.. رِحـلـَه أسبـُوعيــَّه شـعـريــَّه ’ ،

[تركي الميموني]

الا غرامك لا سرحـت ولقيتـه...
في درب بالي دون ماأشعر نثرته ..

/

على الورق يمكن لو انـك قريتـه
تدري عن اللي في غيابك شعرتـه

الضيق ضيفٍ .. زارني مادعيتـه
يومه غمرني في وفـاه وغمرتـه..

/

ان ماعمرت من اصدق الشعر بيته
ولا سكـت ولا غلطـت ودمرتـه..

/


جرحي وله مني صبرت ورضيتـه
وحزنٍ ملى عينـي لعينـه ذخرتـه..

["..عـَـذْبـًة الأطْـبـَآآآآع.."]

الضيقه اللي تقلبني واقلبها
يالله عساها طواري ليل وتعدي

لي يوم ثالث تجاذبني واجاذبها
الين شدت بيديها على يدي

[تركي الميموني]

من قام لك في ضيقة البال قم له

ومن راح راح ولو في طريقه تماداك


/


لاتنكسر لو ينكسر فيك حمــــله

هاذي ظروف الوقت وماجاك جاك

["..عـَـذْبـًة الأطْـبـَآآآآع.."]

الضيقة اللـي مالهـا حـزه ولا منهـا مصـد
أخـاف ساعـات العصيـر المقبلـه تاتيبهـا
يالله دخيلك من قسـى وقتـي وحـظٍ ماصمـد
في وجه صكـات اليالـي يـوم يقنـب ذيبهـا
واعوذ بك من فتنة الدنيا ومـن ضيـق اللحـد
واسئلك عن نفسي مـن الشيطـان لايغويبهـا
وسئلـك تفغرلـي ولصحابـي ولعدائـي بعـد
تعفو عن ذنوبٍ نجـي فيهـا وحـن ندريبهـا

[تركي الميموني]

شفني من البارح وانا ضايق البال

اقوم واجلس بين ضيقه وضيقـه ...

/
/
/

ليتك تحس بخـافقي كيف يغليك

وليتك تحس بفرحتي يوم القاك

/

والله مابـه بالبشر من يحاليك

كنك اخذت الزين في كف يمناك

/
/
/

تذكرت الغياب وضاق بالي
تعال وقلبي المشتاق يبيك

["..عـَـذْبـًة الأطْـبـَآآآآع.."]

الضيقه اللي دايم تالـي عصيـر==وش حيلتـي واردهـا لاتجينـي
لاطال ظل الفي حزة عشا الطيـر==كنها على سجن الحديد تحدينـي
يضيق صدري كل ما جات واسير==ولا يخفف سوج رجلـي حنينـي
والعبرة اللي تاصل الحلق واتحير==ياقربها لوقيـل لـي ياعوينـي
لاحولنا مشراف ولا اقدر اطيـر==يالله قسمـة خيـر لاتبتليـنـي

[تركي الميموني]

لايضيق خاطرك يا....؟ ووسع الصدر

تراك دنياك يا غالي ماتستاهل الضيقه

/
/
/

هاك الغلا والشوق ياشوق مغليك ..
وهاك النظر والقلب مع كل مافي

/


تستاهل اكثر من غرامٍ يسليك ..
تستاهل اللي يعشقك ميت وحي

["..عـَـذْبـًة الأطْـبـَآآآآع.."]

يقولون العرب الصدر الشمالي مايضيق بساع .... وانا اقول الصدور اليوم ماعادت شمالية

[تركي الميموني]

بـ الصـدر ضيقه عليك ،، وبـ النـظر عتمه ..
ان غبـت،، نور العيون يغيـب بـ غـيابك ،،

/
/
/

اضـيق من ضيقتك واحــس في كتـمه ..
هذا القـليل الـذي ،،يحدث من اسبابك ..!

["..عـَـذْبـًة الأطْـبـَآآآآع.."]

ان شفتني ضايق واهوجـس واسبّــه
اخاف غدر الوقت.. والوقـت دورات

لا تحسب ان دمعي نـزل دون سبّـه
ابكي من الفرقا وهي مابعـد جـات

الـيـوم كــل امورنا..مستـتـبّـه
وبكره ماندري وش معه من مسرّات

اربّ قلبـك مثـل قلـبـي اربّــه
ما يخلفه شور العـرب والمسافـات