وقفـة الاسبـوع مـع الشاعـر / ضيدان بن قضعان

[محمد بن سعود]

المشاركة الأصلية كتبت بواسطة فلاح بن ملبز

هذي قصيدة العنود كاملة خمس ابيات على حسب الشروط يا محيمد

بنت الشيوخ اللي يسمون العنـود=من كثرها يـا زيـن حتـى قلهـا
وإن ذعذعت لي بالهوا من كل نود=يامل عينـي بالهـوى يـا ملهـا
البارحة هبت على صوت الرقـود=وأنا على ميعادهـا شفـق ٍ لهـا
طرقا ًبهمستهـا تعدينـي الحـدود=ميـر أحتـرم مقامهـا وأجلـهـا
مافي مواريث الفهود إلا الفهـود=وانـا مواريـث الذيـاب أدلـهـا

زين ما خالفـت الشـروط

نـورت وشكـرا عالمشاركه

[محمد بن سعود]

المشاركة الأصلية كتبت بواسطة Nasser

محمد بن سعود

ياسلام على أفكارك

مواضيعك دايم لها نكهه خاصه

تسلم بنات فكرك

...

حزين

حزي إيوالله إني حزين وخاطري مكسور=لو أضحك وأتظاهر بالسعاده يابحر جده
وأنا يابحر يوم أصد وأخفي دمعتي معذور=لك الله يابحر صديت والصده هي الصده
أخاف أتقول عني يابحر ضيدان بن منصور=وقف في يوم من الأيام ودموعه على خده
وأنا ماني بحيّ الله بشر يكشفلك المستور=أنا رجلٍ يموت ولا درة الأمواج عن سده

,
,
,
وارد المنصور

ماني بيم الشعر يالشاعر الشعبي=يبتوع مش عارف إيه وشي ماعرفه
تبي تهز الجبل بمسدس(ن) لعبي=والناس مع وارد المنصور منجرفه

,
,
,

غفوات الأسحار

آه ياغفوات الأسحار ماقبل الطلوع=وآه ياشيّن ذكرت وعلى بالي طرى
العيون ليا ضمت شوف تسقيها الدموع=وأن روت من دمعها العذب يضماها الكرى
والقلوب أتذوب بصدور صلفين الطبوع=والغلا يذكر على الما ان البدو أقصرى
والهوا لاهب في قلب رجالٍ جزوع=والله أن يصبر برى الجرح ولا مابرى

,
,
,

ياعظيمه

ياعظيمه كل شيٍ له حدود وله نهايه=لكن أنتي ماوقفتي عند حدك ياعظيمه
أستلذيتي بطعناتي وأخذتيها هوايه=كن مالك حربتٍ توجع وطعناةٍ أليمه
آه ليتك ماتماديتي بطعنات البدايه=لين صار لكل طعنه فالحشا معنى وقيمه
الله يبيحك ولكن كيف في أغرب روايه=تكتبين الحب كذبه والهوى دقه قديمه
وأنتي اللي كل مالدت عيونك فالمرايه=مالمحت ألا اليتيم اللي خذت قلبه يتيمه

يتيمه

صح لسان الشاعر الكبير ضيدان بن قضعان

والله لايهينك يامحمد بن سعود على إتاحتك لنا الفرصه بقطف درر الشاعر من خلال هذه النافذه

نــاصر

وسـلام سلـم علي أختيارات

سبقتنـي فيهـم

ولاانـت يالغالي ، وشكـرا علي مـرورك والمشاركه

ولا عاد تسبقني بـ شي

[محمد بن سعود]

المشاركة الأصلية كتبت بواسطة GUCCI

يا وجودي كل ما هبّ نسناس الشمال = وجد من حدّه زمانه على اللي ما يبيه

\
/
\
/

والله اني من رجالٍ يضدّون الرجال = لكن الحظّ الردي ساق دمعي كل ابيه

محمد لا هنت ع الفكره الطيبه

ولاأنـــت

شكـرا علي المشاركه يالغالي

[محمد بن سعود]

المشاركة الأصلية كتبت بواسطة قبلة العذارى

صبحتوا بالخير



محمد بن سعود


كل الشكر لفكرتك الرائعه



*

*

*

كنت احسب اللقيا مسرات وفروح=واثر العيون اليا تلاقت .. تباكت

& . &

ياحبيبي كيف تظلم وجدانك قضاه=ظالمٍ قلبي بحبك عسى الله ياثراه
ظالمٍ بالهجر قلبي وانا قلبي دواه:=(عذب صوتك والسوالف اللي تعانق خاثره)
لاجل حبك ماتكاثرت مشوار الحياه=وانت صوتك ياحبيبي عليّ متكاثره

& . &

لبيه .. لبيه .. يافييّ ومشراقي=يااغلى غلا في حياتي .. يااثمن بضاعه
لايابعد عمري اللي راح والباقي=ياجعل يومي قبل يومك لو بساعه

& . &

هذا خطاي القوي والعذر هذا هو=لاعاد تنشد من اولها ولا اتلاها
ترضى عليّ ارض .. تزعل جعل ماترضى=بعض الاوادم زعلها كنه ارضاها

& . &

اتفاءل وارجي المقبله والعن بليس=بس حظي والشقاوه خلقها الله معا
الشقا في مقبل العمر مثل اسم الخميس=عارفينه قبل ياتي نهار الاربعا

& . &

تحديت الظروف وباد حيلي=وطير العز مارفرف وغنى
ارقعها وهي ماتنترقع=ولامن جيت منا جات منا

وبس


وسلامو عليكم

بالنـور ياهـلا

ريـانه العـود / العفـو أختـي

وسلمتي علي المشاركه الجميـل

[محمد بن سعود]

شاعر ويتبعني من الغاوين كثر الغاويات = أذنب بهم وإن غرروا بي صرت اقل من الغرير
والشعر مثل السيف ابو حدين , وعيون البنات = ياليتها كانت مدى الشاعر ومرساه الأخير
ماكان جبت العيد .. والعذر البنات المترفات = إلين ماصرت الحكم بين المقّدي والضرير
البارحه هبت علي الريح من كل الجهات = حتى عرفت إن الليالي غير والوقفات غير
وقمت التفت للسنين اللي غدت مني فوات = وآمنت بان العمر مهما طال في الدنيا قصير

[محمد بن سعود]

وأنا من اللى مجدهم على ظهور المسرجات=قوم مهيب تشد لا جاها من القوم النذير

[محمد بن سعود]

صحيح انـا ممكـن أسوّيهـا واسـوّي المستحيـل=لكن رجلـي فـي هـوى نفسـي ماعـاد اسوقهـا
وشلون ابـرّر موقفـي واجـزا جميلـك بالجميـل=وانـا يدينـي فـي فـم الحيّـه ورجلـي فوقهـا

[عيد بن شدقان]

صبور ؟ اي والله اني ما ثنيت العزم قبل أدوج=بريضان الجفا وأضمى لوصلك ليـن تسقينـي
شجاع ؟ إي والله اني ما عرفت الذل قبل أسوج=قدم رجلي على دربك لبيـت أهلـك يودينـي
كريم ؟ اي والله اني ما عرفت الشح قبل تروج=دموعي في عيوني ثم أشـح بحسرتـي فينـي
أحبك ؟ حسبي الله ليت مالك في سماي بـروج=ولا لك بالبسيطـه كـود شـي بينـك وبينـي

دقايق قبل لا نبـدا غـلا مستقبلـه مجهـول=قبـل لا نبتـدي ودي تعلّـم كيـف تنسانـي
لأني مستحيل ابقى معك حتى يدور الحـول=ولا اظن ان بني عمك بتصخي بك على شاني

موضوع يستحق المتابعه



لاهنت يا محمد

[بنــ ياااام ــت]

يعطيك العافيه اخوي محمد ع الجهود الطيبه

ويعطيهم العافيه اعضائنا ما خلو لنا مجال

[عــقــاب]

مـحـمـد بن سـعـود.. يعطيك العافية على الموضوع الجميل و اللي يحمسّنا
على المشاركة و المتابعة.. كيف و هو ... [([( شــعــر قـضـعـانـي )])]


أستلموا و أقروها زين .. بتعجبكم

حنا سعوديين و نبين لامن=صاحت تهامة و أعتزت نجد فالصلب
حنا فهد حنا دعاة التضامن=من دون مكة نجلب أعمارنا جلب
نقول للضيف أسترح و أرقد آمن=و نقول للكلب أنبح هناك يا كلب

و نقول للكلب أنبح هناك يا كلب..

علّموا السبّع عن سهيل اليماني=الفريد اللي مطاليعه فريده
و علّموا اللي يحسب إن ضيدان واني=يا عوينه كان ذا حده و جيده
و قولوا له إني فالرفاع من الطماني=و كل درس ٍ من حياتي مستفيده
إن ثقل حمله فأنا الهرش العماني=و إن تربّق فالقيود أفك قيده

عادني من دون روحي ليا شبّت شبوب=والا كم و كم دهاني رموز ٍ مبهمه
كم نواني من الأصاحيب دجال ٍ لعوب=يبغي ياخذ خيرة أبلي و انا خذت غنمه
و معرفة بعض الأصاحياب ذنب من الذنوب=علة ٍ من علّته اووف يا مثقل دمه
و الرجل لا صار شيخ ٍ عزيز ٍ و محسوب=أستوت زلاّت رجله و زلاّت قدمه
ايه.. يا سلطان و الناس غالب و مغلوب=و الأعادي من تحاكا حثينا في ثمه

شعّار.. ما همّها إلا تطلّع صورها=و قلوبها أكبر من قلوب البعاريني
تقرا على كل من شافت مشاعرها=حتى على التايلندي و الفلبيني
ناس ما يدرون وين الله حاشرها=ما صاح من صايح هجّوا مغيريني
بلا.. على الدبك سنّدها و حدّرها=و ما قالوا الناس عادوه الوراعيني
قلته و أنا غلطتي الا أخطيت أبررها=ما أقول فاتت ما عاد يمديني

عسى جحاد معروف النشاما=ما يبلغ في قصيّر و رمضاني

و هذا الشعر يا اللي تفهمونه=أبعطيكم ما دام الله عطاني
روى مسلم صحيح من البخاري=رواه الترمذي و التلمساني
يقول المصطفى الهادي محمد=بما معناه فلك في كياني
يقول إن من الشعر لحكمة=و قال إن من السحر البياني

لا تعّذر ولا تقعد تلــــــــــف و تدور=رح مراح القطا ولا مـــــــــراح الجراد
سامح ٍ من معرفة قاصريـــــــن الشبور=و غاسل الكف من خوة خــوي البراد
المسافة تبي رجل جــــــــزوع جسور=و الشدايد تبي روس الرجــال الشداد
و أنت منّا و منّا ما يطولـــــــك قصور=بين راع السروج و بيـــــن راع الشداد
لكن الله يسامح ساكنيـــــــــن القبور=أحرقوك بالأصل و النار تـــرّث رماد

إن وصل صوتي لصقهان الاذاني=كيف أصبّ العلم فـ قلوب ٍ بليده
في كتاب الأصفهاني للأغاني=خير مما في المجلة و الجريده
و الشعر لو ما تحاكيته حكاني=موهبه من واحد يصدق وعيده
اإن بغيت ادلّعه قمت و زهاني=و إن بغيت أطوّعه عمّه و سيده
و إن بغيت يقال : صح الله لساني=سعد من "خالد" على الدنيا رصيده

نحّره قصر ليا أقبلت شفته مـن بعيد=قصر شيخ ٍ من شيوخ ٍ يدوسـون الخطر
من بعيدين المغازي هل المجد التليد=دامــري ٍ يقصر الهرج لامنه حضر
لا لفيته سلم و سلم الخط أيــد بيد=و بلّغه مني التحيات ما شعشـع فجر
و قل لابو محمد ترا الوقت عكـس اللي نريد=و أدري إنه بيعذرني ولو مالـي عذر
و العذر قضّيت عيدي ورى خور العديد=فترة ٍ مرت علي يومها كنـــه شهر

شكراً يا محمد و صح لسانك
يا ابو منصور..