انقل لكم هذه القصيده واتمنى ان على اراظكم
أيامنا والليالي كم نعاتبها
شبنا وشابت وعفنا بعض الأحوالي
تاعد مواعيد والجاهل مكذبها
واللي عرف حدها من همها سالي
ان اقبلت يوم ما تصفى مشاربها
تقفي وتقبل ومادامت على حالي
في كل يوم تورينا عجايبها
واليوم الأول تراه أحسن من التالي
أيام في غلبها وايام نغلبها
وأيام فيها سوا والدهر ميالي
جربت الأيام مثلي من يجربها
تجريب عاقل وذاق المرّ والحالي
نضحك مع الناس والدنيا نلاعبها
نمشي مع الفي طوع حيثما مالي
كم من علوم وكم آداب نكسبها
والشعر مازون مثقال بمتقالي
اعرف حروف الهجا بالرمز واكتبها
عاقل ومجنون حاوي كل الأشكالي
لا شك حظي ردي والروح متعبها
ما فادني حسن تأديبي مع أمثالي
ان جيت أبي حاجة عزّت مطالبها
العفو ما حد عن المخلوق بيسالي
قومٍ إلى جيتها صكت حواجبها
وابدت لي البغض في مقفاي وقبالي
وقوم إلى جيتهم رفت شواربها
بالضحك وقلوبها فيها الردا الجالي
ماكني الا مسوي حال مغضبها
والكل في عشرتي ماكر ودجالي
ياحيف تخفي امورٍ كنت حاسبها
واللي على بالهم كله على بالي
الجار جافي وكم قومٍ نحاربها
والأهل وأصحابنا والدون والعالي
والروح وش عذرها في ترّك واجبها
راح الحسب والنسب في جمع الأموالي
نفسي تبي العز والحاجات تغصبها
وترمي بها بين اجاويد وانذالي
المال يحييّ رجالٍ لا طباع لها
كالسيل يجييّ الهشيم الدمدم البالي
عفت المنازل وروحي يوم أجنبها
منها غنيمة وعنها البعد أولالي
لا خير في ديرة يشقى العزيز بها
يمشي مع الناس في همٍ واذلالي
دارٍ بها الخوف دايم ما يغايبها
والجوع فيها معه من بعض الأحوالي
جوعاً سراحينها شعبا ثعالبها
الكلب والهر يقدم كل ريبالي
عزّ الفتى راس ما له من مكاسبها
يا مرتضي الهون لاعز ولا مالي
وسلامتكم
اخوكم /&&الراكد&&
19-04-2004, 08:08 PM
العرض العادي
