوعي ثـم تـدور مابدالـك
قال شفته بس بلشني قلبـك اللـي مايوفـي
شرحه اللي ماعرفته ولايجاوب في سؤالـك
قلت دور لين تلقى مـن عناوينـن توفـي
ثم تعلا صوب عقلي وإنشده لو كان جالـك
إنشده وإنشد عروقي وإنشد الـدم المقفـي
عن غرامن زار فكري وإرتكز في وسط فالك
قال توني بس لقيته من على بيتـن يدفـي
من تظلل في ظلاله والسعد يصبـح ظلالـك
ألتقيت أف بيت شعرن جالسن فوقه يرفـي
وده إنه بالقصيده ووده إنـه فـي مجالـك
قلت جيبه ياصحيبي وأسقني وأروي لشفـي
من ضماي اللي هلكني بإنتظاري في وصالك
قام يهمس للأصابع يشرح البيـت المخفـي
من سبايب حالتن لي شايكه والجـو حالـك
ثم كتب يرسم حروفي وسطها البيت المشفي
وأعتزا بالحبر ضايق وإعترف ثم قال جالك
وبالنهايه مانفعي خلـص الحبـر المطفـي
ثم بقيت بنار قلبي والسبب من شين حالـك
قلت وادع ياصحيبي وإترك الهـم المكفـي
للحروف اللي اخذلنتي وأنت تنظر مابقالـك
إشتكيت الهم فيني وإشتكالـي يـوم تلفـي
قال خله في طريقه ولاتباعـد مـن عنالـك
ياعناي اللي بلشني والحظوظ اللـي تطفـي
كل شمعه في حياتي وأنت خاذل من شكالـك
مابقالي غير تمسح شي كابـر فـي ملفـي
وإبتعد مشكور يالله ولاتقصر فـي رحالـك
03-01-2007, 09:55 AM
أنا والقلم
العرض المتطور
