حويدي القحطاني من الرجال المعروفين وهو شاعر كان مع العجمان وكان بالأخص قصير أل سفران لسنين طويله
وذات مره ذهب الى الملك عبدالعزيز ال سعود وسأله ليش تركت ربعك وبني عمك وديرتك ونزلت مع العجمان؟
قال انت سالت ياطويل العمر وانا بأرد عليك برد يخليك تعذرني
وقال الأبيات هذي:
يالله يالمطلوب منشي المزوني=رب(ن) كريم(ن) يعلم الكايناتي
باطلبك انا يوم العرب يطلبوني=طلبت نصوح(ن) صادق(ن) بالثباتي
يالله عسى العجمان مياذهبوني=لاجيت ديرتهم رميت بعباتي
وان جيتهم ضيف بعد كرموني=والعيش مايكفي الابشاتي
ولاجيتهم في حاجة(ن) قلطوني=صفقا(ن) صفوق لين تمضي حكاتي
وقصيرهم مايركبنه ديوني=وكنه بعيطا من جميع العداتي
ثم قال له الملك: ويسوون بك كل ذا؟
قال له القحطاني: واكثر طال عمرك
قال الملك: لابالله معذور ياحويدي لامنك نزلت مع العجمان
والسلام عليكم
05-06-2004, 10:23 PM
من أقوال الإمام علي بن أبي طالب كرم الله وجهه ...
العرض المتطور
