كم ديرة قد دمرت من سببنا .... وعدواننا بنجيه بشلف وحراب

[محمد الغريري]

السلام عليكم ورحمة الله وبركاته

واستجابة لطالبي هذه القصيدة سوف اضعها بين أعينكم وااستبيحكم عذرا على

عدم مشاركتي كتابةٍ ولكني من اكثر المشاركين حضورا واطلاعاً على مواضيع

المنتدى الجد ممتازة ..

والقصيدة مفهومه من محتواها ولا داعي لطرح مناسبتها لأن القصيدة واضحة

في معانيها واتمنى ان تحوز على رضاكم ...


وإليكم ما خطته يداي من قصيدة متواضعة

يا جاهلٍ رح انشد اليوم عنا = وقل قالها نفجاني ماخذ بالاسباب

واحسبي الله يوم علمٍ لفنا = قد ضيق الخاطر مع العلم بإسهاب

ويا كبرها وشلون ( .....) جهلنا = حيثه يفاخر بالتعنصر والأحزاب

يبي المفارق مير منا .. وحنا = تاجٍ على راسه وتووجٍ للاصحاب

ومن سفيه القول ما قد شحنا = علمٍ لفانا وما حسبنا له حساب

وعن الردي في هرجته ما زعلنا = ولا الردى مع الفشيلة له احباب

ناسٍ على القالات حنا وحنا = والى جيت بيته صك من دونه الباب

يا بو سعد في ظهورنا ينهشنا = ولا قاموا عندي ( ................ )

مير البلا من ناسٍ دوم اتغبنا = لا صد سبّك ويوم يقبل ترحاب

ما نيب ابلايمه ولا يستجنا = من كبر عيبه صار ماعاد ينعاب

خذنا المراجل والردى له جعلنا = آلاد مرشد هم عريبين الأنساب

ايه اغرره وعدواننا ما تهنا = حنا هل السيف الذي ماله جراب

وللسيوف بكفوفنا صوت حنا = والقوم من صفق المخابيط هرّاب

حن ترثة جُميلة مروين الأسنا = افعالنا بالهوش والى شب شبّاب

كم ديرةٍ قد دُمرت من سببنا = وعدواننا بنجيه بشلفٍ وحرّاب

وديارنا فوق المعالي تبنّا = واللي بغاها امصيره مدفون بتراب

دواسرٍ ذي لابتي وما تونا = تسمع عزاويها والى صاح مرقاب

وجيه قومٍ مطلقين الأعنا = فوق المهار ويصبح الدم سكاب

الى غزينا غزوةٍ ما هِزمنا = والى غزانا قومٍ اليوم قد خاب

الى حكينا قولنا في فعلنا = والى فعلنا فعلنا الهوش يرتاب

الى عدينا افطرقةٍ ما جِهلنا = هزت أراضيها مع جبال واهضاب

واللي نخانا كلنا له فزعنا = لاد الغريري للمرّوات كِساب

حنا مع الرفيق على ما تمنا = إلا الردى في حين تحكمه الأسباب

متوارثين الطيب وحتى ولدنا = يفوح ريح الطيب منه بالأطياب

يا جاهلٍ ياسِعدنا ويا سعدنا = حتى الولد منا هو فكاك الانشاب

فينا الكريم والطيب فينا وحنا = فينا الشجاع وفينا قطاع الارقاب

ويا جاهلٍ رح انشد اليوم عنا = يقولها بن غرير عمى عين حرّاب

محمد بن صهّيب بن نفجان ال مرشد الغريري

[فيصل بن حجرف]

ونعم ونعم

وكفو يابن مرشد

وصح لسانك على القصيده الجميله

وياليت نشوف المزيد من مشاركاتك المتميزه

تحياتي

[الشرس]

صح لسانك اخوي محمد
كلمات جميله ورائعه

وياليت ماتبخل علينا بقصيدك الطيب

[محمد الغريري]

أخوي : alajman

حياك الله وبياك ..

وصح بدنك ولا عليكم زود


وابشر بالخير يا وجه الخير يا بن مرزوق

[عيد بن شدقان]

محمد بن صهّيب بن نفجان ال مرشد الغريري
والله والنعم
صح السانك ولا هنت

[admin]

بالبدايه ارحب فيك اخوي محمد معنا في هذا المنتدى
وصح لسانك علي هذي المشاركة والقصيده الجزله

وبإنتظار جديدك دائماً

[محمد الغريري]

اخوي : الشرس


صح الله بدنك يالغالي


وابشر باللي يرضيك ويطيب خاطرك

[العماني]

صح لسانك يالغريري

جزل وما تجيب الا الجزل والله لا يهينك على تلبية طلبنا يالسنافي.

تقبل تحياتي،،،

[محمد الغريري]

اخوي : الراكد


ونعم بحالك ياطويل العمر


صح الله بدنك وإطرائك شهادة اعتز بها

[محمد الغريري]

اخوي : ابو فيصل


الله يبقيك ويسلمك يا مال الغنيمة


وان شاء الله سوف ترى ما يسر ناظريك