وفاء ..الفديع لاخيه

[مشوار]

لقد قرات هذي القصه وقد اعجبتني واتمنى ان تحوز علىاعجابكم

وهي قصة الفديع واخيه شالح يروأ ان شالح كان راحل بابله وكان اخوه الفديع ارمد العينين معصوبه عينيه وهو في الهودج وجواده تقاد مع الابل
فاغار على ابلهم بعض فرسان احدى القبايل فاخذ شالح يدافع عن ابله لوحده بكل بساله يهزمهم تارة ويهزمونه تارة فطال القتال حتى اعياه الطراد فرات والدة شالح الفديع وهو يحاول ان يذهب ليساند اخاه فاحضرت له فرسه واحضرت سلاحه فقال الفديع كيف اساعده وانا لاارى؟ فقامت امه واخذت تفتح عيناه حتى انفصل الجفن عن الاخر ثم نزل الفديع من الهودج وكب جواده وهو لايبصر الا القليل وكانت خيل القبيله الاخرى اتيه الى اخيه شالح فاستقبلهم الفديع وهو غير مبال فجندل الاول فالثاني فالثالث حتى انغمس بينهم فرشقوه بالرماح فاصابه رمح براسه فخرا ميت وكانت النكبه لاخيه شالح فقال المرثيه فيه:

امس الضحى عديت روس الطويلات = وهيضت في راس الحجا ماطرالي
وتسابقن دموع عيني غزيرات = وصفقت بالكف اليمين اشمالي
وجريت من خافي المعاليق ونات = والقلب مابين الصناديق جالي
ياخوي ياللي يم قاره خفي فات = من عاد عقبه يستر خمالي
ليته كفاني سو بقعا ولامات = وانا كفيته سو قبر هيالي
وليته مع الحيين راعي الجمالات = وان فداله من غبون الليالي
واخوي ياللي يوم الاخوان فلات = من خلقته ماقال ذا لك وذا لي
تبكيه هجن تالي الليل عجلات = ترقب وعدها يوم غاب الهلالي
وتبكي على شوفه بني عفيفات = من عقب فقده حرمن الدلالي
عوق العديم ان جا نهار المثارات = والخيل من حسه يجيهن جفالي

واسفين على الاطاله


وتقبلو تحياتي

[الـزيـر سـالـم]

لا هنت يالذيب

قصة وقصيدة جزله

والفديع وشالح .. اخوان يضربهم المثل

[مشوار]

ولاانت بالزير

وشاكرين مرورك ومشاركتك

[العماني]

لاهنت يا مشوار على القصة والقصيدة الرائعتين والفديع واخوه شالح اشهر من نار على علم .

في انتظار مواضيعك الجميلة.

تقبلوا تحياتي،،

[راكان اليامي]

هنت يالذيب

قصة وقصيدة جزله

[مشوار]

العماني
راكان اليامي

شاكر مروركم ومشاركتكم والله لايهينكم

[عـزام]

قصص الفديع وشالح واجد ولا أظن فيه اخوان بيسوون مثلهم.

وقصته اللى ذكرت والله تحزن يا مشوار تدل على حب الفديع لاخوه وشجاعته.



واخوي ياللي يوم الاخـوان فـلات
من خلقته ماقـال ذا لـك وذا لـي

بيت مليان عن قصيدة كامله


مشوار الله لا يهينك وبانتظار جديدك

تقبل تحياتى:

الولـــهـــان

[مشوار]

اخي الولهان شاكر لك المشاركه
شالح واخيه رجاجبل معروفه الله يرحمهم
ونشالله فيه ناس طيبه مثلهم وانت واحد منهم

[نـاصـر]

الله لايهينك يامشوار

والفديع بن حطاب وشالح اخيه يضرب بهم المثل

والله لايهينك يامشوار على ذالسالفه

[مشوار]

ولايهينك يابن هادي
ومشكور على المشاركه والتعليق