ليلة البارحه

[ناصر الخالدي]

سلام عليكم

اول مشاركه لي في هذا المنتدى واتمنى ان تحوز على اعجابكم

يا صاحبي كان شفت النفس تعبانه=ملامح الوجه بانتلك مواريها
رفيقك اللي يعدك حسبت اخوانه=ما عاد له فاول الدنيا وتاليها
القلب بلشان يوم النفس بلشانه=والحزن متمكنً في نفس راعيها
من ليلة البارحه والعين سهرانه=ترمش حزن واتمنى شوف غاليها
الغالي اللي يحزن بي علي شانه=انه علي شاني اعيونه يبكيها
كم ليلتن زاني والكبد عطشانه=واروى معاليق كبدن عوقها فيها
وكم لحظتن زارني واشفاي جيعانه=وقطفت من خيرت الاثمار حاليها
واليوم اشوفه يطري صك بيبانه=يا بري حالي من الفرقا وطاريها
والقلب لا زاد همه زادت احزانه=احزان بين الضلوع العوج طاويها
اموت واحيا علي شانه ومن شانه=لكن حياتي بدونه ويش اسميها
ومن ليلة البارحه والعين سهرانه=ترمش حزن واتمنى شوف غاليها

[@بنت الشيوخ@]

ناصر الخالدي...

حياااك الله وياامرحبا بك في منتدانا بين اخوانك...

ومشااركه روووعه وصح الله لساانك ولاهنت....

الله يعطيك العافيه لاتحرمنا من جديدك..

اختكـــ

@بنت الشيوخ@

[ناصر الخالدي]

ابقاك الله يا بنت الشيوخ وكفو والله لا يهينك على المرور

اخوك الخالدي

[بندر]

الخالدي

صح لسانك على القصيده رائعه

ومرحبابك في شبكة العجمان

بإنتظار جديدك

[سلطااان العتيبى]

الخالدي





صح لسانك على القصيده وحياك الله بين اخوانك





وتقبل مروري

[الخالدي_]

صح السانك وبيض الله وجهك والقصيده وافيه الله لايهينك

[ناصر الخالدي]

بندر

مشكور على المرور والله لا يهينك