للشاعر هادي االرزقي لـ محمد بن فطيس

[طلال بن قطام]

حنّـا ليامنّـا كسبـنـا الملايـيـن=تبقا لعطـران الشـوارب وداعـه
نفرج بها همٍ ونقضـي بهـا ديـن=وانخص بالمدّه ضعيـف الجماعـه
هذي عوايدنا على العسـر والليـن=يوم الردي جـدّه يغطّـي متاعـه
نخلي مراحيـنٍ ونمـلا مراحيـن=واغلى كنوز العمر كنـز القناعـه
واليا عطانـا الله عطينـا جرييـن=نقضي على المليون في ظرف ساعه
وان عاضبت ليّـام نظفـر بثنتيـن=ثنتيـن مايقـدر عليهـا الرعاعـه
صبرٍ على عجفا القريبين الادنيـن=وسترٍ على من شيّـن الله اطباعـه
الله جعلنـا مـن خلقنـا ثريـيـن=عند العرب لوكان حن في مجاعـه
ابيوتنـا ملفـا عيـال المساكـيـن=واقلوبنـا تثبـت نهـار الشجاعـه
والياجلسنـا فالمجالـس سلاطيـن=والى ركبنا من معـه عمـر باعـه
صبيان يـام مهجديـن الشياطيـن=كـم حاكـمٍ شـرهٍ هدمنـا قلاعـه
ولا نخلّـي واجـب المستحقـيـن=ولا نعـرف الفبركـه واللكـاعـه
بالحظ ناطى مدهر الخـد وايزيـن=أجـواد مافينـا معمّـر قـلاعـه
نصدق-- والى منّا هرجنـا تقييـن=ونصـد عمـن لانحـب استماعـه
والياظٌلمنـا نطلـب الله واتبـيـن=حوباً على الظالم عجـولٍ سراعـه
اسرع من البارود واصدق من العين=مايمنـع الظـلاّم منهـا منـاعـه
ندرا العهد لملوك نجـد العريبيـن=ولا نبـر اصحابـنـا بالقطـاعـه
والفوز يابن افطيس ماهو من الحين=صفٍ تجي بـه مايجيـه انهزاعـه
من صلب شيبانٍ عـزازٍ وشرهيـن=ربّوك في بيـتٍ وسـاعٍ ارباعـه
برهنت لضعاف النفـوس الدنييـن=بيّاعة الذمّـه ارخـاص الوداعـه
أن يام في صعب المواقف عزيزين=مهما حصـل مايقبلـون الدناعـه
ومن فاز بالدنيـا ولافـاز بالديـن=اكيـد مالـه عنـد ربّـي شفاعـه



وسلامتكم : للشاعر . هادي الرزقي

[عزوة قبائل]

اخوي الجريح قصيدة كفووووو من شاعر كفووووويستاهل كل خير بس هادي الرزقي هو كان مشارك في المليون . واذا كان هو عز الله انه يستاهل انه يكون من ضمن الخمسة المتاهلين

وصح السانه وصح السانك جريح .. ويستاهل ابن فطيس وتستاهل قبيلة يااام وتستاهل جميع القبائل هذا الشاعر ابن فطيس...


ومشكور الجريح

[البليهي]

الجارح تسلم على النقل الجميل للقصيدة الجميلة
صح لسانك ياهادي الرزقي عز اللة بحر

[تركي المري]

والفوز يابن افطيس ماهو من الحين=صفٍ تجي بـه مايجيـه انهزاعـه
من صلب شيبانٍ عـزازٍ وشرهيـن=ربّوك في بيـتٍ وسـاعٍ ارباعـه
برهنت لضعاف النفـوس الدنييـن=بيّاعة الذمّـه ارخـاص الوداعـه
أن يام في صعب المواقف عزيزين=مهما حصـل مايقبلـون الدناعـه
ومن فاز بالدنيـا ولافـاز بالديـن=اكيـد مالـه عنـد ربّـي شفاعـه

الجريح لاهنت على النقل

وصح الله لسان الشاعر الجزل هادي الرزقي


تركي المري

[عقاب اليامي]

السلام عليكم ورحمة الله وبركاته

صح والله لسان الشاااااااااااااااااااااعر
قصيدة جزله من شاعر جزل
وفااااااااااالك التوفيق ياهادي
وانت اخوي الجاررررح
مشكور على النقل وبيض الله وجهك
اسمحو لي مروووووووووووووووري

[نسل الطويل]

برهنت لضعاف النفـوس الدنييـن=بيّاعة الذمّـه ارخـاص الوداعـه
أن يام في صعب المواقف عزيزين=مهما حصـل مايقبلـون الدناعـه
ومن فاز بالدنيـا ولافـاز بالديـن=اكيـد مالـه عنـد ربّـي شفاعـه




اهدااء لشحيمان




لاااهنت يا الجريح على القصيده وصح لسان الرزقي

[فلاح بن ملبز]

صح لسانك ولسان شاعرها / هادي الرزقي

ويعطيك العافية على نقل ذا القصيدة الجزلة

وبيض الله وجهك

ولاهنت

[مشاعر حالمه]

برهنت لضعاف النفـوس الدنييـن
بيّاعة الذمّـه ارخـاص الوداعـه
أن يام في صعب المواقف عزيزيـن
مهما حصـل مايقبلـون الدناعـه
ومن فاز بالدنيـا ولافـاز بالديـن
اكيـد مالـه عنـد ربّـي شفاعـه


صح السان الشاعر هادي الرزقي ولاهان

الجريح

مشكور اخوي على النقل الجميل

وننتظر المزيد من قصايد الشاعر

تحيتي لك / مشاعر حالمه