بسم الله الرحمن الرحيم
السلام عليكم ورحمة الله وبركاته
هديه متواضعه لعشاق الشعر
قصائد مختاره للشاعر الرائع
فهد المساعد
حبيت تشاركوني الاستمتاع بها
اذا وجدت اقبال راح أقدم المزيد
من روائع هذا الشاعر في هذه الصفحه
أتمنى ان تنال استحسانكم
اللي تركني
اللي تركني وانا في عز غربالي
:::::::::::بعد الشدايد وش اللي ذكره فيني
يبغى زمانه يعود ويرجع الغالي
:::::::::وشلون يرجع بعد ماطاح من عيني
لا الوقت وقته ولا له شي في بالي
:::::::انا نسيته مثل ماكان ناسيني
ياما تمنيت نظره منه في حالي
::::::::ياما تمنيت صوته لو يناديني
واقول لااظلم علي الليل بلحالي
:::::::الله يجيبه يشتت غربة سنيني
من كثر ماكان طيفه دايم قبالي
::::::احيان احسه معي وتضمه ايديني
ولامن تنبهت لين وجيه عذالي
::::::كل على ماطرا باله يسميني
ليته تركني بعد هذا على فالي
::::::::زي ماتركته بعد قتله بساتيني
من بعد ماصار جا بلسانه الحالي
:::::::يبغى يرجع زمان بينه وبيني
قولوله اني ماحبه كثر ترحالي
::::::او لا حرام يتضايق ويبكيني
قولوله اني احبه بس من تالي
::::::ان راح ولا رجع ماعاد يعنيني
المدينه والغريب
جا يشوف الحال كيفه بعد ما هزه حنينه
وقبل يسألني سألته كيف حالك يالحبيب
قال أنا كني غريب ضيع دروب المدينه
قلت انا كني مدينه تنتظر رجعة غريب
قال اجل وشفيك تكره سيرة الحب وسنينه
قلت اجل وشلون ما اكره سيرته دامك تغيب
انت لامن غبت حتى مرايتك صارت حزينه
كيف ماتبغاني احزن وانت لي حظ ونصيب
الهدايا والرسايل والمكاتيب الثمينه
والليالي والقمر والريح والكون الرحيب
كل ماتبعد تجيب الشعر ليه من يدينه
وتقعد جروحي تودي في الطواريق وتجيب
يابعد كل القصيد ونزوة حداه وانينه
لاذكرتك لاح بيت وطاح ورد وفاح طيب
وان نسيتك مانساني صوتك المبحوح لينه
ياخذ لجرحي بثاره من خطاياك ويطيب
وبعد هذا جاي ترمي ذنبك بوجه المدينه
مادريت ان المدينه كلها شمعة غريب
خلاص
ياصغير السن قدرك طاحت ابراجه
::::::::::الجرح خلا الصخر ينطق ونطقني
خلاص ماعاد تعني لي ولا حاجه
::::::::رح جعل ربي يوفقك ويوفقني
من بعد ماكنت نور العمر وسراجه
::::::::اليوم صرت الظلام اللي يطوقني
عطيتك اكثر من اللي كنت تحتاجه
::::::::اسرفت في الحب لين الحب وهقني
خلاص مالي ومال الحب وازعاجه
:::::::مالي ومال الدروب اللي تضايقني
تعبت اضم البحر واهدي امواجه
:::::::تعبت اجامل واشوف الوقت يسرقني
شكواي للي عليه الضيق وافراجه
::::::::اللي إذا شاء يرحمني ويرزقني
اما انت يابو جبين عقد احجاجه
:::::::لا عاد تسأل علامك منت طايقني
الناس كل على دربه ومنهاجه
:::::::وانا عن الناس مابه شي يفرقني
إلا إني دايم احب الصدق واواجه
::::::مخلوق والله على هالوضع خالقني
حتى رفيقي ضماد القلب وعلاجه
:::::::على كثر ماتمسك فيه صدقني
لو أدري انه مرافقني على حاجه
::::::لامسكه حاجته واقول : فارقني
كبوة جواد
صعب لامنك فشلت وصعب لامنك لقيت
ان من يكره نجاحك يدري انك مانجحت
امس ضقت ورحت اقلب ذكرياتي وانتهيت
عند صورة طفل صوته مثل صوتي لا انجرحت
وش مثل لا والله الا هذا انا يوم ابتديت
انطق حروف تلعثم في لساني لا انمدحت
هذا انا يوم الحياه في نظرتي عشرين بيت
ومسجدين ومدرسه من طين كم فيها اصطبحت
هذا انا واصبحت اتمتم هذا انا حتى بغيت
اختنق بس القدر عيا على موتي وطحت
وصاح صوت الطفل فيني انت من وين ارتميت
قلت انا المستقبل اللي فيه كم همت وطمحت
امس كنت ابيك تكبر بس والله لو دريت
اني اللي عشت لاجله مت عندك واسترحت
لودريت ان الزمان يجر رجلي ماعديت
ولودريت ان البحور بلا مواني ماسبحت
كان دربك لي طويل وكل ماشفتك هويت
قلتلك كبوة جواد وماكبيت إلا وجمحت
ليه تسمعني وتمشي آه ليتك مامشيت
وآه ليتك من كثر عثرات الايام انتصحت
ضاعت أحلامي وظل الحزن فيني واهتديت
للطريق اللي يوديني على دمعي ورحت
يالحزن ليتك مثل دمعي وتنزل لارقيت
بس اعرفك لو مسحت الدمع تبقى مانمسحت
كان حلمي في وجود انسان يبكي لابكيت
وصار حلمي في وجود انسان يفرح لافرحت
كنت اشوف الناس مثلي كل ماجعت وضميت
مادريت ان الاوادم ناس فوق وناس تحت
آه يا اول ذكرياتي خذني فحضنك نسيت
لا اسالك عن وجه ابوي اللي معه ياما سرحت
خذني فحضنك ابغفى ياه مبطي ماغفيت
وان لمحت دموع عيني سو نفسك مالمحت
خذني فحضنك وبعثر في جروحي وان قضيت
هز لي كتفي وقل لي عيب تبكي لو سمحت
إضحك وعلم زماني من انا ومن وين جيت
طق باب الحزن واصرخ في لامني فتحت
وضمني يمك وكمل ضحكتك لامن بكيت
ودي اذكر كيف كانت ضحكتي لامن فرحت
انشالله تعجبكم وتنال استحسانكم ...
تــقبلــو فــائق احتــرامي وتقديــري ..
اختـــكم .. الجــــامحـــــه!
__________________
\
\تـحـاك وإرفـع معـنوية ســــكـاتي
مخـارج حروف اللغــه تعـبد حــكاك .!
\
\
والله لـو إن الله يحــقق منــاتي
إنــي لكــل أمنــيه لا تمــنااّاّاّك.!
\
\
03-01-2007, 04:46 PM
عفواا ... للمتذوقين فقط..!؟
العرض المتطور
