السلام عليكم ياجماعة..
أدري أني مقصر بحقكم وسامحوني على الغياب لكن والله الظروف
ماعاد تسمحلي وأهدي لكم هاذي القصيدة واتمنى أنها تعجبكم!!
..................................
جيتكم بادي علومي في وصيه
اسمي الفارس بديته بالوصاه
ماني اللي ناسيٍٍ نصحة خويه
ولاني اللي راجيٍٍ مال وجاه
والسبايب كتمتي لهمي البليه
همي اللي ضيع الفكر برداه
ضاع فكري ودمعتي تقسي عليه
ومن عنايا تهت في قضم الشفاه
الهموم اتكب في وادي المنيه
يالله انك ترحم الحال بعناه
والمصيبه انها تكتب بييده
من صلاة الصبح ولغاية عشاه
انني غلطان وقارب للرديه
والخطا مني جعلني في سماه
يالله الغفار تغفر لي الخطيه
خوفي ان الهم يقتلني شقاه
كانت النيه وهي دايم مطيه
والصحيح اني بعيد من لقاه
كانت النيه لغيري ماهي ليه
ثم هداني نفسه الضيق وغطاه
يالله الخيره كسبنا الجاهليه
مدري وش حالي غداله بالحياه
لو ردي الخلق يحكم بالرعيه
كان صرنا للخطا حنا الرواه
بس أشوف الخير قدم لي هديه
وارتوت روحي برشفه من هناه
في عيوني نصفي الثاني الوفيه
الله يكفينا عيون من عداه
ودي أفصح عنها بضعة شويه
بس أخاف الناس تحسدني عطاه
كالبيارق رافعه وقت الحميه
هذا مجزلها وذا تارك فضاه
مدري وين الدرب واصل بالشقيه
ضايعه ومضيعه فرض الصلاه
ماروت بأحياضها واحد وميه
تايهه بافعالها لين النواه
تبغي الفرحه ولو كانت خزيه
ثم ندامة عرض تبكيها بعواه
وصار أبوها ناكس راسه بغيه
يلعن الخلفه ويلعن في ضناه
وكم رعيلٍٍ ماعرف شين الوطيه
كود وقتي عالي قمة رداه
نب نسل السيف ونقتل بالوغيه
ثم نعاند وقتنا بكسرة عصاه
ياعرب هذي علوم السرمديه
شقوا القربه على صخر الصفاه
وللختام انجيبها فوق الشريه
للرجال اللي لقاهم مشتهاه
>>>>>>>>>>>>وسلامتكم<<<<<<<<<<<<
15-06-2007, 06:26 PM
العرض العادي
