ممشاي صح وخوتي للاشانيب *** رجل يصد اعـن المراجـل ياشينـه

[الأصـمـعـي]

السلام عليكم ورحمة الله وبركاتة

بختصار اتركم مع هــ القصيدة في المقناص

لــ الشاعر : عبدالكريم الجبوري

الجيب والقرناس وخوة هل الطيب *** تسوى مجالست الحضر فالمدينه
ماسبّهم واعرف انا مابهم عيب *** بس الهوى ياهل الهوى حـد لينـه
عزبه وخيمه والصحاري مضاريب *** والتيس من قبل الضحى صالخينه
ومعلقينه من كراعه على الجيب *** والبـن الاشقـر تونـا حامسينـه
شبّت حطب ماهي بشبة عياسيب *** ارطـا وعرفـج يمنّـا حاطبينـه
واليا سنت شب الجروم اللواهيب *** قام المقهوي قّرب المـاء بدينـه
ركّب دلال مجلدات المقاظيب *** بغـداد مـن سـوق الحفـر جالبينـه
بيضن تلالا يطعمن المشاريب *** تبعد عـن انفـوس العبـاد الغبينـه
واليا احتمى ماهن يشيل المراكيب *** يحـط كيفـن بالنجـر طاحنينـه
فنجال ونص وردهن يمه قريب *** وجاب البريج وسكـره فـي بطينـه
وحطه على صفه هذيك المهاذيب *** والبن فاح وركـده فـي سكينـه
وجاب الدلال الي يعرف المواجيب *** ثنتين غير الـي بهـن عاملينـه
مجنون كيف ورتب الامر ترتيب *** حـط البهاروريـح هيلـه يازينـه
ثم زلهن لين استوى باخر السيـب *** وحطـه بنـاره ربنـا لاتهينـه
وقال اقدعوا تمر حلو توّه امجيب *** اخلاص من دار الحسا محظرينـه
ثم صب فنجاله ومابه عذاريب *** والله علـى الفنجـال تسلـم يمينـه
مجربن ماهـوب يحتـاج تجريـب *** اي والله انـا كلنـا مجربينـه
مافيه ظيف وكل ابونا معازيب *** والشـاي خـدر والـورق حاكرينـه
وعقب السوالف والقهاوي مطاليـب *** كـل يناظـر للمواتـر بعينـه
نبي نهيّف فوق روس المراقيب *** وانفّرع القرنـاس لاجـل السمينـه
اليا خطفها خطفتن بالمخاليب *** تبري النفـوس الضيقـات الحزينـه
واليا انتهى المقناص جبنا مكاسيب *** والحر الاشقر عقبها مبرقعينـه
ونمشي ونلقا يمّنا فطر شيب *** ومفرود يطرد مـن ورى امـه تنينـه
وسط النفود ولانمر الشخانيب *** نخاف من ظرب الحصـى فالمكينـه
ووساع صدر ونطقنا بالتراحيب *** واعقولنـا هـي العقـول الرزينـه
ياليت لي دورن بغوج الاطانيب *** وانسى حضارات الخـراب وسنينـه
اخير من طرد البنات الرعابيب *** واحدن تسمّع مـن عذابـه ونينـه
ممشاي صح وخوتي للاشانيب *** رجل يصد اعـن المراجـل ياشينـه



الشاعر / عبدالكريم الجبوري

وسـا مـحـونـا عـلـى الـقـصـور

[فلاح بن ملبز]

آرحب يا الاصمعي

وصح لسانك ولسان شاعرها

ويعطيك العافيه

ولاهنت

[مقداام]

اخير من طرد البنات الرعابيب=واحدن تسمّع مـن عذابـه ونينـه

أما ذا البيت ماني بمعه فيه





لاهنت يالأصمعي على النقل

وصح لسان الجبوري