الصبر قالو عنه مفتاح الأقفال

[عـشـق بـدوي]

بسم الله الرحمن الرحيم

السلام عليكم ورحمة الله وبركاته

،،

الصبر قالو عنـه مفتـاح الاقفـال=وانا صبرت وذقـت مـر وتهاويـل
اصبر وحالي دايما فـي ردا حـال=ماغير هم وضيق ومفـارق وويـل
همي غدا فـي خافقـي دوم يجتـال=واليا ابتعد يرسل علـي المراسيـل
يرسل علي من الغرابيـل غربـال = غربـال غربلنـي وزاد الغرابيـل
لاشفت شمس الحب دورت لي ظلال=ابغى النجاه من الرموش المظاليـل
مير البلا لي خافق(ن) قال ماطـال=قال اتبعني وابشـر بخيـر وبسيـل
قلت انت تقصد من لها نرخص المال=ونميـل العـدلات ونعـدل الميـل
قال اي نعم قلت البلا الدمع قد سـال=من هجرها ماعادلي حل(ن) وحيـل
دمعي لها ومـن اجلهـا دوم همـال=ماغير انا والدمع في حط(ن) وشيل
مره يجي قطرات واحيـان شـلال=ومره مقره الارض واحيان منديـل
وان كان دمعي زال فالهـم مـازال=يبطش والا افتكيت جاب المحابيـل
يعني تـرا للهم فيـك انـت مقيـال=واكبر بـلا مافيـه للحـب تبديـل
يبقى معك اجيال واجيـال واجيـال=ان كان صادق مخلفه فالزمن جيـل
خلاصة الموضوع ((ويلاه يارجال))=الحب دق خشوم اعتـى الرجاجيـل

والسلام عليكم ورحمة الله وبركاته

محمد بن ظافر الشامري

[وكيل آدم]

صح السانك