مــــوراث عْـجــــــــــيم .!

[فهيد بن عصيدان]

مسا الخير .,
من القديم , وتردّدت قبل انزلها لانها مهما كانت اقلّ من حقّ قبيلتي علي
واسمحولي على قصورها مقدّماً .!

اللّيله , الهمّ له برزه بحدْب الضلوع=ماكنّ له من عبادالله غيري رفيق
من اوّل اللّيل بارز بي لقبل الطلوع=كنّه مايرتاح لين اضلوع صدري تضيق .!
وأنا لامن ضقت .؟ ابنصا من خيار الرّبوع=رجلٍ ليانامت اعيون الهلامه , يفيق
ماحن بمتخالفين الراي والا الطبوع=ومابيننا اكبر من اسرار الشقيق لشقيق
فإن جيت له فالي الفنجال عقب القدوع=في مجلسٍ من ربوع الطيب مايستضيق
والى تحفّاني وطرّق عليّ السّموع ؟=حكيت له عن حمولٍ ثقل قمّة طويق
ياصاحبي .. حملي اتعبني ووقتي يلوع=وعزالله انْ مجرياته ماتسرّ الصديق
اساير ايّامه الغبرا , وحظّي قطوع=اللّي تدور السنه , ويويق ولايويق .!
إيشبّ فضلوعي الغبنهْ .. وناره ولوع=ولاامسي الا ضلوعي غادياتٍ حريق
ايدنّع الوقت ؟ من له عادةٍ فالدّنوع=وإيرقّقْ اللي جِمَعْ , راسٍ وساسٍ رقيق
لكنّ واللّي عباده له سجودٍ ركوع=اني لاحفْظ لـ . سِطَرْ راسي مقامٍ يليق
مادمت متسلسل امن الشجْره امّ الفروع=اللي لها ظلٍّ إيظلّلْ وغصنٍ وريق
موارث عْجيم عاد الوقت سيفٍ قطوع=دسّوا لهم في ثرى التاريخ عرقٍ عريق
إلهم على خارطة شبْه الجزيره وقوع=وتاريخهم , لحْيته تكرم ووجهه طليق .!
إيشوّشون إنْ قَرَعْ طبْل الحرابه قروع=لو انّهم قِلّه ؟ ايطيقون مالايطيق
عاداتهم , لااستعدّت للسّيوف الدروع=إيعقّلون الرّكايب بالعقال الوثيق
وإلهم بيارق لها في كلّ مطْلَع طلوع=وسيوفهم في انحور الضدّ تبرق بريق
إحدودها ترْوي , وتشْبع لاصارت تجوع=وادميّ عدوانهم تنْقع بوادٍ غريق
قد قال راكان فالطبعه , بصوتٍ يروع :=ياسابقي , لويضيق الكون مابه مضيق
أرخا عنان الكحيله وإنثنى للجموع=إلين مابجّ من فوق البسيطه طريق
شيخٍ لنا فعله اينومس , وذكْره يشوع=عند العرب والعجم والتُرْك ذكره عتيق
ماهوب لاعنّد الحكّام , دنْع وتبوع=يوم الفداويّه ايفدّون مثل الرقيق
يصهل على يام فالهيّه وقلبه جزوع=وايجاوبونه على المفزاع , حقّ وحقيق
في وجه الاعدا بدا , مايعْرفون الخضوع=يالموت , والا الحياه اللّي تسرّ الصديق .!

وسوالم

[الوزن الثقيل]

حـــــــــــــــــــــــــــجــــــــــــز


ولــــي

عـــــوده

[علي بن فطيس]

صح الساانك يابن عصيدان وقصيدة جميله





وتقبل مروري





علي بن فطيس

[فــتــنــة الـجــيــل]

مسااااء الخير ...

صح السانك مليون وماهو عليك الابداع دوم مبدع

[نبض المعاني]

بسم الله الرحمن الرحيم

الأخ الشاعر المبدع فهيد بن عصيدان

صح لسانك وعز الله انك كفو وقصيدك كفو

وعز الله انك تنومس يام كلها

تقبل تحياتي وتقديري لشخصك الكريم


اخوك

نبض المعاني

[مبارك بن مجروب]

إلهم على خارطة شبْـه الجزيـره وقـوع=وتاريخهم , لحْيته تكرم ووجهه طليـق .!

^
^
ابداع الى ماله نهايه يافهيد

صح لسانك يا مبدع قصيده رائعه من شاعر اروع

لاهنت ..

تقبل مروري المتواضع

[بنت الجبيل]

اللة اللة قصيدة قمة صح السانك اخوي وصح منطووقك

[قبلة العذارى]

جزله بكل ماتحمله الكلمه من معنى


مبدع يافهيد بن عصيدان


صح لسانك ولاهنت


تقبل مروري

[محسن بن خميّس]

فهيد بن عصيدان

:

أررحب
وصح الله لسانك

قصيده رائعه من شاعر أروع
ولاهنت وبيّض الله وجهك





/\

/|

ღ

[البليهي]

[move=up]بو محمد


سجل اعجابي في جميع قصايدك


صح لسانك مدد ماهو بعدد[/move]