ردية (الخلطه السريه) .,. <الهاجري & بندر>

[(هاوي قصيد)]

اسعد الله مساكم جميع

ذي رديه بيني وبين المشرف والشاعر العذب \ بندر

راجي انا تنال اعجاب الجميع ,,,,

البدايه اقول؟ ....

دام لي معنٍ وبي روز واضرب عرض طول = راسل اللي قد ضرب عرضها في طولها

شاعرٍ يمتاز فالعلم وانصاف الحلول = شايلٍ احمولها لا انتحوا بحمولها

مثل بندر قد بحثها على اربع فصول = دام تنواع الطبيعه بحسب افصولها

بنشده عن شاعرٍ فيه نوع امن الذهول = وله شبيهٍ فالمعاني وهو من حولها

كن يا اثنينٍ بواحد اصولٍ في اصول = وماش شيٍ خارجٍ عن نطاق اصولها

الشبه من بينهم حسن لفظ ونظم قول = والله اعلم عن خفاها وعن مجهولها

كل منا له مراده وله نقطة وصول = ماظهرت امن الوعر لين دجت اسهولها

وما بقا شيٍ مغطا ولا شي امعزول = تاضح الخلطه لمنهو بحث محلولها

....

ورد شاعرنا العذب \بندر

يوم زان الطِرقْ صخّرتْ لي شرداً جفول = وصْلوا الشعار قبلي ., ولا وصْلولها

وقمت اغنّي علّ طرقي يلاقي له قبول = ولفحتْ بنت الفكر وارتخا مجدولها

وكنّ قافي لا بغا الفكره العسره يقول : = والله ان اطولها ., والله ان اطولها

لا قطعْ وعده دريت انّه يقول وينول = حسب تجربتي معه داري انْه اينولها

ودام به مثلي ليا من برْك شل الحمول = لازم اجاريه وانقل معاه احمولها

شاعرٍ متمكّن ابداعه يصول ويجول = منتدى العجمان يشهد على ماقولها

الهجوس ان كانها اخيول .؟ له مربط خيول = مايحنّ اهجوسه ., إلاّ يعنّ اخيولها

وان نشدني .؟ قلت لمطبّلي دقّ الطّبول = قرّب اذنك والعرْب لاهيه بطبولها

هاذي اعلومي على مسمعك عرضٍ وطول = وهاذي الخلطه لمنهو بحث محلولها

وسلامت الجميع

[Welcome]

الله الله

الهاجري

صح الله السانك رديه جميله من شعار كبار
وصح الله اللسان بندر


والظاهر ان حنا بنبحث عن خلطتكم

تقبل مروي

كل منا لـه مـراده ولـه نقطـة وصـول
ماظهرت امن العور ليـن دجـت اسهولهـا

[نـاصـر]

كل منا لـه مـراده ولـه نقطـة وصـول
ماظهرت امن العور ليـن دجـت اسهولهـا

أوكاد ان ذي غلطه مطبعيه <<< مدقق لغوي

صح لسانكم ولاهنتوا

[(هاوي قصيد)]

ولكم ,.,,

مرحبا ومسهلا , صح الله بدنك ولانت وتسلم على الاطراء

لاهنت على المرور الكريم

[(هاوي قصيد)]

ارحب ياناصر ,,,

صح الله بدنك ولانت ,,,

وصحيح صحيح يالمدقق اللغوي انا اقصد الوعر مهب العور

ماظهرت امن الوعر لين دجت اسهولها؟

لاهنت على المرور الكريم

[حمود بن فطيس]

صح السانك يالهاجري والسان بندر


قصيد جزل من جزلين لاهنتو وبيض الله وجيهكم




تقبل تحيات مودعك



حمود بن فطيس

[سلطااان العتيبى]

الهاجري





صح لسانك ولسان بندر ولاهنت على النقل





وتقبل مروري

[جرير]

صح لسااانك يا الهاجري

ولسان بندر


جزليييين



تم اكتشاف الخلطه

[(هاوي قصيد)]

حمود بن فطيس ,,,

صح الله بدنك ولانت , وما الجزل الا راسك يالشيخ

ووجهك ابيض

لاهنت على المرور الكريم

[بندر]

الهاجري

قصيدتك اللي اسندتها شرف لي طال عمرك

وانت والله من الشعّار اللي نفخر بتواجدهم في صدى المشاعر

وصح الله لسانك

واعذرني على القصور