مســاكم الله بالخيـــر
ممـــا راق لي من مجلة المختلف رديه بين شاعرين كبــار
محمد بن الذيب
غن ياباالجيش والفرصة سعيده .... وان غلطنا ماطلبناك السماحي
انت ابن عمي وتسوالك بديده .... في الرخا ولا بزرقات الرماحي
شاعر راسي ونظراتك بعيده .... ومانحنك من بعيدات المشاحي
راينا معروف مع الأريا السديده .... لو بعض الأريا يجي ضحك ومزاحي
والكلام اللي نقوله مانعيده .... وقافلتنا مايعرقلها النباحي
وشاعراً مامعه حظاً في قصيده .... مانلومه لوغدا مرشد سياحي
ماضحكت الا ضحى الاضحى وعيده .... ومابكيت الا على موت الرياحي
عبد الرحمن اباالجيش
مرحبا ترحيب ينشر في جريده .... ويتعمم في المداين والضواحي
يامحمد راعي الدر الفريده .... ياسنام الطيب ياوجه الفلاحي
كل ضداً في الحياه وله ضديده .... والسماء تبرق وترعد وانت صاحي
وشاعراً هذا مع الشعار جيده ... لو يحزم بالذخيره والسلاحي
لاتبلشني مع مطوع (.....) ..... وانت تعرفني ماني بأرخي جناحي
كل عاماً وده يدبل رصيده .... لين قبره تشتغل فيه المساحي
من يقول انك راعي غدر ومكيده .... والله ان يبطي ضميره ماستراحي
الدروب معبده والخط سيده .... والعتب مرفوع والعيه مباحي
__________________________
16-04-2010, 11:43 PM
العرض المتطور
