العرجاني وقصيدته في بني هاجر..

[ظبي العدام]

يالله ياعالـم بغـيـب الليـالـي = ياواحد(ن) نرجيه بـاوّل وتالـي


انـك توفقنـي لـدرب الهـدايـه = وانك تجملنـي لاجابـو مجالـي


شاعر ولامنّـي كتبـت القصيـده = أعيش في جـو القصيـده لحالـي


لاغيّب المسحوب جبت الهجينـي = ولاغيّب الصخري بدعت الهلالـي


ماجيبهـا منّـا ومـنّـا ومـنّـا = ياواقعيـة فـكـر ولاّّ خيـالـي


لا قرّبت كنها على رمش عينـي = واليا أبعـدت ماكنّهـاإلا ظلالـي


تحبّني حب الرجـل لابـن عمّـه = واحبّهـا حـب الرجـل للمعالـي


دايـم تقدرنـي وانـا محترمهـا = تاتي قبل ماانطق بكلمة((تعالـي))


أصونهـا واعزهـا واحتميـهـا = واعدها لا من طرى ماطرى لـي


يعني ليامن جيت عند (( محلفنا)) = ماجيب غير النـادرات الغوالـي


يستاهلون المـدح والمـدح فيهـم = أقل وصف انهم (زحول الرجالي)


زحول الرجال إلا شـوي بحقهـم = يمكن انـا ماقلـت شـي ٍ فبالـي


هواجرن فيهم من الطيـب جمّـه = هواجرن فيهـم شمـوخ الجبالـي


اكبرهم اللي لا احتمى الجال شفته = يقول باعلى الصوت (( ياهمّلالي))


واصغرهم اللي لا نطق له بكلمـه = كنّه يقول الجـال هـذاك جالـي


من دون شايبهم يوقّـف صبيهـم = يعني (صميدع راس) ولا يبالـي


ومحلهم تلقى بـه العـود الازرق = وتلقى به الشبّه وصفـر الدلالـي


يعني الكرم فيهـم مـن الله جبلّـه = الهاجري يضرب بطيبـه مثالـي


بين الهواجـر والجزالـه علاقـه = علاقتن ماصـار فيهـا انفصالـي


قلته وانـا مـن لابـةٍ ومعروفـه = خيالة (السمـرا) بيـوم القتالـي


الطيب فينـا والمعـزّه لنـا ورث = متوارثينه مـن عمـام وخوالـي


من ضَد ّنا ماهوب ياطيب حظـه = يشهد لنا ماضـي قديـم الليالـي


وكلّن على ماقيل مـن دون حقـه = والصدق يبقى والحقايـق تقالـي

تحياتي

[قبلةالعجمان]

صححححححح لسانه ....
وتسلمين يالهاجريه على هالقصيدة

[ابوحمد الشامري]

ونعم ونعم مليوووووووون في بني هاجر.

بيض الله وجهش يا السنافية على ذا القصيدة الجزلة ولا هيب غربية على بني هاجر يستاهلون المدح وهم اهله.

لا هنتي وما قصرتي .

ابو حمد الشامري

[راكان اليامي]

صح الله لسان ابن عرجا ويستاهلون المدح بني هاجر هل الطيب

وتسلمين يالمهايطيه على القصيده الزينه

وصح الله لسانش

[ياميه جديده]

حلوهههههههههههههههههههههه

[لـولا الوفا]

بين الهواجـر والجزالـه علاقـه علاقتن ماصـار فيهـا انفصالي


أنشد أن ما حنا بهينيين

[فالح ابو ريم]

لا هنتي يا ظبي العدامه


وما عليكم زود يالعجمان وبيّض الله وجيهكم


وصح لسان العرجاني وعلى ما اظن انه سالم بن جخير راعي القصيده

بيّض الله وجهه وصح الله لسانه


يعطيتس العافيه