السلام عليكم..
هذي اول مشاركه لي وانشالله تعجبكم..
وتبيض وجهي..^_^
وهي رائعه من روائع الشاعر الشاب (مشاري المري)
يالمعانـي اخضعـي لـي بالقصيـده واطربـي=خافق نبضـه عنـاد وشـوق لديـار النزيـه
ويامهـار القـاف طلبـه لا تصديـن ألعبـي=بالمعانـي لعـب طفـل بيـن عماتـه وابيـه
شوفي الهاجـس وشوقـي والتوجـد وتعبـي=وافهمي حالي وحالـي واضـح منـه وفيـه
جاتني ام العيون الدعـج مـدري وش تبـي=عجلة خطاها مثل من شاف شـيء مشتهيـه
شفتها ثـم فـز قلبـي وارتعـد كنـه ظبـي=فز جافـل يـوم ناظـر زول قنـاص يبيـه
واعتزيت وقلت يا بنت ارحبـي ثـم ارحبـي=وادمعت واقفت وقمت وقلت افا يا بنت ليـه
كنت اهوجس في بويت وسط قلبـي مختبـي=لكن الجفن الحزيـن أتلـف خفـوق محتويـه
قلت يا بنت الرجال اخت المشاكيـل اقربـي=علميني وش جرى والدمع يا بنـت امسحيـه
قالت أبشر..ماهقيت ان الذي قد صـار بـي=من قرايب بينوا لـي بالزمـن سبعـة وجيـه
صرت كني نخلـة تثمـر ولا ذيـق ارطبـي=لين عود عذقـي لتمـري وعذقـي يحتميـه
قلت وش قصدش وقالت صمتك ارجوك اطلبي=قلت قصدش!!وقطعت هرجي وقالت ايه ايـه
قلت عن درب الردى يا بنـت حـوا جنبـي=طاوعيني والسفيه ان قال مـا قـال اسفهيـه
طاوعيني وازعلي لا صـار طـرب وجربـي=واضحكي لا صار زاعل وان تكلـم همليـه
واسكتت ثم قلت طلبـه لا ترديـن اطلبـي=اضحكي لي سعد ابو من صار جدش من ذويه
واضحكت كنها صغير خاف ثم صـد يحبـي=والتفت يضحك ويلعب يـوم ناظـر والديـه
ونظرتني نظـرة اللـي لا ذكـي ولا غبـي=نظرة الداله وقلت افهـم ..افهـم يـا نبيـه
ما هقيت انـه يغيـر لهجتـي رجـل اجنبـي=لين جاني من عسفني حسبـي الخالـق عليـه
من بعد ما كنت اقول ابوي..صرت اقول ابي=والبلا كتفي على كتفه وكفـي بيـن ايديـه
قلت منهو قالت انت وما فطنـت الا اركبـي=ترتجف حتى بكت ثم قالت المـري شفيـه..؟!
لا الـه الا الـه الخلـق ومحـمـد نـبـي=جملـة رددتهـا ثـم قلـت قلبـي ارحمـيـه
قالت ابشر يا بعد روحـي وربعـي وعربـي=ما يوصي من تعنى صـوب شـيء مهتويـه
واعرف ان حالي ومالـي والنواظـر وذهبـي=ودها يا ودهـا مـن جـد عمـرك تفتديـه
واعرف اني فدوة لـك مـن عيونـي لكعبـي=وآمر ولك من هدب عيني وعينـي مـا تبيـه
قلت انا كان العـذارى مبلشينـش اشطبـي=بأصبعش جمع العذارى واحملـي ثـم حاربيـه
يا فديت امش وابيش وجـد جـدش انشبـي=وسط قلبي واعرفي له وارفقي بـه واحرسيـه
والله اني بين ضو تصلى وانت يالترف احطبـي=شيء يكمل شيء دون الشي الاول من يبيـه
قالت الناس تحكـي بـك يالجـواد اليعربـي=قلت انا باقـول بيـت لا حكوبي..اذكريـه
والله انه مـا يوطـي رمـش عينـي وشنبـي=بين ربعي والنشاما يـا غـلا قـول السفيـه
وانظرتني نظـرة اللـي لا ذكـي ولا غبـي=نظرة الناسي وقلت العلم يـا بنـت اعرفيـه
29-04-2004, 10:20 AM
العرض العادي
