وجودي عليهم كل ماصبحت ولا مسيت؟

(هاوي قصيد) · #1 13-11-2007, 02:14 PM

مسا الخير

قصيده لشاعر الكبير \ راشد بن غالب الكدادي الهاجري

تقافوا قطين العد وانووا وانـا مـا نويـت = بقـى عقبهـم لا عـاد حـسً ولا زيـلـه

هبـوب الـذواري يدفننـه سـواة الميـت = يلوفه هواهن عقـب مـا خلـوا نوازيلـه

جذبهم من بكـور الوسامـي خبـر تثبيـت = على مرتع ارض(ن) درجت بـه مساييلـه

تقافت انشـور اظعونهـم عقبهـم عزيـت = لمشعـوف قـلـبً كـاثـراتً غرابيـلـه

وجودي عليهم كل ما صبحت ولا امسيـت = وجـود الظمـان اللـي تقـارع مغاليـلـه

الى زل ثلث الليـل مـن هجعتنـي ونيـت = ونين المريض اللي مـن العـوق يشكيلـه

سبب من هرجلي يـوم قفـا وانـا قفيـت = بهرجـة وداعً تالـي الهـرج مـن قيلـه

وداع الفراق اللـي بكانـي ومنـه ابكيـت = بقولـة فمـان الله مـنـه ومـنـي لــه

انا عقبهم فـي لـذة النـوم مـا ستريـت = ودمعـي علـى الوجنـات ينثـر هماليلـه

انا في بحـر ملـك المـوده لهـم دشيـت = وحبلـي علـى ماهـم يـورد محاحيـلـه

الى شفت زول(ن) من طرف غيرهم صديت = ولا لي معه شف(ن) ولا ارجـي محاصيلـه

الى قلت انا اني من لطيف الحشـا سجيـت = دعوا عندنـا بـزر(ن) صغيـر يساميلـه

انا لا ذكرته فـى حـلات الكـرى فزيـت = كمـا فـز بـزر(ن) يسمـع امـه تناديلـه

الى مربي فـال(ن) علـى دارهـم ونيـت = وبكى حجر عينـي يـوم مـرت مداهيلـه

انا افرح بمقضى حاجات(ن) صوبهم لا جيت = اتجري قدم رجلي الـى جيـت بـا جيلـه

عسى جعل قـاعً يدهلونـه ابنـي البيـت = عليـه السحـاب انشـى وينثـر مخاييلـه

الـى كملـوا مرباعهـم فـزت واستريـت = وترجيـت مفـراع لهـم عقـب تطويلـه

وضربهـم هـوا هيفيـةً تيبـس التنبيـت = تقـزي مقاهيـر الدبـش مـن مقاييـلـه

نقظ جزوهم ثم جاء على عدهـم تصويـت = وشربـوا علـولً عقـب عركـة مناهيلـه