هذه قصيده طريفه ذكر فيها الشاعر الحروف الأبجديه وهو الشاعر
أحمد اليامي
ويقول فيها:
(ألـف) ألـف وادي بعـد وادي**أدور للتـي جــرّت فــؤادي
أنادي باسمهـا وتعبـت انادي**عسـى تسمعنـي اللـي عذبتنـي
و(باء) بابدي على روس النوايف**باراقـب حبنـا والقلـب خايـف
بعد ذا العمر تنسى انا ولايف**وتنسى وعودهـا اللـي واعدتنـي
و(تـاء) تاهـت خطاويـنـا وتهنا**تناديـنـا المحـبـه لاتجهـنـا
تمـر سنيـن لكـن ماانتبهنا**وسـود رموشهـا مــا نبهتـنـي
و(ثاء) ثارت شجوني واستباحت**ثمان سنين فـي رجـواه راحـت
ثمار القلب بعد الحب طاحت**رمتها مثـل ماهـي قـد رمتنـي
و(جيم )جروح في قلبي قديمه**جرت مجرى دمـوع اللـي يتيمـه
جفوهـا اللـي لهـم عـزه وشيمه**وخلوهـا ودمعتهـا كوتنـي
و(حاء) حبيـت مظنونـي ولكن**حجاجينـي مـن فراقـه تشاكـن
حماه الله فـي ذا القلـب ساكن**ولكـن بـه حواجـز مانعتنـي
و(خاء)خلّوا حبيبي هو وشانه**خطـاه انـه حرمنـي مـن حنانـه
خطف قلبي وخلاّ لـي مكانه**وعينـي بعـد مااقفـى مهلكتنـي
و(دال)دلّوا حبيبي صوب قبري**دموعه من جروح الوقـت تبـري
دوا قلبـي وهـو مفتـاح صبري**انـا محتاجهـا لـو مابغتنـي
و(ذال) ذلّتني البنت الجميله**ذكـا ووصـوف وايضـاً مـن قبيلـه
ذرفت الدمـع ماباليـد حيله**سبـت قلبـي وهـي مـا كلّمتنـي
و(را ء)روفوا بحالـي وارحموني**رميتوبـي وربعـي مارمونـي
رجعتـوا بعدهـا تستعطفوني**تظنّـون انهـا مــا ضايقتـنـي
و(زين)زود المحبـه حـط فينا**زوابـع تركيـا وحـروب سينـا
زبنـا بالولـي وبامـره رسينا**ونجّانـي ونجّـى مـن برتنـي
وسين(ن)سارت وقلبـي وراها**سبتنـي ليـن ان تهت بهواهـا
سمعت عتابها وابغـى رضاها**عليهـا العيـن دايـم مسهرتنـي
وشين(ن)شوفة العاشق لخلّه**شقا فوق الشقا منهـا حصـل لـه
شبابـه راح فـي رجـواه كلّه**يقـول رموشهـا كـم ولّعتنـي
و(صاد) صادق حبيبي فـي كلامه**صبـاح اليـوم بيجـدّد غرامـه
صفى جوّي بعد ما القى سلامه**وزانت لـي بعـد مـا قبّلتنـي
و(ضاد) ضوّيت له شمعة سنيني**ضلوعي مـن دفـى قلبـه تلينـي
ضمنت انه بعـد هـذا يبيني**ولكـن للأسـف مـا صارحتنـي
و(طا) طير السما اللي فوق حايم**طلبتك لى غدى المزيـون هايـم
طعه وارسل على قلبي نسايم**وقل لـه مـن طرفهـا مرسلتنـي
و(ظـا) ظـل الرمـوش اليعربيه**ظـلام تقـول متغشّيـه فـيّـه
ظلمنـي صاحب(ن)يقسـى عليّه**ولكـن الليالـي منصفتـنـي
وعين(ن)علمّوا اللي مادروا بي**عرب بدو وحضر شرق وجنوبي
عن اخباري وقوم(ن)هبّلـوا بي**وعـن ريم(ن)بقامتهـا سبتنـي
وغين(ن)غـارت نجـوم الثريا**غلبهـا صاحب(ن)يسكـن هنيـا
غرامـه غايتـي لكنـه عيا**وعيّـت قـدرة(ن) منّـه خذتـنـي
و(فا)فوق الجبال أسّست حبّي**فراحـت وانهتـه وانهـار حبي
فـلا يقـدر عليهـا غيـر ربي**خلقهـا وابتلاهـا فـا بتلتنـي
وقا قولـوا لبنـت النـاس كفّي**قلبتـي حالتـه ليـن استخفـي
قلوب الناس من حولك ترفّي**عطيهـم مثـل مانتـي معطيتنـي
وكاف(ن)كف عني يا عذولي**كرهت افعالكـم وكرهـت قولـي
كلام الناس مـا خـلاه حولي**مقاديـر الهـوى منـه ابعدتنـي
ولا للـي يقولـون استلمها**لمـا ضاقـت عليـك فـدق فمهـا
لجل تمشي معاك وتحترمها**وانـا مـا ارد نفسـي لـى نهتنـي
وميم من الهـوى جانـي كفايه**معانـاه وقهـر وايضـاً نهايـه
معاد اقدر ولا لـي فيـه غايه**سقتنـي المـر ّ كفّينـه سقتنـي
ونـا نجـران مربـى كـل زينه**نواظرهـا وقامتهـا حسينـه
نقول لعينهـا تكـرم مدينه**وتكـرم فـوق ماهـي قـد جزتنـي
و(هـا)هاتـوا يديهـا واخطبوها**هنـاك بيوتهـا وهنـاك ابوهـا
هديه غاليه روحوا اجلبوها**وانا اعطي مهرها لوهـي رضتنـي
و(وا) وصيتكـم يااهلـي وصايا**وقولوهـا علـى كـل البـرايـا
ولدكـم عذّبـه حـب الصبايا**ولـكـن لا تقـولـون اقتلتـنـي
ويا يااهل الغظي روفوا بحالي**يديني ما قـوت تمسـك عقالـي
يبالي مكرمـه منكـم يبالي**عطونـي الجـادل اللـي بهذلتنـي
وسلامتكم
04-09-2004, 09:14 PM
العرض العادي
