الوصيه .... لـ/ رشيد الدهام

[زود الغـــــــــــلا]

اسعد الله اوقاتكم ...

(تمتعـــــــــــــــوا...)


رح فـمـان الله والـذمّـه مـــن الـذمّــه بـريّــه
لا تخاف من المفارق.. رح عليك الله و امانه
رح بعيد.. أبعد من الدمعه على العين الخليّـه
رح بعيد.. أبعد من الشرهه على مزح الميانه
وابعد مـن الحلـم للـي خـاب ظنّـه فـي خويّـه
وابعد من الياس للي طـاب حظـه فـي زمانـه
لـو تـروح أبعـد مـن حـدود السمـا والجاذبيّـه
والله ان تبقى قريب أقرب مـن القلـب لحنانـه
تنتشر فيني شتات جـروح مثـل الـروح حيّـه
تختفي في كـل عـرق ولا فقدتـك قـال: عانـه
يابعـد عـذر الفـراق اللـي قبـل فرقـا الخطيّـه
يابعـد ذنـب الزمـان اللـي قبـل عـذر الخيانـه
ليلـة وداعـك علـى كثـر الحـروف الأبجـديّـه
مالقـى مـن ودّعـك حرفيـن ينطقهـا لسانـه
ليلةٍ كنت انت ماهوب انت.. هي ماهيب هيّـه
ليـلـةٍ يـكـرم بـهـا مــن حبّـهـا قـبـل امتحـانـه
قلت لـي: بنسـاك. قلـت: الله يهنيـك و هنيّـه..
واحــدٍ خــلاك مــن ربــاك تنسـانـي عشـانـه
قلت لي: قلبك لاينسى. قلت: ليت القلـب فيّـه
دوّره والـيــا لقـيـتـه وصّـــه و ردّه مـكـانــه
وص نفسك والاّ انا مانيب في حاجـة وصيّـه
واعتبـر فرقـاك أمانـه.. والله الله بالأمـانـه

الشاعر/ رشيد الدهام

[DUNHILL]

وص نفسك والاّ انا مانيب في حاجـة وصيّـه
واعتبـر فرقـاك أمانـه.. والله الله بالأمـانـه

يااا االله
رشيد الدهام شاعر مبدع
وانتي نقلتي واحده من اجمل فارعاته
لاهنتي ياذوق

[حـــوران]

والله الله بالأمـانه

روووعه , وليست مستغربه على الرائع رشيد الدهام


صح لســانه , وصح ذوقش ياذوق

[×مبسم هيا×]

تسلمين على النقل ....
تقبلي مروري

[سمان الهرج]

قلت لي: قلبك لاينسى. قلت: ليت القلـب فيّـه=دوّره والـيــا لقـيـتـه وصّـــه و ردّه مـكـانــه
وص نفسك والاّ انا مانيب في حاجـة وصيّـه=واعتبـر فرقـاك أمانـه.. والله الله بالأمـانـه

جات بوقتها يابري حااالي

ذوووووووووووووووق في ذمتي يا زود الغلا

الله لايهينش

[علي أل فطيح]

الله لايهينش على النقل
وصح لسان من قالها