إبن الذيب ./ عرضت للموت نفسك ياولد دسمه .!

محمد بن دسمه · #1 30-06-2008, 03:49 PM

السلام عليكم ورحمة الله وبركاته

الحقيقه ذي ابيات ارسلها لي الملك / محمد ابن الذيب ..

وكم اتشرف ان ابوهند يرسل لي .. مع ان في ناس اكبر مني سن لكن شعر الله بالخير يتمنون ابوهند

يرسل لهم

سالفة الابيات .. ان حن تطارينا في موضوع اني بسكن في قطر عنده وبتزوج هنود بنته ..

قام وقال بخليك تسكن في الخريطيات .. قلت لا ابد بجيك وبسكن في بيتك الجديد ومنت بـ مقصر معي .

سافر الرجال مصر وارسل علي وقال ..

الشاعر اللي في وجهك ترسم البسمه .. = نكبات شعرك تخلدها عرب جيلك .!
عرضت للموت نفسك ياولد دسمه . = والموت زهقان ولاهو بفاضي لك .!
دولة قطر منت بلاقي بها قسمه . = خلك ورى الحد والى من ضقت باجي لك .!

رديت عليه وقلت ..

الشاعر اللي كبير بحجمه وجسمه .. = القصر ذابحني / وانت الله معطي لك ..!
دولة قطر ان اراد الله لي قَسمه . = بجي المقارح ./ والى خلصت باتي لك .!*
والى ذكرتك هبوب الكوس والنسمه . = هبت علي من جنوب وودي آجي لك .!

سمعها الرجال وقعد يظحك .. قال ذا والله اللي متقعد لي وما في اذنه ماي

وفي قصيده ثانيه في هند .. راح انزلها عن قريب .. بس عسى ابوهند يوافق ع الخطبه

* المقارح .. اللي هم خوالٍ لي في قطر .. من آل بحيح .

البليهي · #2 30-06-2008, 04:40 PM

اقتباس:

سمعها الرجال وقعد يظحك .. قال ذا والله اللي متقعد لي وما في اذنه ماي

هههههههههههههههههههههههههههههه

حتى انا قعدت اضحك

بن دسمه اضحك الله سنك

عز الله رديه طيبه بينك وبين بو هند

وننتظر جديدك

.

سلطااان العتيبى · #3 30-06-2008, 05:02 PM

صح لسان ابن الذيب وصح لسانك يامحمد

مار كان هند مثل ابوها انحش يااخوك

تقبل مروري

محمد بن دسمه · #4 15-07-2008, 02:09 AM

اقتباس:

المشاركة الأصلية كتبت بواسطة سلطااان العتيبى

صح لسان ابن الذيب وصح لسانك يامحمد

مار كان هند مثل ابوها انحش يااخوك

تقبل مروري

اررحب ياسلطان ..

صح بدنك نفداك ..

ماعليك البنت خذيتها عشان اسم ابيها

محمد بن دسمه · #5 03-07-2008, 02:07 PM

اقتباس:

المشاركة الأصلية كتبت بواسطة البليهي

هههههههههههههههههههههههههههههه

حتى انا قعدت اضحك

بن دسمه اضحك الله سنك

عز الله رديه طيبه بينك وبين بو هند

وننتظر جديدك

.