من يرضى الهوان

[بـوح]

قالت علامك حالتك يرثى لها !! - قالت بلادك جوعتكم ؟ قلت هذا حالها

ما هي غنيه مثل دولتكم ولكــ - ــن ، يكفي شـرف حكامها وإرجالها

قالت : بطل .. تلعب على قلبي الصغير - خلك على أسطورة َ غنى لهـا

شعباً غني لكن جايع في الأصل - أنهار واجد مغلقاً منهـالها

تحب تتصدق لدار الغير لو كنا نموت - أهم شيء تكفي شرر عذالها

راحت وخلتني وحيد بغرفتي - وأطالع بداري وأجي بقبـالها

أسمع كلامـاً فوق فوق ماكن أعرفه - وأقرب أذني عند منفذ بالها

أسمع صياح وأسمع بكي وأسمع هواش - ما أدري وش اللي صار في منزالها

تبكي دياري هم وأحزاناً وغم - يالله تكفينا وش اللي هالها

تبكي التخلف والحضاره ودها - فيهـا ولكن من يرد أموالهـا

أموالها راحت مع طرق الهوى - راحت كذا !! من غير شخص شالها !!

كل ما يقول الغيـر وش في داركم !! - نقول يكفينا الأمن في جالها

كن الأمن من عندهم !! يا خبلنا - الأمن دعوة سيداً لبى لها

لكن من يرضى الهوان يعيش به - صحيح والله صادقاً من قالها

بـ قلمي / بوح

[●• Ŝђǿǿq •●]

أبيآت نآبعه من القلًب وتصف الحآل
تِسلًم يمينكـً ..~

[بـوح]

سلمتِ ولا ندمت ِ ولا عدمنـاك ~

[ابورامي]

الله الله ابدعت في التعبير عن بعض مايحصل لاهنت وفعلأ عبرت عن مايجول

في خواطر الناس صح لسانك

[بـوح]

لا ندمت ولا عدمناك

[المنفرد]

صح لسانك

[عذبة الصفات]

صَــ√ــحِ بدنك ولاهنت ع الابيات الروعه
تسلم يمناك ابداااع

[بـوح]

لا هنتي يا [ عذبه ]

[بـوح]

صح بدنك يا المنفرد

لا عدمناك

[محمد الذرفي]

صدقت في ماقلت ﻻفض فوك

لك كل الشكر