°·¸.•°× مــشــاعـــري ×°·¸.•°

[موكب]

،
،



ياصاحبي هانت ،، إن كانت على جرحـك
هـذي وأنا صاحبك / قبلـك مجـربها


تدري متى إتصير من كثر الحزن تضحك ؟؟
لا جاك يسأل عـن/ جروحـك وش مسبّبهـا !!



،
،

[موكب]

،،
،

ياحسين طاري عديل الروح وش جابه ؟؟=ذكرتني به وأنا إللي داله وناسي !!
ياخوك ،، لو كان ما قد صابني صابه !!=ماكان لجلج غضيٌض الطرف بأنعاسي !!
ماكان هوبل على المرواح لركابه !!=ماكان زوٌد على لقياه هوجاسي !!
ودوني أخذ نسيم الروح من بابه=عسى زفيره ،، يخالط كرٌة أنفاسي
وااا صدري إللي تقل داجوه حطابه=هدٌوا حنايا ضلوعٍ منجل وفاسي

،
،،

[موكب]

/
/


تغيب شمس ... ويحتفل حبر وكتاب
يغيب صوت ... ويحتفل صمت ظلي


،/،


واقف ،، على غيمة مسا ناطر أحباب
أمطر غلا .. وأنا الضمى في محلي


،/،


آدور بين الأسئله ... وأسأل أسراب !!
هو ليه أنا ذايب ..؟ ولا ذاب خلي ؟


،/،


ليه الغياب .. يسلّم الروح لـ غياب ؟
ليه المسا يسكر من عذوق غلي ؟



،/،


ليه المسافه سارقه همس الأهداب ؟
ليه العطر مافاح ؟ ليه أنت قلٌي ؟


،/،


تعبت أصبّر في حنيني .. ولا تاب
تعبت حـرب الليل ... وأتعبت كلي


،/،


بالله من لي لـ أمطر الشوق بغياب
أسأل ولا رديت ..! بالله من لي ..؟؟؟؟



/
/

[موكب]

،
،



هذا مكاني .. وكان هذا مكانك
.......... واليوم صار ٍ هالمكانين ليٌـه !!


أجلس لحالي .. وأشعر إني وزانك
.......... وأهديك .. وأخذ عنك حتى الهديه



،
،

[موكب]

؛
؛

الليله إللي بليّا صوتك ( تعدّي ) !!=أحسها شوكه بـ حلق العمر كله !
من تبتدي ،، والزمن كل ماله يسدّي=إلين ياقف / وأنا أشفي بـ البكا غلّـه
وأنا أتحايل عليه ،، أحسبه يهدّي=و لحظة هلاكي ليا طل الضحى ،, طلّه
وأنتي بـ غيابك. . . / تحسبين الجفا قدّي !=وأنا وصبري صغار . نضيع في ظلّـه !!
وأنتي صغيره ،, ولكن ياخلف جدّي=لو قلتي " إهلك عشاني " , قلت لك " يالله " !

؛
؛

[موكب]

،
،
،


وذا " جرح " إنولد بي ،، خذه داوه
وسمه بـ إسمك ومابي سماوه !


خذه وأرحل معه ،, مابي أشوفه
ولا منه كبر بـ الحزن .. خاوه !


مدامه منك . . أنا بـ أرميه وأمشي
ومٌر الدمع في ريقي حلاوه !!


عمر ،، وأنا أحسب إني بـ حبك قوي
وأنت ،،، إتظاهر بـ القساوه !!!,


إلين الله قسٌم لك هـ التمادي . .
عشان أصحى و " أشقق " هـ الغشاوه


ياظالم كنت تجرحني ,، وأنا أسكت !!
وأقول إسكت ،،، وخذ جرحك وداوه .. !


لا قلت إنك بـ تروح . . آقول طيٌب !
وإنا وأطيب صبر فيني ،، عداوه


ياعنك آنا أشهد إني كنت وافي
كثر ما أقفيت / وبـ جفني نداوه


أحبك .. كنت كلي لك وأحبك
مع إنك كنت تعشقني ( فضاوه ) !


عطاي أعطيه لك ,، ما أنشدك عنه
وإسمّي سيل طعناتك ~ شقاوه !!


حبيبي كنت .. بس اليوم مدري !!,
منين أجيب لك إسم .. وسماوه ؟!


،
،
،

[جطلي بن فهد]

الله الله

واصل يامبدع ..

متابع وبشده ..

[موكب]

الغالي ،، سماوي بن نجم


متابعتك ومرورك من هنا


شرف كبير لي


دمت بخير

[موكب]

،
،

هيه ،، ياللي تحسب إني من الهرجه زعول=والله إنّك جاهل ٍ في رضايـه وزعلـيّ
كل زله لو تجيني مـن لسـان مهبـول=أعتبرها عقد ( ريحان ) يرمي به علـيّ

،
،

[موكب]

؛
؛

ما كل شي ٍ نريده ... سهل تحقيقه !!=أحيان نحتاج نبكي .. بس ما نبكـي ..!

؛
؛