السلاام عليكم ورحمة الله وبركااته
القصيدة للشاعر عبدالله خلف الخالدي
يا غصن الكلام أن كان هب الهبوب ولنت=تساقط ندى الأوراق من فوق عاتقها
حروف الكلام اللي على جمعها هيمنت=وهجها الصراحة والمجامل خنادقها
تلافا مثل سرب القطا كل ما هيجنت=واجمع لها قسوة زماني وافرقها
كأبة حياة وكبت وأن قلت وأن دونت=تموت العشيقه ما تهنت بعاشقها
يا وجه الفرح غايب لك اعوام ما بينت=مواري رجوعك ما بعد لاح بارقها
انا كم رجيت ينوض برقك وكم راهنت=على اسمك بنيت احلام وازريت احققها
نزحت لغياهب مهجة البعد واستوطنت=وانا كنت فيك احلام عمري معلقها
تبي تعرف اللي عقب غيبتك وش كونت=عنا يمطر الضيقه بروحي ويغرقها
اقبل جبين الصبر واقوله لا هنت=على وقفة مأساة عمري توثقها
ملامح جبيني ترقب طيوف ليت وكنت=ما غير تجود بالهقاوي وتطلقها
ترى لو ضحكت اضحك واجامل وانا ما زنت=انا ضحكتي من وجه الافراح سارقها
يا وجه العنا ما ادري من أية عرب ويش انت=ملامحك عيت تتضح لي حقايقها
تلون بلون اسود من ايلول ما لونت=دروب الامل لون الاماني مفارقها
وعطاياك واجد بس انا منك وش عينت؟=جمايل كفوفك في جنوبي مطارقها
ومفازيعك اللي قلت توفي بها واعلنت=انا والله اني بالثلاث مطلقها
30-01-2009, 04:42 PM
العرض المتطور
