ظلموك يايوسف !! .. وياويلك ياغسان .

[منصور ابن فهيد]

وسلام على التحكيم يا لجنة الحكام = فشيلة يا رب تجيرنا لا تفشلنا
عرضتوا ذممكم للمحرّج وللسوّام = تقال إنكم تبغون شيٍ يزعلنا
رضينا بالأولى والرضا سيّد الأحكام = وصبرنا على الظلم العظيم وتحملنا
صبرنا عسا تحيا ظمايركم النيّام = ولكنها ما عاشت , الله يامنّا
خبصتوا سوالفكم ولخبطتوا الأرقام = مثل قصّة اللي تخلط الكحل والحنّا
وبعد إنها زادت عن الحدّ ما نلاّم= عسا الله يهين أرواحنا لن تهاونّا
لا والله نردّ الصاع صاعين للظلاّم = ونعلن مع المظلوم كامل تضامنّا
قبيلة بكاملنا نقول الوعد قدّام = ويا جاهلٍ فينا نعلّمك من حنّا
ترانا عتيبة واسمنا يرعب الأخصام = هل الأولة من يوم كنّا ولا زلنا
صناديد , ضربتنا تخلّ الجموع أقسام = لو إنّ الجبال رجال تعجز تقابلنا

مقطع من قصيدة وصل العطياني العتيبي

رد قاسي على (( البيطري )) غسان وطقم القواطي اللي معه من قبيلة عتيبه الهيلا ..

وتوعد برد الصاع صاعين ..

بعدما انكشف المستور وكشفت (( لجنة التهكيم )) عن انيابها والتي كادت ان تنال من شاعرية محمد ابن فطيس المري !! بل خدشت جمال شاعريته بإعطائه نسبه لايستحقها ابدا ..

والخافي اعظم ..

يتحدث عضو لجنة التحكيم سئ الذكر سلطان العميمي عن اطالة عدد ابيات يوسف العتيبي فيقول (( اخذت وقت غيرك )) ..

ويتحدث العضو الاخر حمد السعيد مخاطبا تركي الميزاني فيقول (( ماودك تعطينا موال ونزود لك درجة )) ..

ارأيتم التناقض بينهما ..

اي لجنه هذه التي يرأسها سباك منتهيه اقامته وعضو يردد نفس الجمل وعضو يعارض وعضو مايدري وين ربي حاطه فيه ويكفي ان فهد القثامي غسلهم بكم بيت من قصيدته الاخيره امامهم وهم لايعلمون ..

اين الشعراء والنقاد اللي عليهم العلم عن شغل كراسي هذه اللجنه ؟؟ ..

اليوم قتلت شاعرية يوسف العتيبي والله يعين قبيلته على رفعه ووضعه في المكان اللي يستحقه ..

وغدا ستقتل شاعرية عبدالرحمن الشمري ومحمد ابن فطيس والعازمي والهدف واضح لا غبار عليه ..

واللبيب ............؟؟

[وضاح0]

اشهد ان الذيب ذيب جعلني ما ابكيك يا محمد ابن راشد يوم انك رفعت نفسك عن برنامج المهازل ويا ليت ابن فطيس يحذو حذوك

[العنوود]

منصور ابن فهيد

بدون عنصرية ولا قبلية

اقل الشعراء شاعرية في الحلقة الماضية هو يوسف وانت قارنه مع العازمي والمري وووو

ولا تنسى ان اللجنة كانت اول من رشحه في الحلقات الاولى.. وكانت اكثر من يشجعه (وانا ايضا)

ولكن العتيبي .... تعدى على اوامر اللجنة بالنسبة للفزعات والوقت وغييييييره

المهم الله يوفقه

بالنسبة لبن افطيس وتركي ....والنسبة الاعلى لتركي

فاللجنة عندها قصائد ستة لكل واحد منهم... ويمكن تركي قصائده افضل
مع ان الفرق بينهم في النسبة مش كبير

اما القااء القصيدة الرديء لتركي في الحلقة الماضية واللي قبلها فهي بسبب الوقت


اخيرا ........ انا ما ادافع عن تركي ولا اشجعه ولكن الحق يقال... وانا من مشجعي ابن فطيس المري

[منصور ابن فهيد]

اشهد ان الذيب ذيب جعلني ما ابكيك يا محمد ابن راشد يوم انك رفعت نفسك عن برنامج المهازل ويا ليت ابن فطيس يحذو حذوك

انسحابه كان عين الصواب فهذا البرنامج يقتل المتميزين ..
ومشكور يالغالي على الحضور ..

[فارس شمر]

صعاليك اللجنه لن تقتل شاعريـة عبدالرحمن ابدآ

[منصور ابن فهيد]

المشاركة الأصلية كتبت بواسطة فارس شمر

صعاليك اللجنه لن تقتل شاعريـة عبدالرحمن ابدآ

ايه قابلني ..
عند الدكتور غسان مافي شي مستحيل ..
وصح عبدالرحمن مجربعهم بس هذا شنبي اذا ماكان الدور عليه ولا على ابن فطيس ..
لاكن اخذو العلم مني ..
كل واحد يحتزم ويعصب راسه والنار من شبابها ..
وترا كفيل غسان حاط مكافأه للي يجيبه ..

[فارس شمر]

منصور ابن فهيد..,,,


احب اقولك شغلــه ... مهما يقولون اللجنـه ومهما يفعلون ... وعلى الرغم من مجاملاتهم

لتركي 2000

لن يصمدون امام شـمـر ... ليس من باب العنصريه او التعصب القبلي بالعكس

بس القبيله هـي اللي تحدد موقفك امام هذي المسابقه . الفاسده بكل ماتحمله هذه الكلمه من معاني

واذا على شدة الحزام ... افااا عليك .. << شاد الحزام من زمان يابعد حيي

غسان له كفيل < ههههههه

وانشالله لي عوده

[ظل دبي]

بسم الله الرحمن الرحيم..




لجنة التحكيم فاشله وظالمه هل يستحق عبد الله الاحبابي ان يتأهل لدور هذا؟؟!!
ويظلم كل من الاهدل , يوسف لعتيبي , وش باقي ؟!
بن الذيب يقول:
((لا عاني من الوزن ووزن من يعاني *** انا صنع عربي ماني بصنع ياباني))
وصح لسانك يا بن الذيب ((يا شـــــــاعر العــــــــــرب))

[منصور ابن فهيد]

لن يصمدون امام شـمـر ... ليس من باب العنصريه او التعصب القبلي بالعكس

بس القبيله هـي اللي تحدد موقفك امام هذي المسابقه . الفاسده بكل ماتحمله هذه الكلمه من معاني

ونعم بالطنايا شمر ..
بس بقولك شغله وهذا الواقع اخوي فارس ..
المرحلة الجايه جميع المتسابقين راح يعتمدون على تصويت قبائلهم ..
ماعدا تركي الميزاني ..
سيعتمد على قبيلته وعلى الشعب السعودي ..
وخير دليل على كلامي اتصال الامير سلمان وخروج عبدالله اليامي ..
الحاجتين هذي اعطت تركي دافع اكبر ..
هذا الشاعر حاسبها صح !! وبعيدا عن مجاملات اللجنه وهو اساسا مو محتاج لها ..
اما اذا بتحط قبيلة شمر في مواجهة دولة كبيره كالسعودية كذا ظلمت نفسك ..
ولاتنسى ان شمر وعتيبه ويام ثلاث قبائل واعتبرها نصف الشعب السعودي عجزت تأهل ابن عبيان ..

واذا على شدة الحزام ... افااا عليك .. << شاد الحزام من زمان يابعد حيي

والله الظاهر تاليتها بخش انا وياك مستشفى الامراض العقليه ..

لأن المسابقه هذي لحسة مخ ..
بس ولا يهمك ربك فوق ..

تحياتي الحاااااااااااااره ..

[منصور ابن فهيد]

[quote]

لجنة التحكيم فاشله وظالمه هل يستحق عبد الله الاحبابي ان يتأهل لدور هذا؟؟!!
ويظلم كل من الاهدل , يوسف لعتيبي , وش باقي ؟!

ينصر دينك ..
بس (( الاهدل )) ؟؟؟
الاهدل شاعر فصيح يعني دخوله في هذه المسابقه غلط ..
بس الاحبابي والشهادة لله شاعر ..
تحياتي الحاااااااااره ..