السلام عليكم ورحمة الله وبركاته
تحيه طيبه ..
يا الله ويـا تالله وحـن بـك نستعيـن=في اي وقـت وأي شكـل وأي حـال
الى سجدنـا لـك سجدنـا مخلصيـن=وإلا دعينـا بـك دعينـاك إبتـهـال
والثانيه خذيـت لـي خمسـة سنيـن=وانا مـع نجـران قاطـع الإتصـال
إذا حصـل منـا خـطـا متأسفـيـن=وإن ماحصل من خطـا يـا همـلال
يفك سحر أبا الحصين أبـا الحصيـن=والثالثـه بعـد دقيـق العـود مــال
النـاس هـذا لـه يقيـن وذا يقـيـن=وأطيبهم اللـي يجـوّد إيدينـي وقـال
بزينك بزينـك علـى روحـك بزيـن=الأرض أهلها قـوم ورضاهـا محـال
صاحيهـا يـدرك وعاقلهـا ذهـيـن=والأرض ممطوره عقب طول المحـال
لا تزعل السجـان وتصيـر السجيـن=والمجـرم اول مـا يجيـه الأعتقـال
وكـاد وإن الله خـيـر الشاهـديـن=إني ما أعنزهـا علـى جـال هيـال
إلا على نجـران وأهلـه يـا حسيـن=شواهـق منهـا ذرى ولهـا ظــلال
وش تونس الخضرا يا زين العابديـن=الى غفـت سحابتـه والشعـر سـال
البارح الهاجـوس للمسـرى عويـن=ونا على المسـرى سريـع الإشتعـال
إذا بغيت اكتب مـا تحفظـه السنيـن=سفحّت بالمعنى علـى ظهـر الخيـال
ومن البيوت اخترت لي بيـت هجيـن=ومن الجزيلات أتخيـر فـي الجـزال
وسفطت بالهاجـوس بيـن السايديـن=والليل ذيبـه يعـوي ونجمـه هـلال
وصفقـت بالطـاره وركبتـه يميـن=ودقيتهـا عصبـه وطوحـت العقـال
يا يـام أنـا ماجيتكـم ليـل الثنيـن=الا ونا فـي إيدينكـم بيـز و جـلال
أما إذخرونـي فـي وجيـه الغانميـن=ولا إزهلوني فـي الغـواري والـدلال
عبد ولو مـا نـي مـن المستعبديـن=الى غدت في جاه عـم وجـاه خـال
الله يجملـنـي مــع المتجمـلـيـن=تـراه يلحقنـي ردا بعـض اللـيـال
يا امير انا من عادنـي أبـو سنتيـن=أسوقهـا لكـن مـا أحـب الإنفعـال
ولا أنفعلـت انـي حفيـد العزوتيـن=اللي مراقيهـا علـى رووس الطـوال
والشاعر اللي ينفعل فـي كـل حيـن=على الزمان الله يعيـن ابـن الحـلال
ياكثر مـا يجـرح شعـور الطيبيـن=لكـن تعديهـا مقـام وطيـب فــال
والإنفـعـالات الحقيقـيـه تـبـيـن=في ليلة مـا عقبهـا الا بـري حـال
المنهزم والمنتصـر يـا حـي عيـن=امثـال والأمثـال تضـرب وتـقـال
مشاعري من صم صخرة ماش طيـن=لعيونـك ولعيـون اهـل الإحتـفـال
قصيـدة الـذ مـن مـا الرافـديـن=يدوي صداها كنه بـرق فـي خيـال
الى بغيت افـرق عـن المستشعريـن=ظمنتها اللي قيـل واللـي مـا يقـال
وحكيتهـا حكيتهـا حـتـى تـزيـن=وحبكتهـا حبكتهـا حـتـى يـخـال
انـي محشـش أو مقضـم حبتـيـن=ونا مـن اهـل الأدعيـه والإبتهـال
شاعر الـى غنيـت والمعنـى دفيـن=لو كان به شيطان مـا عيـن مجـال
دايم مـن العـد الـروى آميـح ليـن=ما عاد يبقى من جذام الحثال الا الحثال
حللـت اهـلا يالأميـر اللـي نديـن=لـك بالمـوده والمحبـه والـوصـال
يامرحبـا يـا مرحـبـا ترحيبتـيـن=وكـل ترحيبـه لهـا وجـه ومقـال
ترحيبة تفـرح بهـا قلـب الحزيـن=وترحيبة فيهـا غنـج بنـت الـدلال
ولبيـك لبـايـة يتـيـم الوالـديـن=اللي تعيضـه وقفتـك عنـد السـؤال
تصافحك كـل القلـوب إبـلا يديـن=وتحتضنك قلوب النشاما مـن خـلال
نجران واللي فـي طرفهـا ساكنيـن=اللي ولاهـا لـك ولا ترضـى بـدال
الطيب ورث ابـوك ولجـدك رهيـن=والمدح من تقديـر ننظمـه إرتجـال
إن لم تكن لجلـك ضعـون الراحليـن=فمن لغيـرك قـد يكـون الإرتحـال
ورجال يام نصر دنيـا ونصـر ديـن=لا تخذلـك ولا تـعـرف الإنـخـذال
هي يسـار يسـار والا اللـي يميـن=واللي مقيمه في الجنوب وفي الشمـال
واحد على طول الزمـن ماهـم ثنيـن=إن كان هم في سلـم ولا فـي قتـال
ودك بهـم محـزم لقـا ولا يمـيـني=مين رجـال لمـا انـه قـال طـال
من عند حـد المملكـه جنـوب ليـن=تفرق صلاف القاع من ليـن الرمـال
الى التقـت هـدارة المجلـس نبيـن=يوم اليمن يشكو ظـروف الإنفصـال
الـى عفينـا نعفـو وحـن قادريـن=وإذا بطشنـا مـا بطشنـا بطـش ذال
إن ركـدت حنـا مـن المتوكلـيـن=وإن قنبعت ما حن من أهـل الإتكـال
الله خلقـنـا للجـويـر وللـزبـيـن=وللأرمله وللـي عليـه الحـال مـال
من القطين نصدر أصحـاب القطيـن=ومن التلال نحـول أصحـاب التـلال
الى عطينـا مـا عطينـا الا الثميـن=وإلا خذينـا مـا خذينـا الا حــلال
لكن لا فاض الما على صاع الطحيـن=لعيون من يقبـع عليهـا كـل شـال
نثـور البـارود و نشـمـه خنـيـن=حنا عيال الشايـب اللـي لـه عيـال
مـن دون هيبتنـا وقفنـا صاملـيـن=رجال والماقف ما يبغـى الا رجـال
واللي ما ياقـف دون حقـه باليديـن=دون البلد ما هو موقف فـي اي حـال
وانا بمـدح المكرمـي جنبـي متيـن=لازلـت اقـول انـه كفـو ولا يـزال
هو شيخنا لون نختلف فـي المذهبيـن=نبيـنـا محـمـد و مـذنـا بــلال
ويعيش ابوساق وتعيـش الحاضريـن=شيوخ يام اللـي لهـم قـدر وجـلال
اللي يبي سلمـه علـى ربعـه مكيـن=لحمولهـم يبـرك مباريـك الجمـال
وان كان منت بشيخ فعل او شيخ ديـن=عيب عليك انك تسمّـى شيـخ مـال
الشيخـه شـداد الشيـوخ الأولـيـن=لاهـي بالدرهـم ولاهـي بالـريـال
وخريم شيـخ وشيختـه فعـل سميـن=ماخـوذة بالسيـف وحـداب السـلال
وريال مدريـد انهـزم خمسـه ثنيـن=وحنا سبـب خسـارة مـدرب ريـال
قعد يجـرح خاطـر الجمهـور ليـن=ثارت عليه اعصابهـا ليـن استقـال
ياقـو ذا البيتيـن عنـد اللـي فطيـن=وياضعفها ضعفاه عنـد اهـل الهبـال
وفي ظـل حكـام الجزيـرة قانعيـن=ان الحـكـم لله وحــده ثــم لـآل
ال السعود اللـي لهـم فـي القبلتيـن=مواقفٍ تنحـت علـى صـم الجبـال
في ظـل عبـدالله وسلطـان الاميـن=ونايف وسلمـان وحميديـن الخصـال
ياللي قريتوا في ريـاض الصالحيـن=نبينـا الهـادي محمـد ويـش قـال
طاعة ولـي الأمـر نهـج المومنيـن=وحنّا لجانـا الأمـر عنـد الإمتثـال
وعلى معزي رحمـة الوالـي واميـن=اللـي حكمهـا بالقـنـا والإعـتـدال
والأربعيـن الاربعـيـن الأربعـيـن=اللي مع جـدك معـزي يـوم صـال
نصيبنـا منهـم معـا جـدك اثنيـن=وحوادث التاريـخ مـا تبغـي جـدال
وفي حب ابو متعـب ترانـا مدمنيـن=وإدمانـا بيـن الصحـاوه والهـبـال
والحب مـا تفرقـه عـن الهيرويـن=يلعب براعيّـه علـى سبعيـن جـال
قـدام تـسـأل عـنّـه المتفقهـيـن=الثانـي محـرم لكـن الاول حــلال
وامثالـك نـدور عليهـم بـس ويـن=ياامير عيـا الوقـت يعطينـا مجـال
في ذمتي لو حن نعرفـك مـن سنيـن=لعيونـك نسـوق الركايـب للشمـال
حتى نوقـف عنـد امـام المسلميـن=ونصيح بااعلى الصوت يامشعل تعـال
ويامرحبا في كل قلـب وكـل عيـن=ويامرحبا في كل وقـت وكـل حـال
--------------------------------------------------------------------------------
20-03-2010, 04:08 PM
العرض العادي
