خيـّالة ٍ يوم الملاقا عنيفه

[الجويّر]

السلام عليكم ورحمة الله وبركاته




اعزائي المشاهدين هذي قصيده لشاعر عنزي اسمه مقحم النجدي وهوا شاعر وفارس





والقصيده تقول

ياالله يامطلوب والي الأقدار = أنت الذي مدات جودك لطيفه

أطلبك يامعبود عاون هل الكار = وتحل شطاتٍ عليهم كليفه

أللي مجالسهم بها بن وبهار = ونجرٍ يصوت للنشامى رجيفه

يامزنةٍ غرا من الوسم مبدار = اللي جذبنا من بعيدٍ رفيفه

تومر على كل المفالي بالأمطار = وتصبح بها ديران قومي مريفه

غب المطر فاحت بها ريح الأزهار = تخالف النوار مثل القطيفه

ترعى بها قطعاننا سر وجهار = ترعى زماليق الفياض النظيفه

في ضفة الله ثم جبرٍ وجبار = خيالةٍ يوم الملاقا عنيفه

ترعى بها وضحى من الذود معطار = غبوقة الخطار عجلٍ عطيفه

ويبني عليها بنية اللبن بجدار = عقب الضعف راحت ردومٍ منيفه

ماهي حكايا مسردٍ عقب مانار = اللي هرب وأطراف رمحه نظيفه

ان سوهجوا عنها قليلين الأبصار = من دونها نروي السيوف الرهيفة

والصبر مفتاح الفرج عند الأذكار = ومن لا صبر تصبح حواله كسيفه

خطو الولد مثل البليهي إلى ثار = زودٍ على حمله نقل حمل اليفه

وخطو الولد يبنش على موتة النار = مع العرب يشبه لخطو الهديفه

وإلى بخصته ماسوى ربع دينار = صفر على عودٍ تضبه كتيفه

وخطو الولد مثل النداوي إلى طار = صيده سمين ولا يصيد الضعيفه

إلا ومع ذلك لك الله لنا كار = عن جارنا ماقط نخفي الطريفه

ونرفا خماله رفية العش بالغار = ونودع له النفس القوية ضعيفه

ولا نبدي الخافي إلى صار ماصار = يفلج قصير البيت لو بان حيفه

والجار لابده مقفي عن الجار = وكل بجيرانه يعد الوصيفه

جارٍ على جاره بختري ونوار = وجارٍ على جاره صفاةٍ محيفه

نكرم سبال الضيف حق وتعبار = لامن ولد الاش شح برغيفه

ولابدها تصبح تواريخ وأذكار = وتبقى لدسمين الشوارب وظيفة





وسلامتكم


لشاعرها / الفارس مقحم النجدي

[قبلةالعجمان]

والصبر مفتاح الفرج عند الأذكـار=ومن لا صبر تصبح حواله كسيفـه

صح لسانك ولسان شاعرها ..
ولاهنت على النقل المميــــــــز

[فلاح بن ملبز]

صح لسانك يا الجوير ولسان شاعرها

ولاهنت على النقل والاختيار الرائع

ولك جزيل الشكر

[الجويّر]

صحة ابدانكم جميع واشكر مروركم الكريم

[Aziz]

صح لسانك

والله لا يهينك على النقل الطيب

شكراا

[الجويّر]

صح بدنك اخوي عزيز وشاكر لمرورك الكريم اخوي

[الخريف]

صح لسانك يالجوبر ولسان الشاعر ويعطيك العافيه على الاختيار الرائع

[الجويّر]

صح بدنك يام واسعدني وجودك معاي في هالمشاركه

[والله ماكان الفراق اختياري]

[صح لسانك ولسان الشاعر
ولا هنت]

[الجويّر]

هلابك ياخو نوره وصح بدنك وشاكر لمرورك عزيزي










تحياتي / الجويّر