الــــــمـــــيــــــول

[فهد آل مخلص]

كل شخص وله ميول ومطمع وتخميني = ويعرف اصحابه ويعرف من هم معادينه
وله طموح وله حدود وله مقام وديني = والمذاهب تختلف والشرع واينه واينه
ومنطق الرجال يكشف نيته وتبيني = ذا يبي مستقبله عاجي وذا في دينه
وذا يبي السجه ويتبع مسلك الساليني = وذا يحسد الناس حتى ابيه ومخاوينه
واماانا إسمع غايتي يللي تبي توحيني = لي ميول مثل خلق الله وجب تدوينه
مايضايقني بذا الدنيا يكون إثنيني = واحد مطفوق والآخر ثقيل الطينه
ذا حسب كرهي ولكن للمحبه فيني = مثل ماللمال في نفس الضعيف وعينه
كل شي إسمه مؤنث مركبه يغريني = لكسز او بي ام او حتى الذلول الزينه
والهنوف إللي هواها دايم باريني = حبها قلبي ولو ضاعت عليه إسنينه
والخيال الجامح اسري فيه ويسريني = إووصف خالية العيوب يصير من تخمينه
راكب إللي مشتريها مادفع تثميني = جابها حسب الطلب والمال رهن إيدينه
عند باب البنك يستقبل وله تاميني = في جميع اقطار الأرض معمم تامينه
واما انا ماجبتها إلا بإلغلا والديني = راتبي مرهون فيها وإكفلاي إثنينه
اسمها ال بي ام وام المركب إللي زيني = من روايع ماصنع الألمان ياشارينه
بإلترف والتقنيه واوصافها تسبيني = وبإلنعومه مركب الحكام ياهاوينه
كن تحت طبلونها الأيمن مكان إثنيني = وطخمة السكان وإللي حوله الكابينه
وكن لون العاج الأدهم بإلشفق يطريني = وفيه من لون الذهب لبيه ياذا العينه
وكن لمعة فرشها رخام بيت إخنيني = كل مادسته يزود بلمعته وبلينه
وإن مشت كنها تمشى إن او تسير بزيني = وهي تقرب نازح المسرى على سارينه
تفهق اسرع مامشى في الأرض وتسريني = وليتها بارق دجا ليل نعش مسنينه
آعنيها حين واكثر وقتها تعنيني = لانخاني صاحب ضاقت عليه إسنينه
وقال تكفى قلت جاك العون ياناخيني = قدها وابشر بعزك لو ضروفي شينه
حالف إني ماآتفسل وانت ذا ناصيني = والكلام إيقال ويثمن على حاكينه
إسر واكشح ليتها العالي ترى دم جيني = إيتفاعل عقب إللي ماتفاعل جينه
اسر سيده ياتزين ان او عليك إتشيني = حالنا واحد ومرجعنا تراب وطينه
رجلك اليمنى لاترفعها عن البنزيني = موتري شيكت شغله وانتهى تمرينه
طول ليل البارحه ماامسيت يامضنيني = من هموم جثت الشريان عن وتينه
ولايبرد كبدي إلا شربة ترويني = من قراح ماحد قبلي حكا عن زينه

[نايل الظفيري]

صح السانك


يافهد آل مخلص


طرق كايف ,, وشاعريه عذبه


تقبل مروري

[مطلق الخالدي]

صح الله السسسآنك ..

[(سعد بن محمد)]

صح السانك

ولاهنت

تحياتي