انت بتسافر ؟

[عذبة الصفات]

انـت ياللـي ماخـذٍ قلبـي معـك حجـة وداعـه
تدري انك ماكسبت الأجـر فـي النفـس الحزينـه


شفني مـن العـام خليتـه معـك سمـعٍ وطاعـه
وانـت لارديـت لـي قلبـي وانـا ماقلـت وينـه


شف بعينك واعطنـي قلبـي لعـل ارتـاح ساعـه
ساعةٍ تـروي ضمـى العطشـان وتخفـف حنينـه


ساعةٍ يفرح بهـا المحـرورم يـوم الوقـت لاعـه
لحظةٍ تسـوى علـى المشتـاق مثـل اول سنينـه


افتح ابـواب الوصـل وحـذف مفاتيـح القطاعـه
واقض ديانـك بـدون اربـاح لوهـو ربـع دينـه


مرحباً في ذمتـي لاجيـت مـن عقـب انقطاعـه
تذرف ادموع الفرح وتقـول شيـن البعـد شينـه


قلت لك هـذي طبـوع الوقـت تفريـق الجماعـه
لاكن الجمعـى بعـد طـول العمـر فرصـه ثمينـه


قلت لي كنت احسب ان عندي على الصبر الستطاعه
واثرني ضايـع ولاكبـدي علـى الفرقـاء فتينـه


قلت لك طبـع الصبـر يعتـاش والفرقـاء متاعـه
عادته يخلـف اضنـون الرجـل كـون الله يعينـه


الصبر مـن غيـر مانرضـاه يااااصعـب ابتلاعـه
يقهـر الـرجـال ولا يظـهـر الدمـعـه بعيـنـه


من يقول الصبـر مفتـاح الفـرج ماقلـت اشاعـه
غير انـا قدلـي سنـه ماشفـت منـه الا غبينـه


المهـم بـاب الحـزن صكـه بمفتـاح القنـاعـه
خـل ذكـراه الحزينـه فـي ساعدتـنـا رهيـنـه


انتهـا وقـت الحـزن والبعـد قضبنـا شـراعـه
وابتـدا وقـت السعـاده تنشـر اشراعـه يمينـه


تدري ان بعدك حريـق القلـب واخـاف اندلاعـه
خايـفٍ نـار الحـزن تشتـب وتشيـع المديـنـه


وتدري ان فرقـاك ليـلٍ مظلـم وقربـك شعاعـه
وتدري ان قربك يعيـن القلـب وان بعـدك يهينـه


وتـدري ان قولـة فمـان الله مافيهـا شفـاعـه
وتدري ان قوله صبـاح الخيـر تغشاهـا السكينـه


ياصبـاح الخيـر ياوجـه السعـد عبـر الأذاعـه
نور وجهك طولـةٍ فـي العمـر لاشعشـع جبينـه


شوفتـك تجلـى همـوم القلـب وتزيـد اندفاعـه
للغلـى وتـداوي جــروح المعالـيـق الدفيـنـه


ادري ان بعـدك ماهـو بيـدك ولاقصـدك لكاعـه
وان طلع مافـي يـدك حيلـه فخلـك وش بدينـه


انت بتسافر ؟ فماااان الله خذ قلبي وداعه
غير لاتبطي ترا الأنوار طفيت في المدينه

وسلامتكم

[العــــديم]

وتدري ان فرقـاك ليـلٍ مظلـم وقربـك شعاعـه
وتدري ان قربك يعيـن القلـب وان بعـدك يهينـه


وتـدري ان قولـة فمـان الله مافيهـا شفـاعـه
وتدري ان قوله صبـاح الخيـر تغشاهـا السكينـه


رووووعه

صح لسآن قآيلهآ
ولآهنتي ع النقل الفآخر

[الباشا]

صح السان شاعرها

ولا هنتي اختي عذبة الصفات على النقل

[عذبة الصفات]

صَــ√ــحِ بدنك اخوي العديم ولاهنت علـْْْ•̣̣̥·̩̩̩̥•̣̥ـْْْى الرد الطيب
شاكره لك تواجدك العطر

[عذبة الصفات]

صَــ√ــحِ بدنك اخوي الباشا ولاهنت علـْْْ•̣̣̥·̩̩̩̥•̣̥ـْْْى الرد الطيب
شاكره لك تواجدك العطر

[●• Ŝђǿǿq •●]

تِسلًم يمينكـَ ..~

[عذبة الصفات]

سلمتي ولاهنتي علـْْْ•̣̣̥·̩̩̩̥•̣̥ـْْْى الرد الطيب
شاكره لش تواجدش العطر فديتش