كاســــــــات خمرك

[علي السكران]

اخواني الاعزاء اضع امام انظاركم هذه القصيده اتمنى ان تعانق قلوبك

كل ما ذعذع نسيم الليل هوجاسي تحرك = وانبرا حالي على شوفك وذكـراك القديمه

كم عصمت القلب من بعدك ولا نزلت قدرك = ما انشغلت بحب (نوف)وعشق(شوق)وقرب(ريمه)

ماتصنعت الكلام الكذب والهرج المفبرك = مايغيرني زمان ولاتعجزني ظليمه

لو عرفت الحال عقبك والله ان اتدق صدرك= يلحقك لوم الزمان وشرهة النفس السقيمه

مبطي(ن) ماقلت يوم اتزورني ( يا خذت شرك )=ومبطي ماقلت كيف الحال يامال الغنيمه

ومبطي(ن) ماذقت عذب الريق من ( كاسات خمرك ) = مايصح الا الصحيح وسكرة العاشق عظيمه

ومبطي(ن) ماقلت لي ( ياجعل كل الناس نذرك )= ومبطي(ن) ماقلت لك فرقاك في حقي جريمه

كم تسامرنا وكم ساح القـمـر من فــوح عطرك = وكم تلحـفــنا سكون الليل واسعدنا نسيمه

وكم كـتبت من القصيد العذب من وحيك وفكرك=وكم تسلفت المشاعر من ثناياك الكريمه

ياحياتي طاب ليلك بين نجماتك وبدرك = طبت يامحبوب قلبي ياغلاه ويانديمه

كم سريت بغبتك وغرقت في مدك وجزرك= وكم تهاونت العذاب وقلت نياتك سليمه

وكم كتبت من القصايد في مجافاتك وهجرك=وكم رسمت من الحروف بكل برق وكل غيمه

ياشقا دنياي واحداث الليالي لا تغرك = وآخرتنا للفنى واذكارنا تبقى مقيمه

كان خايلت السراب يلوح لا يخلف ممرك =والعواقب تاليتها يابعد عمري وخيمه

وكان باقي لي غلا عود علي ياخذت شرك=قبل ماتسقط حلومي تحت رايات الهزيمه

علي السكران

[محمد المحلكم]

صح لسانك

[علي السكران]

الاخ الغالي محمد

صح بدنك ولاهنت يالاجودي ومرورك اسعدني

اخيك ..... علي السكران

[صالح ال كحله]

صـــــــــح السانك


ياعلي السكران

كم سريت بغبتـك وغرقـت فـي مـدك وجـزرك
وكـم تهاونـت العـذاب وقلـت نياتـك سليـمـه

رائع هذا الحضور


اجل التحايا لشخصك

[عـزام]

المبدع على السكران

لله درك

جزله من راس جزل يالقرم

صح السانك مدد لا عدد

ودام ابداعك

[علي السكران]

الاخ صالح ال كحله
صح بدنك
الاروع حضورك وتشريفك للقصيده
ولاهنت طال عمرك

[علي السكران]

الاخ الغالي عزام
صح بدنك

ومروركم الطيب يمثل الدافع الاساسي للمضي معكم
لاهنت على الاشاده وتقبل تقديري

[البنت الجزله]

يعود فارس الشعر الى جموحه ويمتطي فرس مشاعره ليحلق بنا في سماء الابداع

صح لسانك ولا ادري اي بيت يسلب احاسيسنا تجاهه فالقصيده جزله وصاحبها جزل

وفقك الله ولا تحرمنا من الجديد

اختك البنت الجزله

[موج الأحزان]

صح لسانك ياعلي السكران

[علي السكران]

الاخت البنت الجزله

شكرا على طيب مرورك

لاهنتي وصح بدنش ومدحك للقصيده يسعدني

علي السكران