مرثية للشاعر/ عبدالله بن دويرج في بنته الوحيده

[خالد_الخالدي]

عفا الله عن عين حلا النوم جافيها ==== كراها قليل وذارف الدمع محفيّها
إلى قلت ألا يا عين هيّدي وهوّدي ==== جرى دمعها الصافي وهلّـت عباريها
تبيّن فروع الصبح ما ذاقت الكرى = =====ولا ألوم عين فارقت شوف غاليها
ولا زلّ يوم أو ليلة ما تعّبرت ========== عن النوح أعزيّها ولا نيب قاويها
وأنا في رجاء جزل العطاء عالم بالخفاء=== = يلطف بحال خافي الهم باريها
على نور عيني لب قلبي ومهجتي ===== تحنّ الضماير كل ما حلّ طاريها
حنين الخلوج اللي عن الضير فاختت==== = إلى غاب عنها ساعـة ما يباريها
وأنا كيف ما أبكي طفلة غضة الصبا ======= حورية سبحان رب مسويها
نشت بالهدى والدين والحق والبهاء ====== فلو طالت الأيام ما نيب ناسيها
فيها طبوع كاملات حميده ========= حنون على الجيران ووصال عانيها
عفيفة نظيفة جيب ما داست الخطاء=== = ولا هوجست بالمذهب اللي يردّيها
حشا ما بها من خافي العيب ذارب = ====حذا حشمة الوالد فهذا فهو فيها
كمل عمرها ثنتين مع عشر وأربع ====== حذا محترمها تسفهه لو يحاكيها
خذت هجرة بالبيت عندي قليله ======= أمانه وخذها الخيّر اللي عطانيها
ولا نيب جزّاع فلا شك ولعه =========== أعرف الأمانه ما لها غير واليها
فيا سامع دعواي في مظلم الدجى ====== تمحى خطاياها وتثبت حسانيها
وتجعل لها في جنة الخلد منزل ========= تقطف جنا جنّات طيبا وتجنيها
وتعيضها فيما قصـر من شبابها =========== برضاك يا خلاّفها وأنت واليها
إلهي ودودي دعوتي تستجيبها ====== على النفس كله من غلاها نبدّيها
ألا واتكدّر خاطري من فراقها ============ ولولا غلاها ما تكلّفت راثيها
سمية دموع المزن في غبة البحر ==== سوى البنك ما يدرك ثمنها ويشريها
وأنا ما بي إلا يوم يطري سميها ======= عفا الله عن عين حلا النوم جافيها
وصلوا على من لا افترى سيد الورى===== = عدد ما جرا من رايح المزن واديها


خالد الخالدي

kk.60@hotmail.com

[عبـق أجدادي]

.


.











الرثاء أصدق الشعر









سبحان من يجلد قلب الأب وهو يواري
الثرى أحب الناس له ولكنها حكمته









الله يرحم بنت الشاعر

وقصيدة حزينة











لاهنت يالخالدي

[جرح العنا]

تسلم يالخاالدي عالقصيييييييييييدة واللة يرحم بنتة ويسكنهااا فسيح جناااااااااااااااااتة هم الساابقوون ونحن اللاحقووووووووووووووووون غفرااانك ورحمتك بنااااااااااااااااا يااارب تقبل مروووري

[وطـبـان]

اللهم صلي على محمد وعلى آله وصحبه وسلم ،

الله يرحم الميته ويلهم أهلها الصبر والسلوان

لاهنتـ ياخالد الخالدي على النقل المميز ...

[خالد_الخالدي]

عبق اجدادي وجرح العنا والمنذر اشكر مروركم لاهنتووو



خالد الخالدي