قصيده الصلح بين فخوذ قبيلة آل دويس من قبيله يام للشاعرحمد ال دويس

[راكان اليامي]

اذي قصيده للشاعرالكبير / حمد بن هادي آل دويس اليامي

ولها حدث ومناسبه طيبه

حيث أنه تم الصلح بين فخوذ قبيلة آل دويس من قبيله يام والتم شمل القبيله كلها

وللشعر كلمته في مثل هالمواقف

ليلٍ سرى بارقه يسوق منشي المخيل = علينا من جايد الوسمي همّـل غمامه

وارتوت شعيبٍ ياطول ماهي مماحيل = وانحدر سيل الجبل من عوالي عجامه

باثره تغرد طيور السِّعْد فوق الدويل = ونبت قرحان الحيا مال يعانق خزامه

وتارد غزلان الوضيح على صافي المغاييل = والصيد يدْرُج على كل مدهالٍ رامه

يوم أجتمع صبيان مجسر عدّالة الميل = على الشور الموحَّد ولا خابت سهامه

وبيّضت كل العرب من فوق راس الطويل = وبيحة الصبح والشمس تَجلا الليل وظلامه

كمٍ حسودٍ سهر ما أهتنى نومة الليل = وكمٍ صديقٍ بالعلم رقد باحلى منامه

يا زينها لاجتمع راي قروم الرجاجيل = في طاعة الله وله تنحني كل قامه

لابتي يحْجا وينجا في ذراها الدخيل = كل أبلجٍ في الوغى سِـعد من حن حزامه

يشتكي الحِف منا كُثْر طعون المصاقيل = ما قدَرفي حرْبنا راح وبان انهزامه

ولي صاح صايحٍ من على مسارج الخيل = في نهارٍ عجّته تعتلي كل هامه

حثيثين الملاحيق لي نادوا يالمشاكيل = نلحق عَجل الركايب لي تزايد زحامه

في وجه كل عادي ننثني بالجراميل = دون الحد نبيع الروح مرخصين المسامه

عدونا انهزم وانكسر جيـشه جـفِيـل = غشـيمٍ من حَرَبْـنا تاليـته للنـدامه

قومٍ تمِّن التالي لين يلحق بالرحيل = والعدو إلي طغى حن لخشمه خزامه

موا حِشْـف السماري مصارير ومباهيل = وساق راعيها مرْعاه طول ما دار عامه

كم شيخٍ طمع فينا وردّينا له صميل = وفصلنا عليه من بيض الاكفان خامه

وقعنا لي جا الوغى راعي المهر الأصيل = حافوره بين الصفوف لارْتخَى له لجامه

تاريخنا من قديم الوقت ما له مثيل = كما خد عِمهوجٍ يزهى بالوجْن شامه

وصيتنا في سما العز يباري الجدي وسهيل = وعَطانا بارض الكرم حل وبنّا خيامه

ضيفنا لي لفانا قدره نذبح له الحِيل = ننحر له من ابْـلنا حرٍ نابهْ سنامه

تشهد لنا الدلال وتشهد لنا الفناجيل = كم ضيفٍ في ليلة البرد يلقى كرامه

يعطّر مجالسنا ريحة البن والهيل = وضيفنا بصدورنا نوسّع له مقامه

في زمانٍ بخيله قام ودس المعاميل = وسلوم العرب دايم يبدلها الهلامه

يوم القبيلي كريم في السنين المهازيل = والحر طير الهداد ما يِقارن بهامه

وحنّا هل العلم والسلْم جيلٍ بعد جيل = وحن هل العادات والجود وأهل الشهامه

معرّبٍ جدنا من صلب يام السليل = وراس السلطان يِكْسَى بملفوف العمامه

ويام بن يصبا فيها قليل المدح وإن قيل = على سطور القرطاس بمبري القلامه

وصلاة ربي عدد ذرات تراب النثيل = على الرسول الكريم عليه أزكى سلامه

وعدما طيرٍ يرف وعدما غصنٍ يميل = صلاةٍ بلا عددواجعل ذكره ختامه

حمد بن هادي آل دويس

[العماني]

وصح لسانك يا راكان وصح لسان الشاعر

والحمدالله اللي تم الصلح بين الأخوان


تقبل تحياتي،،

[نبض المعاني]

صح لسانك يا ذيبان ولسان الشاعر

وهذي عادات الطيبين يدمحون الخطا
ويسمحون الرفيق

فيه زامل جابه واحد مقبل على واحد من جماعته في منصد.
ولو انه ما ههوب مخطي ولكن عذلو عليه ربعه وقالو له خلها في جنبك
ذا المره قالهم ابشرو ثم جاب زامل يقول فيه:

الصقر ما يهوى البحر ماله طريق*****والعين ما ترقد والاخرى ساهره

ياما طرحنا الجنب من دون الرفيق****وياما حملناها ولوهي غاويه

تسلم يا راكان على القصيده الجزله والله يديم عوايد صبيان يام الطيبه من اصلاح ذات البين .

اخوك:ابن زابن

[راكان اليامي]

هلا وغلا يابو مبارك وصح الله بدنك

وتسلم على الرد

[راكان اليامي]

ارررررررحب يابن زابن وصح بدنك ياسنافي
وتسلم يمينك على القصه والزامل ياذيب

[ابوتركى]

معرّبٍ جدنـا مـن صلـب يـام السليـلوراس السلطان يِكْسَى بملفـوف العمامـه


ونعم فيهم وتشكر راكان على النقل الجميل

تحياتى

[راكان اليامي]

هلا وغلا يابو تركي
وماعليك زود ياذيبان
وصح بدنك يالغالي

[بخـــــــــــوت]

صج لسان الشاعر ولساانك راكان

والحمد الله على لم الشمل

تحيتي

[راكان اليامي]

صح الله بدنش يابخوت