يالعنبوها لحظت(ن) هزّت القاع

[كميّخ الهاجري]

السلام عليكم ورحمة الله وبركاته.




اليكم هذه المتواضعه وأرجو أن تنال على رضاكم.

قلبي من الأوجاع طفّى شموعه=والكبد فيها من غثاها تمزّاع
عيني بعينه يوم هلّت دموعه=لاعادها الله لحظت(ن) هزّت القاع
أقفى ورجلي في محلّي جزوعه=والعين كن في داخل العين لمّاع
سهرت لين الصّبح بيّن طلوعه=مع خياله بسّ ماني بطمّاع
عزّاه لامنها طرتلي اطبوعه=أضحك ودمعي يسبق الضحك ملتاع
حكيه خفيف وفيه نفس(ن) قنوعه=وماهو من اللي للمطافيق سمّاع
وإليا نظرت ابعينه ألقى دروعه=متحاميه قلب(ن) عليه الزّمن لاع
اقهوته الشّريان وقلبي قدوعه=وصفّة فناجيلي من الويل صنّاع
أنا آدري إنّي ساكن(ن) في ضلوعه=وهو بعد له مسكن(ن) بين الاضلاع
حالي عقب فرقاه ياويش نوعه=مدري كآبة نفس وألا العقل ضاع
وهذا الزّمن لابدّ نمشي بطوعه=لازم نطيعه كانه أبطى ولا طاع
واللحظه اللي هلّ فيها دموعه=يالعنبوها لحظت(ن) هزّت القاع

[شاعرها]

الله الله عليك



حجز اول


صح لسانك مدد ماهيب عدد ياكميخ ياوجه محلف


الله لايهينك

[الدالوب]

الاخ كميخ الهاجري
الحق يقال

صح الله لسانك
كتبت فأبدعت و أمتعت
تقبل تحياتي

[فيصل ال رشيد]

صح اللسانك

[راعي^الهدبا]

كميخ الهاجري


صح الله لسانك على القصيده الجزله



الله يعطيك العافيه

[سلطااان العتيبى]

كميخ الهاجري


صح الله لسانك على القصيده الجزله من النواحي لاهنت يالجزل



تقبل مروري

[صـــبـــــــــا]

حكيه خفيف وفيه نفس(ن) قنوعـه=وماهو من اللي للمطافيق سمّـاع
وإليا نظرت ابعينه ألقـى دروعـه=متحاميه قلب(ن) عليه الزّمـن لاع

الله عليك يالهاجري
أبيات جزله
صح لسانك وكلك عليها
لاهنت يالقرم
تقبل مروري وتعقيبي
دمـــت بــود
أختك : صــبـــــــآ

[كميّخ الهاجري]

أخوي/شاعرها.




حجزك على العين والرّاس.




صح ابدنك وأشكرك كل الشكر على المرور الكريم.



تقبّل تحيّاتي.




أخــــــــــــــــــــــــــــــــــــ(كميّخ الهاجري)ـــــــــــــــــــــــــــــــــــــوك.

[كميّخ الهاجري]

أخوي/الدالوب.





صح الله ابدنك.




وكلمتك وسام على صدري.


أشكرك على مرورك الكريم.



لاتحرمنا ردودك.


تقبّل تحيّاتي.



أخــــــــــــــــــــــــــــــــــــ(كميّخ الهاجري)ــــــــــــــــــــــــــــــــــــوك.

[كميّخ الهاجري]

أخوي/القرم.





صح ابدنك ولاهنت على المرور.



تقبّل تحيّاتي.




أخـــــــــــــــــــــــــــــــــــــ(كميّخ الهاجري)ــــــــــــــــــــــــــــــــــــــــوك .