ويـــن انـــــــــت..؟؟

[فهيد بن عصيدان]

مسيكم بالخير..

بويتات عساها تعجبكم,,

.

.

.

وين انت يا مبعد عن امشاهد العين؟؟=بواجهك..بـس المسافـات عيّـت
.
حييتني بالصوت واهـلا وسهليـن=وردّت بيوتـي بالتحيّـه وحـيّـت
.
طيفك يروالي واناشـوف ذالحيـن=ويسري علي واسهر معه وآتبيّـت
.
بيني وبينـك حايـل البعـد والبيـن=بعدٍ ضلـوع القلـب منّـه تطيّـت
.
بعد المسافه..ضد..قـرب المحبّيـن=تقطّعـت منـه القلـوب وتكـيّـت
.
بعدك عذاب وسمع صوتك عذابيـن=يعني انا في كل الاحـوال ميّـت!!
.
الاذن شِبعت منّك وجاعـت العيـن=ابعـدت حيـل وشوفتـك ماتهيّـت
.
.
وسلامتكم

[حمد المخيال]

.
بعدك عذاب وسمع صوتك عذابيـن
يعني انا في كل الاحـوال ميّـت!!
.
.
الاذن شِبعت منّك وجاعـت العيـن
ابعـدت حيـل وشوفتـك ماتهيّـت


يسلام عليك

قصيده جزله من شاعر ان حضر حضر معه الشعر


صح لساااانك ملياااااااااار

تقبل احرامي
وسجل اعجابي

[عيد بن شدقان]

بعدك عذاب وسمع صوتك عذابيـن=يعني انا في كل الاحـوال ميّـت!!
الاذن شِبعت منّك وجاعـت العيـن=ابعـدت حيـل وشوفتـك ماتهيّـت

الشاعر/فهيد بن عصيدان

عندماا نقرأ قصائدك نرا الجزاله والابداااااااع
شاعر متمكن ويحبك الفكره والمفردات
شاعر تعجبني قصائده

صح السانك
ولاهنت
وننتظر جديدك بشوق


ولك تقديري

[محمد المحلكم]

صح لسانك
قصيده رائعه

[اطياف الماضي]

الشاعر فهيد

صح لسانك ولاهنت على هالابيات الجميلة

تحيتي

[ابوجراح]

احسنت يافهيد

صح لسانك قصيده وقافيه تستحق الثناء


تحياتي ابي جراح

[صاحب السموء]

بعدك عذاب وسمع صوتك عذابيـن
يعني انا في كل الاحـوال ميّـت


سلمت يمينك وما قصرت


((البيت الاخير **الاذن شِبعت منّك وجاعـت لك العيـن

لك اكيد سقطت سهو ))


تقبل كل احترامى وتقديرى

[عبدالناصر آل عبدان]

الأخ فهيد بن عصيدان
كل ما أقرا اسمك أتأكد اني مع موعد مع الإبداااااع واليوم كان هذا الموعد

بعد المسافه..ضد..قـرب المحبّيـن
.....................تقطّعـت منـه القلـوب وتكـيّـت
.
بعدك عذاب وسمع صوتك عذابيـن
..................يعني انا في كل الاحـوال ميّـت!!




الله عليك يافهيد


صح الله لسااانك ودمت مبدعا ومتألقا


ودعتك الله

[حمد بن سعد المسرع]

فهيد


صح الله لسانك وفكرك



لا هنت قصيده جزله وتحمل المعاني الطيبه



تقبل احترامي لشخصك الكريم



حمد

بن

سعد

المسرع

[فهيد بن عصيدان]

المخيال

اسعدني حضورك وشرفني مرورك


صح ابدنك ولاهنت