مجـرد تواصل / ..
ولهت ولا دريت ان الوله .. بالروح كاين حيّ=بعد ماداعب احزان القصيد .. وبعثر احساسه
عرفت ان الغلا في كل قلب .. وكل بيت وحيّ=ندمت ولا ندم راعي الفراق .. الاّ على ناسه
كتبت ولا كتبت الاّ الشعور .. اللي توارد فيّ=قريت ولا قريت الاّ .. الغرام وهمّه وياسه
حزنت اي والله اني ماحزنت إلا .. وفيني شيّ=اساوم حزن خفاقي .. واقاوم حرقة أنفاسه
ذكرت اللي ذكرت .. آثاري الذكرى ماهيب شويّ=تحطّم من رضا بالحب .. تفكيره وهوجاسه
سرحت وقامت الافكار .. تطويني معاها طيّ=تذكرت اللقا قبل الشقا .. لاتقرع أجراسه
سما الاحلام كذبتها .. مثل كذبت سراب الميّ=تأكدت وشعلت شموع فرقا حب .. ميّاسه
سقا الله يوم كنّا غاويين .. ومشغلين الغيّ=قبل بيت الغرام اللي بنينا .. ينهدم ساسه
لا والله الليالي ماتغيّر .. هيّ تبقى هيّ=يمر الوقت نفس الوقت .. واللي تختلف ناسه
نزعت الذكريات اللي بقت في خافقي .. بيديّ=مع ان كل القلوب المغرمه .. خجلا وحسّاسه
تركت أقصر مشاوير الوصال .. اللي ملاه الضيّ=بعد شفت الفراق أدما الغرام .. وهب نسناسه
01-07-2008, 11:54 AM
العرض العادي
