سقا الله زمانٍ ., قبـل طيـر الغـرام إيحـوم@يوم إنّ الحياه إمزوح ., وأفراح ., وأعيادي!

[بندر]

سلامُ عليكم ,,

من جديدي المتواضع .!

عساها أن تنال على ربع إعجابكم .!
.
.

أخيل البروق ., اللي تنّور سما وإغيوم=عساها تسلّي قلبي التايه الغادي
أخيل البروق ., ووجهي إمن السّهر مهدوم=وعيني سهيره ماتهنّيت برقادي
أكنّ الزقاره من كثر ماني إبمهموم=ثلاثة بكيتاتٍ من الأبيض العادي .!
حسبت إنّي إمن الحبّ وأهل الهوى معصوم=ولكنّه أقفى فإبلي وكسّر إشدادي
تعنّيت في دربٍ طويل المدى ملغوم=بدرب الهوى والغيّ ., سرداد مردادي
يسبّبْ معاناة المعنّا وقلّ النوم=وقلّ الوفَقْ ., وإيضيّق الحالم الهادي
وأنا ماني إبرجلٍ خبيل وضعيف إعزوم=ولانيب منهو للمزايين ينقادي
ولكنّ قلبي من سواد العبي ماسوم=وعلى أهل البراقع عادة القلب هدّادي
وإذا جيت للذكرى ., تجرّ العلوم إعلوم=قعدت آتذكّر من مراحي لـمعوادي
تذكّرت يوم إنّي عن المترفات آشوم=وتذكّرت نبل أخلاقي ., وذروة أمجادي
علاقات ., أمررها مرورٍ بدون إختوم=وعلاقات ., أميّزها مثل (يوم ميلادي) .!
ولخّصتْ لذّة عمري اللّي مضى ., في يوم=نهارٍ لامرّ الذاكره ., ماهو إبعادي
تواجهت أنا ويّاه بالموعد المحتوم=ولاأدري (أحبك) يوم قيلت .؟ من البادي
تذكّرت يوم القوم ., حدّيتها للقوم=وتذكّرت مقناصٍ ., به الحرّ ينصادي .!
عفا الله عن خلٍ ظلمني وأنا المظلوم=طَعَنْ والطّعون إوساع ., وإسيوفه إحدادي
وأنا يوم أسومه والله إنّي ., فرقتْ السوم=وغلّيت سومه ., كلّ ماسام حسّادي
وماغير أردّدْ ., يابري حالي وياقوم=من إفعوله ., وطعناته إقدام وإجدادي
تقول إنّ قلبي ., بين إدينه : (لحم مفروم)=وتقول إنّ دمعي ., سيلٍ إيسيّل الوادي
سقا الله زمانٍ ., قبل طير الغرام إيحوم=يوم إنّ الحياه : إمزوح ., وأفراح ., وأعيادي .!

,
,
بندر

[حضريه عمها بدوي]

أكـنّ الزقـاره مـن كثـر مانـي إبمهمـومثلاثـة بكيتـاتٍ مـن الأبيـض الـعـادي <<<<<<ممنوع التدخين لو سمحت الله يكفيك شره



بندر تسلم على هالقصيده اللي نالت كل الاعجاب مهب ربعه



عفا الله عـن خـلٍ ظلمنـي وأنـا المظلـوم طَعَنْ والطّعون إوساع ., وإسيوفـه إحـدادي<<<عجبني هالبيت واهديه لكل ظالم

بندر تسلم وتسلم وتسلم

[عيد بن شدقان]

يا سلام سلّم



حجرز ولي عوده

[نـاصـر]

الكرسي اللي وزان عيد محجوز لي

ولي عودة بأذن الله

[جطلي بن فهد]

صح لسانك ياقرم وماخذيت الا اعجابنا كله مب ربعه



صح لسانك ولاهنت يالجزل ماتجيب الا الجزل




ولي عوده محجوز الكرسي الي جنب ناصر

[kigf]

رائعة يابندر


صح لسانك مدد على ذالرائعة

جزلة من شاعر جزل

الله يعطيك العافية وهونها وتهوي


تقبل اصدق تحية

[ناصر بن فالح]

<<<<<<<<< يشب في الكراسي

علاقـات ., أمررها مـرورٍ بـدون إختـوم
وعلاقات ., أميّزهـا مثـل يـوم ميـلادي .!

الله الله صح لساانك جدا جدا جدا

[saprj]

صح لسانك يا شاعرنا على هالأبيات الطيبة ...

و لا بارك الله في ذا العلاقه اللي حدتك على التدخين ...

تحذير رسمي : التدخين يضر بصحتك ... ننصحك بالإمتناع عنه ...

[هضبان القعود]

الله الله الله
يابندر على هالرائعه 0000

صـــــــــــــــــــــح الله لسانك 0000

وانا ماني برجل خبيل اوضعيف اعزوم ^^^^ولا نيب منهو للمزايين ينقادي

روعه يابندر 00000

تقبل تحياتي هضبان المري

[جنحان البقاله]

ابداع واطلاله جميله من ما ضي احد افراد الحكومه

صح لسانك وتسلم على القصيده وبنتظار الجديد ولا بكيتك اخوي بندر