مقتطفات شعريه لشيخ المراجل يهديها للمنتدى وأعضائه وضيوفه بعد طول غياب؟؟؟؟

[شيخ المراجل]

أهدي لكم هذه المقتطفات بعد طول غياب وأتمنى أن تنال على إعجابكم وترضي غروركم الأدبي.
.
.
.
.
.
.
.
لا شفت رقمي وأنت لاهي ومشغول @@@ الــواجب إنـك مــاتـحقر اتصالـي .
أول مـاتفضى ياغـناتـي عـلى طــول @@@ كلّم على اللـي لانـتخى مـايـمـالي .
قـل لـه مـعـاذيـرك ولا تـكـثر الـقـول @@@ تـرى حبيبك مــأيــحـب الــجدالـي.
وعذرك قبـل مـايسمـعه منك مقبول @@@ حق(ن) من حقوق الغلا وأنت غالي.
.................
وين أنت ياللي مسبب في الحشا لجه @@@ مابين حـدب الـضلوع وبين خـفـاقي.
وين المشاعر بعد مـاجـات مـحـتجـه @@@ تحـلـف لـي أن الـغلا لـو نفترق باقي.
تـعال أبـشرب غــلاك ونـذر مــامجّه @@@ لو شان طبعك معاي وشانت أخلاقي .
.................
وين أنت يالغالي اللي مامعك غالي @@@ الـشوق عـنا هـواجـيـسي وسـراهــا.
صبرت مــره ومــره يــابـري حـالي @@@ الثالثـه عـين مغـليـك إنـتـثـر مـاها.
وأرسلت لك ياعساك تشوف مرسالي @@@ وتقول لبيه مـن قـلبـك وتـقـفـاهــا.
رنة وصل تقطع بها حس عذالي @@@ وتكرم بها نفس عـز وتـكسب رضاهـا.
.................
أنا ويش أسوي وأنت غالي وطبعك شين @@@ ماغير أتصبر وألحق الونة بونه.
لعل وعسى ولا يجيب الله المقفين @@@ وأشوف الوناسه بيـن الأضـلاع مسـتـنه.
.................
بعثرنـي الـشــوق ويـنك ماتلملمني @@@ عسا لياليك تشبع من مسراتك.
يــاغالـي الله يبـارك فـيـك كـلمـني @@@ جمل فديتك حياتي باتصالاتك.
وإذا ماودك تواصل لا تعلمني @@@ إسكت وخل الليالي تشرح سكاتك.
.................
ياقلبي العذر من ربـي وثـم مـنـك @@@ مـانيـب مـعـصوم والـزلات مــدموحه.
رح خـبر الـلي لـيـالـيـها تـوطنك @@@ ماهـيـب عـلى نـيـة الـمـقـفـين مسموحة.
وإن كانها ماتبي ترضيك وتحنك @@@ أخف الأضرار تحشم من خـذت روحه.

وسلامتكم.

[حضريه عمها بدوي]

يامرحبا

من طول الغيبات جاب المقتطفات ههههههه


تسلم ماشاءالله عليك تنفع مسجات للجوال


وجعل عمرك طويل

[الاحرش]

صــــــــــــــــــــح الله لــــــــــــســــــــــــــــانك

[صبي قحطان2007]

وين أنت ياللي مسبب في الحشا لجه @@@ مابين حـدب الـضلوع وبين خـفـاقي.
وين المشاعر بعد مـاجـات مـحـتجـه @@@ تحـلـف لـي أن الـغلا لـو نفترق باقي.
تـعال أبـشرب غــلاك ونـذر مــامجّه @@@ لو شان طبعك معاي وشانت أخلاقي



((( شيخ المراجل ))))
قصائد وابيات رائعه لا يجيد كتابتها الا شخص بحجم شيخ المراجل

صح لسان واحساسك ولا عدمنا تواجدك المثير للورد والشعر والليل والخيل

[@الشيــــــــــــنه@]

وين أنت يالغالي اللي مامعك غالي @@@ الـشوق عـنا هـواجـيـسي وسـراهــا.
صبرت مــره ومــره يــابـري حـالي @@@ الثالثـه عـين مغـليـك إنـتـثـر مـاها.
وأرسلت لك ياعساك تشوف مرسالي @@@ وتقول لبيه مـن قـلبـك وتـقـفـاهــا.
رنة وصل تقطع بها حس عذالي @@@ وتكرم بها نفس عـز وتـكسب رضاهـا.


صح لسااااااانك ياشيخ المرااااااجـل ومن طول الغيبات جاب الغنايم

مقتطفاات رااائعه


يعطيك العافيه اخوي

[مناحي الصميل]

صح الله لسانك على ماكتبت


ولا هنت على الابيات الجزله

[جنحان البقاله]

شيخ المراجل / بالحرام انك شيخ قصيد بعد والله لايهينك غسلت كبدي بمقتطفاتك العذبه وانا قبل شوي طاق كبدي واحد قريت له بلغلط


شيخ المراجل ودي والله ان كل وحده نزلت لحالها كامله للاستمتاع فقط

الله لايهينك ولا عاد تغيب وجعلني ما افقدك في المنتدى ولا ابكيك

[مشاعر حالمه]

بعثرنـي الـشــوق ويـنك ماتلملمني @@@ عسا لياليك تشبع من مسراتك.
يــاغالـي الله يبـارك فـيـك كـلمـني @@@ جمل فديتك حياتي باتصالاتك.
وإذا ماودك تواصل لا تعلمني @@@ إسكت وخل الليالي تشرح سكاتك.

هالرااائعه اهديها لأختي الغااااائب الحاضره بقلوبنا ( البنت الجزله ) والله لها وحشه

شيخ المراجل

مقتطفات رااائعه جدا واعجبتني

صح السانك ولاهنت

تحيتي لك / مشاعر حالمه

[فالح بن عيد]

السلام عليكم ورحمة الله وبركاته
صح ألسانك يشيخ المراجل على القصيد الجزل
وحنا بأنتظار جديدك والله لايهينك
تقبل مروري.

[جراح بن ضيدان العجمي]

صح الله اللسانك
فعلا ً استمعت بقرائة احساسك الجميل



ودمت بكل الحب

جراح