اللى يبي يتزوج

[شي_مرتب]

السلام عليكم ورحمة الله وبركاتة


الزواج



سبحان من يرزق بتوع الملاييـن

الرازق اللي ما يخيب الرجـا بـه



لي عم عنده معـرضٍ للصواليـن

أموت واعرف بس من وين جابـه



وإذا سألته قـال بعـت الدكاكيـن

ما يدري إني ما هضمت الإجابـه



الشاهد إني رحت له قبـل يوميـن

في قصره العامـر ودقيـت بابـه



قال ارحب ارحب عدّ ورد البساتين

يا مرحبا باللـي لفـا يـا هلابـه



قلت البقا عـدّ النفـل والرياحيـن

يا شيخ شمل اهل الكرم والذرابـه



قال اسلم الله يحفظك لي من العين

وآمر أوامر حضرتـك مستجابـه



قلت الصراحة طالبٍ قرب غاليـن

ودي تزوجنـي كريمتـك يـابـه



ثنّى وقال اهليـن والله وسهليـن

والكون ترخص لجل عينك رقابـه



لكن ترا عندي شـروط وقوانيـن

قلت اشرط اشرط يا حبيب الغلابـه



قال أولاً مهر العروسـة ثمانيـن

غير الرسوم وغير حق العصابـه



والثانية عمك يبي منـك سبعيـن

رسم الأبـوّة والنسـب والقرابـه



وام العروسة حقها منـك ستيـن

عشانها ست الحسـن والمهابـه



واخوانها كلن يبي منـك خمسيـن

عداً ونقـداً تنـدرج فـي حسابـه



وخواتها الخمس اعطهن من ثلاثين

عشان تتوثـق عـروق النسابـه



وتجيب طقم عيار واحد وعشريـن

وخاتم من الماس المصفى ترابـه



واكياس متروسة كعوب وفساتيـن

ألوانهـا واشكالهـا مـا تشابـه



وموتر بسواقـه وفيـلا بدوريـن

أثاثهـا مـن بطرتـه ينحكـابـه



واحجز لنا قاعة بقصر السلاطيـن

واحجز بهـا رقاصتيـن وربابـه



وامنع دخول اهل اللحى والبزارين

واعزم أميـر المنطقـة بالنيابـه



هذي الشروط اللي على بالي الحين

وذكرني اللي ما حسبنـا حسابـه



قلت اذكر الله يا عـدو المساكيـن

واستغفـره لا يبتلـيـك بعـذابـه



الظاهر إنك منت عارف أنا ميـن

أنا لو ارقا فـوق متـن السحابـه



ما جبت حتى نص درزن مواعيـن

واضحك بكيفك واعتبرهـا دعابـه



شروطكم هذي شـروط المجانيـن

شروطكم شغـل ابتـزاز ونهابـه



شروطكم تقصم ظهـور البعاريـن

شروطكـم همّـن وغـم وكآبـه



شروطكم والله سيوف وسكاكيـن

تذبح بنات المجتمع مـع شبابـه



وين الرضا والعطف واليسر واللين

اللي ذكرهـا الله بمحكـم كتابـه



وين الصفات اللي أمرنا بها الديـن

وين اختفى نهج النبي والصحابـه



يا عم جعل اللي خلقنا من الطيـن

يرد عقلك مـن خطـاه لصوابـه



ويجعل نصيبي عند غيرك قل آمين

ويحسن عزا الصابر ويجزل ثوابه



قال انت لو فكرت تفكير صاحيـن

ما شفت في مجمل شروطي غرابه



حنا بعصـر العولمـة والمزاييـن

ماهوب عصر الفلسفة والخطابـه



الناس تسعى للرتـب والنياشيـن

وانت اهتمامك بالشعـر والكتابـه



والشعر ما ينفعك لو هو دواويـن

ما دام جيبك مثـل بيـت الخرابـه



يا بوك لا تسمع كلام المصاخيـن

واسأل مجرب عاش في وسط غابه



قلت الله اكبر يا محـرر فلسطيـن

من يسمعك يحسبك ذيـب الذيابـه



تراك شايب راس مالـك رياليـن

والبنت ما تسوى جنـاح الذبابـه



قال انقلع مالت على وجهك الشين

لا عاد اشوفـك عندنـا يالزلابـه



قلت ابشر ابشر لكن الباب من وين


وسلامتكم

[شي_مرتب]

السلام عليكم ورحمة الله وبركاته


الظاهر مالكم في الزواج






عندما تضع موضوعاً جديداً ولاتجد الردوود المقنعة ..
فإنها مكالمة لم يرد عليها


تحياتي للجميع

[dont play with me]

المشاركة الأصلية كتبت بواسطة شي_مرتب

السلام عليكم ورحمة الله وبركاته


الظاهر مالكم في الزواج






عندما تضع موضوعاً جديداً ولاتجد الردوود المقنعة ..
فإنها مكالمة لم يرد عليها






احترامي
تحياتي للجميع

^
^

زعلان علينا


شي مرتب



صح لسانك وما رديت اجاملك



قصيده رائعه من حيث الادب وهادفه من حيث المعنى



ولو كل من اخلف صوابه يقراها لعدل عن ذلك




اختيار موفق ورائع

[شي_مرتب]

المشاركة الأصلية كتبت بواسطة dont play with me

^
^

زعلان علينا


شي مرتب



صح لسانك وما رديت اجاملك



قصيده رائعه من حيث الادب وهادفه من حيث المعنى



ولو كل من اخلف صوابه يقراها لعدل عن ذلك




اختيار موفق ورائع

يا مرحبا فيك والله


كل ما فى الامر اشره على الطيبين شرواك


اشكرك على مرورك العزيز

[$$> روح روحي <$$]

تسلم ع القصيدة الرائعة
وصح السانك
ولاهنت
وتقبل مروريـ..

[شي_مرتب]

المشاركة الأصلية كتبت بواسطة $$> روح روحي <$$

تسلم ع القصيدة الرائعة
وصح السانك
ولاهنت
وتقبل مروريـ..

ولا انت ويا مرحبا فيك

اشكرك على مرورك الطيب

[حياتها خساره]

يعطيــــك الــــف عــــافيه ..

ولاهنت علي ذا القصيده الجزله .....

تقبل ::

كل الشكر و التقدير ,,,

[شي_مرتب]

المشاركة الأصلية كتبت بواسطة حياتها خساره

يعطيــــك الــــف عــــافيه ..

ولاهنت علي ذا القصيده الجزله .....

تقبل ::

كل الشكر و التقدير ,,,

يا هلا والله

اشكرك على مرورك الجزل

[FS. Eng]

هذي الشروط اللي على بالي الحين


وذكرني اللي ما حسبنـا حسابـه

انا نسخت هالبيت احسبه نهايتها

قلت وش عاد ورا ذا المطالب


اثرهم تخانقوا جعل امحق ليل ههههههههههههههههههههههه



لاهنت يا شي مرتب, وفعلا ما تجيب الا المرتب

[شي_مرتب]

المشاركة الأصلية كتبت بواسطة ليتك معي

هذي الشروط اللي على بالي الحين


وذكرني اللي ما حسبنـا حسابـه

انا نسخت هالبيت احسبه نهايتها

قلت وش عاد ورا ذا المطالب


اثرهم تخانقوا جعل امحق ليل ههههههههههههههههههههههه



لاهنت يا شي مرتب, وفعلا ما تجيب الا المرتب

هههههههههههههههههههههههههههههه


اية خربوها اخر شي

تسلم لى على التعليق الطيب

اشكرك على مرورك المرتب