لاضاق صدري رحت أقلّب عربسات

[قرناس العازمي]

لاضاق صدري رحت أقلّب عربسات
******* قمت أتفكـر فـي عجايـب زمانـي

متنقـلٍ مابيـن ذيــك المحـطـات
*******بإبهامي ألـفّ الأرض فـي ثوانـي

وماشدّ ني مـن بيـن كـل القنـوات
*******اللـي بهـا ناظـرت شـيٍ دهانـي

قم يانديمي فـوق زيـن الموديـلات
*******vxr تـوّه صــادرٍ بالمـوانـي

النوع Toyotaمن أرقى الموديلات
*******japan صنع الأ فنـس الكيفرانـي

يصبر على قطع الوعور الصعيبـات
******* يطوي صحاصيـح الخـلا مايعانـي

عليـه مطنـوخٍ يحفـظ الوصيـات
******* عند اللـوازم ذيـب ماهـو هدانـي

شيّـك عليـه وجـهّـزه للمهـمـات
******* ثم فلّلـه مـن (شيشـة) المسلمانـي

وخذ النفود قطوع صـوب القريـات
******* وعَدْ الحدود لـدار صـاف الثمانـي

متنحـرٍ دار الطـرب والونـاسـات
*******عشايرٍ من قوم(طونـي) و (هانـي)

الديرة اللي سَلم أهلهـا خـذ وهـات
******* ماللحيـا بطبـوع ربعـه معـانـي

لاجيتهـم تلقـا الهنـا والمـسـرّات
******* والضيف لـه قيمـة وقـدر ومكانـي

يْقلطون (الترتـه) ومعـه (كيكـات)
******* ومشروبهم .. مشروبهم شكـل ثانـي

حياتهـم هـزٍ .. ووزٍ .. ود بكـات
******** ويـرددون الهابـط مْـن الأغـانـي

دارٍ بهـا للزيـن وسـمٍ وبصمـات
******* به ناعسات الطـرف سيـد الغوانـي

لاشفت أنا هـاك الغنـج والحركـات
******* مسكت راسي ثم قلـت آه ياااااااانـي

وأخص أنا بالقـول باسكـال بالـذات
******* هي شيء .. واللي غيرها شيْ ثانـي

عليه عيونٍ تقطـع القلـب بسكـات
******* همت .. ضعت و(جمـدت) بمكانـي

تبلغـه شـوق وســلام وتحـيـات
******* وتحب جبهـت عودهـا (مشعلانـي)

صحيح قالوا قبل من يختشـي مـات
******* والله يستر مـن توااااااالـي زمانـي


وهذا الرد على القصيدة ....

لاضاق صـدرك ياقليـل المـروات
********* صـل الصـلاة ولا تجـي للاغانـي

استخدم ابهامك في طـي الصفحـات
********** صفحـة كتـاب الله بـاب الامانـي

اخير من شوفـة وجيـة الخواجـات
********** اللي غضـب ربـي عليهـا يبانـي

لحمـة مخمـة فالـبـلا والمـلـذات
********** غرتـك صبغـة وجههـا البهلوانـي

ترسـل نديبـك فـي ردي المهمـات
********** اهل الردى فالـدرب دايـم خوانـي

"والفكس" لاتطريـة بالـذات بالـذات
********** ماهـو بمركـوب النـذل والهدانـي

الفكس مركـوب الرجـال الثقـالات
********** مقنـى عربيـن النسـب والمجانـي

باسكال يامسكيـن راحـت ولاجـات
*********** مالـك ومـال الساقطـة يافـلانـي

وجة عليه مـن التشاكيـل صبغـات
*********** ابيض مع احمـر والشعـر برتقانـي

لاشافـت الطرقـي تبديـة نظـرات
************ وتميـل مثـل الـداب والعقربـانـي

بنت لهـا فالليـل صولـة وجـولات
*********** تضحك على مثلك بطـرف العيانـي

تضحك على لحيتك بنـت لهااخـوات
*********** ياكيـف ترضـى يافتـى للهـوانـي

تحب جبهـة مشعلانـي يـاذا الشـاة
************ اثـرك تـدور ريحـة الزعفـرانـي

لاوالله الا راس مافـيـة نـعــرات
************ اتحـب راس ابليـس يامودمـانـي

ياونـتـي ونيتـهـا 10 ونـــات
************ الادمـي يانـاس طـلـع جنانـي

خلك بدار اهـل الكـرم والجمـالات
************ دار حباهـا الله رفـعـة وشـانـي

دار بهـا ستـر البنـات العفيـفـات
************ هـذي بـلادي ياطويـل الاذانــي

اشعب ركابك فـي جميـع النحيـات
************ امن وامـان ويـش غيـرالامانـي

اخيـر مـن دار تحـب الـريـالات
************ باعـوا الكرامـة يالله المستعـانـي



منقــــــــــول

[**عافكـ الخاطر**]

لاهنت وصح الله لسانك وبيض الله وجهك

[قرناس العازمي]

المشاركة الأصلية كتبت بواسطة قناص يام

لاهنت وصح الله لسانك وبيض الله وجهك

ولا انت

صح بدنك

ووجهك ابيض

حيـآك اللهـ منور