|
أن رحـــت مـــامـــن عـــدد وأن جـــــيــــت كــــل الـــعــــدد ,,,,,؟؟
أحيان أشوفك معاي ولا تفكـر بأحـد =
وأحيـان نفسـك تضيـع كـل ماودهـا
وأحيان وجهك يذكرنـي بيـوم الأحـد =
وأحيان مثل الأجـازه كـل مـا شدهـا
أن رحت مامن عدد وأن جيت كل العدد =
يعني وجـودك مـع العالـم ولا أعدهـا
البارحه جالس أفكـر وش اللـي بعـد =
مثـل الصارحـه تخاوينـي ولا أردهـا
حنـا حلفنـا وقلنـا مانخـون العهـد =
لكـن سـود الليالـي بيحـت سـدهـا
شبيتلـك نـار مـا والله تعـود رمـد =
والعيـن لديتهـا لـو كـان مـا لدهـا
كانك تبيني تراني مـن قـروم البلـد =
وكانك على غيرهـا ياصاحبـي بدهـا
في ذمتي ماتبع المقفـي لأمنـه شـرد =
أقطـع يمينـي قبـل يمنـاه لا مـدهـا
ماحب طبع الثعل وأحب طبـع الأسـد =
والكلمه الطيبـه مانـي تـرى ضدهـا
الحـظ ماهمنـي لا قـام وألا قـعـد =
النـاس تلبـس ملابسهـا علـى قدهـا
البير لولا الدلو محـد(ن) وصلـه ورد =
والناس فـي ذمتـي ماهمنـي صدهـا
يانور عيني مدام الجـو بـرق ورعـد =
خـل السنيـن القشـر يالعنبـو جدهـا
أن رحت مامن عدد وأن جيت كل العدد =
يعني وجـودك مـع العالـم ولا أعدهـا
للشاعر: علي سعود بوضريس العازمي
|
14-03-2010, 03:40 PM
العرض المتطور
