العين عافت النوم

[( ~قلب مهجؤر~ )]

السلام عليكم ورحمة الله وبركاته

.
العين عافت النوم
.


البارحه ماذاقة النوم عينـي
العين عافت النوم وش بلاهـا

وتكفون يابشر حسوا باحزنـي
عين(ن)ما ذاقة النوم في مرقدهـا

يالله انا طالبك تطويلي همـي
ادروب تودي لضياع رحت ومشيتهـا

من هم(ن) يواسيني في سنيني
ومن احزان على غير غايه اصاحبهـا

ومن غم على غير معنى يواسيني
ومن اهموم على غير رايه اصافحهـا

وبعلم نفسي على انه يترك احزاني
وبعلم قلبي ونفسي انهم لا يراعونهـا

ويالله اني اشوف ادروب(ن)تصحيني
ويالله اني امشي على ادروب تودعها

البارحه ما ذاقة النوم عينـي
العين عافت النوم وش بلاهـــــا

سلامتــكم


الشـاعر : محمد مبـارك المشوط

[FS. Eng]

يا مرحبا يا ابن مشوووط

جميل من ناحيه المعنى

لكن ركز على الوزن والقافيه


لم تحدد لك قافيه معينه حتى !!

[( ~قلب مهجؤر~ )]

الله لايهينك على المرور الرائع.
بس للعلم اخي الكريم ان القافيه موضحه بالابيات .. ولكن انا معك بان الخلل بالوزن فقط
وانشاءلله اني اعجبك بالقصايد الثانيه..

[FS. Eng]

السلام عليكم ورحمة الله وبركاته

يا مرحبا ابن مشوط

أنا لاني بـ دكتور غسان لأجل أقيم القصيده

لكن أرى فيها خلل يستوجب إني أعلمك بـه

كما تعلم لم يخلق الإنسان من بطن أمه عالم

والواحد مافيها شي اذا اخطأ في بداية تجربته


القافيه أخي العزيز يكون لها جرس موسيقي


فمثلا أنت تقول
البارحه ماذاقة النوم عينـي
العين عافت النوم وش بلاهـا

هنا نعرف أنك سلكت مسلك قافيتين في الشطر الاول (يني) والشطر الثاني (اها)

فيتوجب عليك كي تطرب من يسمع قصيدتك أن تلتزم بها

البيت الثاني قلت

وتكفون يابشر حسوا باحزنـي
عين(ن)ما ذاقة النوم في مرقدهـا

هنا القافيه في الشطر الأول تقتصر على (ني) وليس (يني) .. والشطر الثاني (دها)

الخلاصه أخي الكريم, القافيه ليس فقط آخر حرفين من الشطر تشكل القافيه بالعكس

القافيه تكون الجرس الموسيقي لآخر الشطر

فلو أنك سلكت مسلك القافيه الثانيه (ني) يكون أسهل عليك من (يني)

لان الحروف المتحركه (أ .. و .. ي )

تجبرك على أن تلتزم بها مثل (يني) << سبق النون والياء ياء



وهنا لديك البيت الثالث

يالله انا طالبك تطويلي همـي
ادروب تودي لضياع رحت ومشيتهـا

همي .. ولا اعتقد انه من اساس بالقافيه كما بدأت

مثل ما قلت لك .. لا عيب في الغلط .. لكن لم تكتب انت هذه القصيده الا للنقد وللإستفتااء

و إن شاء الله نشوفك من الـ48


مع التحيّه

[ناصـر محمد المجروب]

صح لسانك يالشاعر ..

قصيدتك مافيها شي ماعليك من ليتك معي

[( ~قلب مهجؤر~ )]

وعليكم السلام والرحمه ..

يا هلا فيك اخوي ليتك معي .. كلامك جميل ويعجبني .. فعلا مثل ماذكرت وتفضلت بقولك انه مافيه انسان مايخطي
والواحد لازم يتعلم من خطأ ويعدل فيه ..
وللعلم اخي الكريم اني انا شاعر في بداياتي وهذي القصيده من اوائل القصايد اللي كتبتها
وبصراحه كلامك معقول .. والانسان حلو ياخذ بنصائح الغير ..
وماهو عيب اذا احد قيمني او انتقدني يا اخي الكريم

وان شاءلله اذا الله أراد وكملت السن اللي يخليني اكون من ظمن الـ 48 .. اتمنى تكون عضو باللجنه الموقره

ولا هنت على مرورك الثاني عالابيات

[( ~قلب مهجؤر~ )]

الله لا يهينك على مرورك الرائع
وكلامك اعتز وافتخر فيك ..
ولاهنت

[FS. Eng]

يشرفني أن يكون هذا مروري الثالث على الموضوع


اخي ابن مشووط .. انا والله هالكلام ما قلته الا لـ فايدتك أنت لا أكثر ولا أقل


وفيه على فكره شي إسمه (( النقد البنّاء)) وهذا الي احاول اوصله لك

وفي على هذه الشاكله ما يسمى بالمدح الهدااام

إن شاء الله عند حسن الظن (ابن مشوط) .. وسيكون أفضل من ذلك بكثير


والسلام عليكم

[( ~قلب مهجؤر~ )]

ويشرفني اكثر مرورك الثالث عالابيات اخوي ليتك معي وماعليك زود
واخلاف الاراء لا يفسد للود قضيه .. هو ذكر رايه وانت تفضلت برايك الرائع عالابيات..
وانا احترم رائي الكل .. اللي انتقد او مدح وكلكم اخواني واستفيد من خبرتكم الشعريه ..

ولاهنت

[@القرم@]

بداااايه موفقه ..