مشعوفان ماعقبه فحول(ن)مجاهيم

[فيصل بن جزاء]

اعزائي اعضاء وزوار منتدى قبيلة العجمان

اسعد الله جميع اوقاتكم بالخير والمسرات

هذي قصيده من جديدي في الفحل المشهور(مشعوفان)لمالكه مالك الابل المعروف

الشيخ عبدالله بن فهاد الفصام الدوسري عسى ان تنال اعجابكم وتصل لذائقتكم

والقصيده تعبر عن نفسها


بدايه
/
\
/
\

يااهل القصايد حارت اليوم الافكار=من عقب مااقفا خيرت الزمل عنا
مابه عوض عقبه تشاقيه الانظـار=مهما تجـي الاذكـار منـا ومنـا
اخذوا كلامي من تثابيت الاخبـار=(مشعوفان)ماعقبه فحـول بزمنـا
وياراعي المجهم تعـوض بهـدار=وارتـح ولاتقعـد بـذودك تعنـا

/
\

القصيده

/
\
/
\

هذا ندا عاجل لراعـي المجاهيـم=اعلن احدادك والتزم قضبت القـاع
وبلاش من طردت طوال الخراطيم=اللي عليها هيلمت زيـف وخـداع
اقفا زعيم الزمـل كفـو الاساويـم=ويافاطري حني له بزيـن هجـراع
وعيفي كثار الزمل مابـه مغانيـم=ماقد خبر مثله على كـل الابقـاع
والكامـل الله كامل(ن)بالتقاسـيـم=رق وكبر وانتاج بأذكارهـن شـاع
تبكيـه بدوان(ن)تعشـق المقاديـم=لاجا مداحم جنب والعقل قد ضـاع
لاجن بناتـه مصلحات(ن)مراديـم=يضمن صداره لايفكـر و يرتـاع
وذكراه تحفظ في كبـار المعاجيـم=اسطورة(ن)تبقى مـع كـل رتـاع
و(مشعوفان)ماعقبه فحول(ن)مجاهيم=عسى الله بأنتاجه يعيد لنا الاسنـاع

فيصل بن جزاء الغييثي الدوسري

[معشي الطرفى]

..

وذكراه تحفظ في كبـار المعاجيـم = اسطورة(ن) تبقى مـع كـل رتـاع

الله الله عليك يا ابو جزااااء

كتبت فأبدعت

حسبي الله على من عطااااه عين ( العين حق )

وعز الله انه فقيده خصوصاً انا يعتبر على قولك اسطووووره

وحادثة العين في الابل خصوصا ً ليست غريبه ولاهي بأول مره تصير ...

يقول محمد بن غانم يوم عطو بعيره ( زريق ) عين :

ياليت منهو يشوف ( زريق ) متعافي = يا عل من ناظره تعطى العمى عينـه
قريت له في طعامـه والله الشافـي = ما تنفعه قرية اللي خـارب دينـه !!
من أول اليا ركبته يوقف اوقافـي = واليوم كنه يجر ايديـه مـن طينـه
يرمون رمي البنـادق والله يكافـي = يا ويل من حط الازيرق في موازينه

... اشهد انهم يرمون رمي البنادق ، الله يكفينا شرّهم

والله يعوض عبدالله الفصام بخير ٍ منه

ولاهنت يا راااائع

الف شكر

[ام العصافير]

صــح لسانك اخوي فيصل على ذالأبيات الرائعه

تقبل مروري
ام العصافير

[فيصل بن جزاء]

راعي الطرفى لاهنت على مرورك المميز والراقي والجميل
وانا اشهد ان العين حق
تقبل مني خالص التقدير والاحترام

اخوك

فيصل بن جزاء

[فيصل بن جزاء]

ام العصافير صح بدنك ولاهنتي على مرورك المميز والجميل

خالص التقدير والاحترام