السلام عليكم ورحمة الله وبركات
ارجو ان تنال القصيده اعجابكم..
الوفا والقرب واحساس الموده والتلاقي = والغلا والشوق والغيم وتوقادة بروقه
في وجودك ودي احكي عن مدى كل اشتياقي = دامك انت الحب واحساسه وتأثيره وذوقه
نلت كل الحسن في وصفك ولا بقّيت باقي = لابغيت اوصف جمالك بان شي(ن)من عذوقه
والشعور اللى جذبني في الهوى واحكم وثاقي=اجبر القلب يتغزل في القمر لحظة شروقه
من يدوّر للحسن باوصاف غيره مايلاقي = ولو جمال الكون يجمع عند غيره ما يفوقه
مهرة(ن)من حسنها تاصل سلالات البراقي = من سلاله طيبه لاخر مدى تاصل عروقه
راويه غيداء جميله رابيه في بيت راقي = ينحني في حسنها شعري وتحكمني طروقه
السحر لاسلهمت بعيونها موت(ن)يساقي = كنهّا واستغفر الله من سنا النور امخلوقه
خدها براق ليل(ن) ضاح نوره واستفاقي= هالني نوره وقلبي للغلا شوقه يسوقه
والجديل اخيوط ليل(ن) تنحدر فوق المساقي = لاحترك ذاك السواد النور من تحته وفوقه
لادبرت مثل الفرس يوم استعدت للسباقي=وان لفت مثل الغزال اللي على المرعى شفوقه
كن وشواشة نسمها نغمة العود العراقي=لانسكب في مسمعي صوته وترنيمة خفوقه
كل حرف وكل همسة من شفاها له مذاقي=وكل بسمة ترتسم تفضح خفا الشهد وغبوقه
الحياه بشوفته والموت لي حان الفراقي=الغلا ماهوب عادي والمشاعر له سبوقه
وين الاقي مثل وصفه ياعرب ياوين الاقي= لي وصفته بالف بيت من الشعر ماوفي حقوقه
كامله والكامل الله واشهد ان الحسن فاقي = لاجمال الا بها وان غاب عنها طاح سوقه
اخوكم / علي السكران
09-02-2007, 01:33 PM
العرض المتطور
