تفاهمنا على مبـدا الصداقـه والكـلام الـذرب=وضيّعنـا الكـلام الـذرب .. وانهينـا صداقتنـا
بيت عاجبني من زمان ولدري من هوله .,
ويوم عرفت راعيه حطيت القصيده كلّها 
.
.
رعاك الله يا شوقٍ تقفّاه الهـوا .. مـن غـرب=يشيل من الغلا والحـب .. شـيٍ فـوق طاقتنـا
غشاه من السكينه ما غشى المكروب يوم الكرب=نـداء القلـب بالمرصـاد .. والاقـدار ساقتنـا
وانا لو لا مداهيل الغـلا مـا جيـت ذاك الـدرب=ولا كحّلـت عينـي مـن بقايـا .. اول علاقتنـا
لكن جيت اتمشّى .. لين شفت اطلالنا عن قـرب=وجاوبت الهبوب اللـي تسولـف عـن حماقتنـا
متى صار العتب بين القلوب .. اعلان حالة حرب=ومتى عشنا كذا .. وادنـات شـي يسـد فاقتنـا
تفاهمنا على مبـدا الصداقـه والكـلام الـذرب=وضيّعنـا الكـلام الـذرب .. وانهينـا صداقتنـا
لازلت انفض جناحي فالسما .. لو كنت برا السرب=لكـن اقبـل نهايتنـا .. ولا تنسـى عراقتـنـا!
.
.
لـ خالد الحصيّن
14-11-2007, 05:17 AM
العرض العادي
