مدغم بوشيبه...اللي سرى

aL_CaBoNi · #1 17-01-2008, 07:55 AM

باخنصار

قصيده في قمه الابداع والروعه والجمال كذلك

للمبدع ابوشيبه

اتمنى ان تنال اعجابكم

اللي سرى ليلة الجمعه وعلى ولاه=عزالله ان ليلة فراقه دروس وعبر

الله يسهل خطاء رجله ويغفر خطاه=من يوم شفته وانا داري ان عنده خبر

لو مااستباح العيون اللي بكت في رجاه=ماضاق صدر الرياض وضاق صدر الخبر
خذ كل شي وعطاني خنجر(ن) من جفاه=توغلت في ضلوعي قفلتين وشبر

هواية(ن) يستلذ بها وهو في صباه=والظاهر انها تبي تكبر معه لا كبر

لو يتمثنى حريره ضفتين القناه =قامت تغنيله الامواج يااسمر عبر

وستارة القلب يادوب التفاتت مهاه=وتقدها من قدم وتقدها من دبر
انا دخلين على ربي وانا في حجاه=من كسرة الخاطر الي لانكسر ماجبر
لو ماقراء اسمي بعلبة زعفرانه نساه=قسته الايام واخلفه الزمان الغبر
لاتامن الوقت لاشقف الحفاه الرعاه=يشيدون القصور ويلبسون الوبر

وان حاصرك زول من تغلي وضامك غلاه=اما ذكرت النعش ولا ذكرت القبر

تدري متى تنفض يديك وتعاف الحياه !!=لاعطال ربي (المعاناه)وحرمك (الصبر)؟

تقبلو تحياتي

الكابوني

الـ ـشـ ـقـ ـا ويـ ـه · #2 17-01-2008, 08:52 AM

الكابوني دووووم متألق فالاختيار

صح لسان المبدع بوشيبه

تقبل مرور اختك

aL_CaBoNi · #3 17-01-2008, 08:56 AM

الشقاويه

التالق بوجوووووووووووودج في صفحتي

جزيل الشكر لج

تقبلي تحياتي لج

اخووووووووووووووووووووج

ال ك ا ب و ن ي

سند · #4 19-01-2008, 12:58 AM

تدري متى تنفض يديك وتعاف الحيـاه !!
لاعطال ربي (المعاناه)وحرمك (الصبر)؟

الله عليك وعلى اختيااارك يالكاابوني

اختيار في قمة الرووعه

صح السانك واللسان شاعرها

لاهنت طال عمرك

تحياتي ,,

ناصر بن فالح · #5 19-01-2008, 01:17 AM

الله الله صح لساانك ولسااانه

ولاهنت

مــشــعــل آل زميكان · #6 19-01-2008, 01:40 AM

حضور جميل للشــاعر / مدغم بو شيبة (( ســمي الزعــفران ))
تقبل مروري اخوي .

aL_CaBoNi · #7 20-01-2008, 10:14 AM

سند

لاهنت على المرور

الرائع والجميل منك

تقبل تحياتي

اخوك

الكابوني

aL_CaBoNi · #8 23-01-2008, 11:57 PM

ارسطو

لاهنت على المرور

جزيل الشكر لك

aL_CaBoNi · #9 10-02-2008, 08:10 AM

مرور جميل منك مشعل

تقبل تحياتي