حبيت أن اهدي لكم هذه القصيده الرائعه للشاعر ابن مدعث الدوسري
طلبت الله قبل مبدأ القصيده غافر الزله
رفيـع العــرش عـلام الـغــيــوب أمــدبـر الأفــلاك
ألا يالـلـه يامطـلوب ثـبـتـني على الملـه
بــقــولــة لا الــه الا أنـت ربـي مـامـعـاك أشـراك
أنا امنت بـك واللي بـدين الحق مرسـلـه
أنا عـبـدك وابن عـبـدك وادور طـاعـتـك ورضـاك
أبي ضلك بـيـوم فيه غيرك مانبي ضلـه
بــيـوم الـحـشـر يــارب الـعـبـاد أبـلـتجي بـحماك
وأنا ماقـول هـذا كبر لـله والكبر لـ اللـه
تــعــودنـا نـعــز الـنـفــس عـن ذولى وعـن ذولاك
تعودنـا على بيـت الشعر والـنار والـدلـه
وتــعــودنــا نـقــول أهـلا هـلا يـاضـيـفنـا حيـاك
وتعودنا على الجيره نصون الجار عزا له
وعلى الخوه خـوي الجنب ماياطى عـلى الاشـواك
وتعودنـا وتربيـنا على سـلم العرب كلـه
على العفه على الشيمه على الحشمه على الادراك
مواريـث الجـدود اللي تـورد للـعـدا عـلـه
ألا يــاســلــمـنـا يــاسـلـم جـداني حـــلـو مـحـلاك
ألا ياسلمنا ماجاك من شين الدهـر خـلـه
ألا يــاسـلـمـنــا يـاعــزنــا لا عــاش مـــن خــــلاك
29-05-2004, 01:41 AM
العرض المتطور
